TITUS
Biblia Mcxetica
Part No. 640
Previous part

Chapter: 113 
ალელუაჲ


Verse: 1  Link to psa Link to sept   გამოსლვასა ისრაჱლისასა ეგჳპტით, სახლი იაკობისი ერისაგან ბარბაროზთასა

Verse: 2  Link to psa Link to sept   იყო ჰურიასტანი სიწმიდე მისა და ისრაჱლი საბრძანებელ მისა.

Verse: 3  Link to psa Link to sept   ზღუამან იხილა და ივლტოდა, და იორდანე უკუნიქცა მართლუკუნ.

Verse: 4  Link to psa Link to sept   მთანი იმღერდეს, ვითარცა ვერძნი, და ბორცუნი, ვითარცა კრავნი ცხოვართანი.

Verse: 5  Link to psa Link to sept   რაჲ არს შენდა, ზღუაო, რამეთუ ივლტოდე, და შენ, იორდანე, რამეთუ უკუნიქეც მართლუკუნ?

Verse: 6  Link to psa Link to sept   მთანი, რამეთუ იმღერდით, ვითარცა ვერძნი და ბორცუნი - ვითარცა კრავნი ცხოვართანი?

Verse: 7  Link to psa Link to sept   პირისაგან უფლისა შეიძრა ქუეყანა, პირისაგან ღმრთისა იაკობისა,

Verse: 8  Link to psa Link to sept   რომელმან გარდააქცია კლდე ტბად წყალთა და კლდე განუკუეთელი - წყაროებად წყალთა.

Verse: 1  Link to psa Link to sept   ნუ ჩუენთჳს, უფალო, ნუ ჩუენთჳს, არამედ სახელსა შენსა ეც დიდებაჲ

Verse: 2  Link to psa Link to sept   წყალობითა შენითა და ჭეშმარიტებითა შენითა. ნუ სადა თქუან წარმართთა: სადა არს ღმერთი იგი მათი?

Verse: 3  Link to psa Link to sept   ხოლო ღმერთმან ჩუენმან ცათა შინა და ქუეყანასა ზედა ყოველივე, რაცა უნდა, ქმნა.

Verse: 4  Link to psa Link to sept   კერპნი წარმართთანი ოქროსანი და ვეცხლისანი ქმნულნი ჴელთა კაცთანი;

Verse: 5  Link to psa Link to sept   პირ-ათქს და არა იტყჳან, თუალ-ასხენ და არა ხედვენ,

Verse: 6  Link to psa Link to sept   ყურ-ასხენ და არა ესმის, ცხჳრ-ასხენ და არა იყნოსენ,

Verse: 7  Link to psa Link to sept   ჴელ-ასხენ და არა განიხილვენ, ფერჴ-ასხენ და არა ვლენან, არცაღა ჴმობენ ჴორცითა მათითა.

Verse: 8  Link to psa Link to sept   ემსგავსნედ მათ მოქმედნი მათნი და ყოველნი, რომელნი ესვენ მათ.

Verse: 9  Link to psa Link to sept   სახლი ისრაჱლისა ესვიდა უფალსა; შემწე და შემწყნარებელ არს მათდა.

Verse: 10  Link to psa Link to sept   სახლი აჰრონისი ესვიდა უფალსა; შემწე და შესავედრებელ არს მათდა.

Verse: 11  Link to psa Link to sept   მოშიშნი უფლისანი ესვიდეს უფალსა; შემწე და მფარველ არს მათდა.

Verse: 12  Link to psa Link to sept   უფალმან მომიჴსენა ჩუენ და მაკურთხნა ჩუენ, აკურთხა სახლი ისრაჱლისა,

Verse: 13  Link to psa Link to sept   აკურთხა სახლი აჰრონისი, აკურთხნა უფალმან მოშიშნი მისნი, მცირედნი დიდთა თანა.

Verse: 14  Link to psa Link to sept   შეგძინენ უფალმან თქუენ ზედა, თქუენ ზედა და შვილთა თქუენთა ზედა;

Verse: 15  Link to psa Link to sept   კურთხეულ ხართ თქუენ უფლისა მიერ, რომელმან ქმნნა ცანი და ქუეყანა.

Verse: 16  Link to psa Link to sept   ცანი ცათანი უფლისანი არიან, ხოლო ქუეყანა მოსცა ძეთა კაცთასა.

Verse: 17  Link to psa Link to sept   არა თუ მკუდარნი გაქებდენ შენ, უფალო, არცა ყოველნი შთამავალნი ჯოჯოხეთისანი,

Verse: 18  Link to psa Link to sept   არამედ ჩუენ ცხოველნი ვაკურთხევდეთ უფალსა ამიერითგან და უკუნისამდე.



Next part


This text is part of the TITUS edition of Biblia Mcxetica.

Copyright TITUS Project, Frankfurt a/M, 22.3.2021. No parts of this document may be republished in any form without prior permission by the copyright holder.