TITUS
Biblia Mcxetica
Part No. 661
Previous part

Chapter: 134 
ალელუაჲ


Verse: 1  Link to psa Link to sept   აქებდით სახელსა უფლისასა, აქებდით მონანი უფალსა.

Verse: 2  Link to psa Link to sept   რომელნი სდგათ სახლსა უფლისასა, ეზოთა სახლისა ღმრთისა ჩუენისათა.

Verse: 3  Link to psa Link to sept   აქებდით უფალსა, რამეთუ სახიერ არს უფალი; უგალობდით სახელსა მისსა, რამეთუ კეთილ;

Verse: 4  Link to psa Link to sept   რამეთუ იაკობი თჳსად გამოირჩია უფალმან და ისრაჱლი - საბრძანებელად თჳსად.

Verse: 5  Link to psa Link to sept   რამეთუ მე გულისჴმა-ვყავ, ვითარმედ დიდ არს უფალი, და უფალი ჩუენი უფროს ყოველთა ღმერთთა;

Verse: 6  Link to psa Link to sept   ყოველივე, რაოდენი ინება უფალმან, ქმნა ცათა შინა და ქუეყანასა ზედა, ზღუათა შინა და ყოველთა უფსკრულთა;

Verse: 7  Link to psa Link to sept   აღმოიყვანნის ღრუბელნი დასასრულით ქუეყანისაჲთ და ელვანი წჳმად გარდააქცინა, რომელმან გამოიყვანნის ქარნი საუნჯეთაგან მისთა;

Verse: 8  Link to psa Link to sept   რომელმან დასცნა პირმშონი ეგჳპტისანი კაცთაგან მიპირუტყუთამდე;

Verse: 9  Link to psa Link to sept   გამოავლინნა სასწაულნი და ნიშნი შორის შენსა, ეგჳპტე, ფარაოს ზედა და ყოველთა მონათა მისთა;

Verse: 10  Link to psa Link to sept   რომელმან დასცა თესლები მრავალი და მოსწყჳდნა მეფენი ძლიერნი:

Verse: 11  Link to psa Link to sept   სეონ, მეფე ამორეველთა, და ოგ, მეფე ბასანისა, და ყოველნი მეფენი ქანანისანი;

Verse: 12  Link to psa Link to sept   და მისცა ქუეყანა მათი სამკჳდრებელად, სამკჳდრებელად ისრაჱლსა, ერსა თჳსსა.

Verse: 13  Link to psa Link to sept   უფალო, სახელი შენი უკუნისამდე და საჴსენებელი შენი თესლითი თესლადმე.

Verse: 14  Link to psa Link to sept   რამეთუ განიკითხოს უფალმან ერი თჳსი. და მონათა თჳსთა ზედა ნუგეშინის-ცემულ იქმნეს.

Verse: 15  Link to psa Link to sept   კერპნი წარმართთანი ოქროსა და ვეცხლისანი, ქმულნი ჴელთა კაცისანი.

Verse: 16  Link to psa Link to sept   პირ-ათქს და არა იტყჳან; თუალ-ასხენ და არა ხედვენ,

Verse: 17  Link to psa Link to sept   ყურ-ასხენ და ყურად-იღებენ, რამეთუ არცა არს სული პირსა მათსა.

Verse: 18  Link to psa Link to sept   ემსგავსენ მათ მოქმედნი მათნი და ყოველნი, რომელნი ესვენ მას

Verse: 19  Link to psa Link to sept   სახლი ისრაჱლისა აკურთხევდით უფალსა, სახლი აჰრონისი აკურთხევდით უფალსა,

Verse: 20  Link to psa Link to sept   სახლი ლევისი აკურთხევღით უფალსა, მოშიშნი უფლისანი აკურთხევდით უფალსა.

Verse: 21  Link to psa Link to sept   კურთხეულ არს სიონით გამო, რომელი დამკჳდრებულ არს იერუსალჱმს.



Next part


This text is part of the TITUS edition of Biblia Mcxetica.

Copyright TITUS Project, Frankfurt a/M, 22.3.2021. No parts of this document may be republished in any form without prior permission by the copyright holder.