TITUS
Biblia Mcxetica
Part No. 635
Previous part

Chapter: 108 
Verse: 1  Link to psa Link to sept   დასასრულსა, დავითის ფსალმუნი

Verse: 2  Link to psa Link to sept   
ღმერთო, ქებასა ჩემსა ნუ დაიდუმებ; რამეთუ პირი ცოდვილისა და პირი მზაკვარისა ჩემ ზედა აეღო, იტყოდეს ჩემთჳს ენითა ზაკულითა;

Verse: 3  Link to psa Link to sept   
და სიტყჳთა სიძულილისათა მომიცვეს მე, და მბრძოდეს მე ცუდად.

Verse: 4  Link to psa Link to sept   
სიყუარულისა ჩემისა წილ მასმენდეს მე, ხოლო მე ვილოცევდ.

Verse: 5  Link to psa Link to sept   
და მომაგეს მე ბოროტი კეთილისა წილ და სიძულილი - სიყუარულისა წილ ჩემისა.

Verse: 6  Link to psa Link to sept   
დაადგინე ცოდვილი მის ზედა, და ეშმაკი დადეგინ მარჯუენით მისა;

Verse: 7  Link to psa Link to sept   
საშჯელისა მისისაგან გამოვედინ დაშჯილი, და ლოცვა მისი ცოდვად შეერაცხენ მას.

Verse: 8  Link to psa Link to sept   
იქმნნედ დღენი მისნი მცირედ, და განსაგებელი მისი სხუამან მიიღენ.

Verse: 9  Link to psa Link to sept   
იყვნედ შვილნი მისნი ობოლ, და ცოლი მისი - ქურივ.

Verse: 10  Link to psa Link to sept   
შერყეულნი იცვალებიედ შვილნი მისნი და ითხოედ, განვარდედ იგინი ნატამალისაგან მათისა.

Verse: 11  Link to psa Link to sept   
აღიხილენ მოსესხემან ყოველივე, რაცა ედვას მას, და აღიჭრედ უცხოთა ნაშრომი მისი.

Verse: 12  Link to psa Link to sept   
ნუ ეპოებინ მას შემწე, ნუცა იყოფინ შემწყნარებელი ობოლთა მისთა;

Verse: 13  Link to psa Link to sept   
იყუნედ ნაშობნი მისნი მოსასრველად, და ნათესავსა შინა ერთსა აღიჴოცენ სახელი მისი.

Verse: 14  Link to psa Link to sept   
აიჴსენედ უსჯულოებაჲ მამათა მისთა წინაშე უფლისა, და ცოდვა დედისა მისისა ნუ აღიჴოცებინ.

Verse: 15  Link to psa Link to sept   
იყუნედ წინაშე უფლისა მარადის,

Verse: 16  Link to psa Link to sept   
და მოისპედ ქუეყანით საჴსენებელი მათი ამის წილ, რამეთუ არა მოიჴსენა მან ყოფა წყალობისა

Verse: 17  Link to psa Link to sept   
და დევნა მან კაცი დავრდომილი და გლახაკი და შეწუხებული გულითა მოკლვად.

Verse: 18  Link to psa Link to sept   
და შეიყუარა წყევა, და მივედინ მისა; და არა ინება კურთხევაჲ, და განეშორენ მისგან. და შეიმოსა წყევა, ვითარცა სამოსელი, და შთაჴდა, ვითარცა წყალი, ნაწლევთა მისთა და, ვითარცა ზეთი, ძუალთა მისთა;

Verse: 19  Link to psa Link to sept   
ეყავნ მას, ვითარცა სამოსელი, რომელ შთაიცუამს და, ვითარცა სარტყელი, რომელსა მარადის გარეშეირტყამს.

Verse: 20  Link to psa Link to sept   
ესე არს საქმე მათი უფლისა მიერ, რომელნი მასმენდეს მე და რომელნი იტყოდეს ძჳრსა სულისა ჩემისასა.

Verse: 21  Link to psa Link to sept   
და შენ, უფალო, უფალო, ყავ ჩემ თანა სახელისა შენისათჳს, რამეთუ ტკბილ არს წყალობაჲ შენი.

Verse: 22  Link to psa Link to sept   
მიჴსენ მე, რამეთუ გლახაკ და დავრდომილ ვარი მე, და გული ჩემი შეძრწუნდა ჩემ შორის.

Verse: 23  Link to psa Link to sept   
და ვითარცა აჩრდილი, მიდრეკასა მისსა მოვაკლდი, განვიყარე, ვითარცა მკალთა.

Verse: 24  Link to psa Link to sept   
მუჴლნი ჩემნი მოუძლურდეს მარხვისაგან, და ჴორცნი ჩემნი იცვალნეს ზეთისა მიერ.

Verse: 25  Link to psa Link to sept   
და ვიქმენი მე საყუედრელ მათდა, მიხილეს მე და შეხარნეს თავნი მათნი.

Verse: 26  Link to psa Link to sept   
შემეწიე მე, უფალო ღმერთო ჩემო, და მაცხოვნე მე წყალობითა შენითა.

Verse: 27  Link to psa Link to sept   
და ცნედ, რამეთუ ჴელი შენი ესე არს, და შენ, უფალო, ჰყავ ესე.

Verse: 28  Link to psa Link to sept   
იგინი სწყევდენ, და შენ აკურთხო; რომელნი აღდგომილ არიან ჩემ ზედა, ჰრცხუენოდის, ხოლო მონა შენი იხარებდეს.

Verse: 29  Link to psa Link to sept   
შთაიცუედ კდემაჲ, რომელნი მასმენდეს მე, და გარეშეიმოსედ, ვითარცა ორკეცი, სირცხჳლი მათი.

Verse: 30  Link to psa Link to sept   
აუარო უფალსა ფრიად პირითა ჩემითა და შორის მრავალთასა ვაქებდე მას,

Verse: 31  Link to psa Link to sept   
რამეთუ დაუდგა მარჯუენით გლახაკსა, რათა იჴსნას მდევართაგან სული ჩემი. დიდებაჲ



კანონი ი̂ვ



Next part



This text is part of the TITUS edition of Biblia Mcxetica.

Copyright TITUS Project, Frankfurt a/M, 22.3.2021. No parts of this document may be republished in any form without prior permission by the copyright holder.