TITUS
Biblia Mcxetica
Part No. 621
Previous part

Chapter: 94 
ქებაჲ გალობისა, დავითისი, წარუწერელი ებრაელთა შორის


Verse: 1  Link to psa Link to sept   მოვედით, უგალობდეთ უფალსა, ვღაღადებდეთ ღმრთისა მიმართ მაცხოვარისა ჩუენისა;

Verse: 2  Link to psa Link to sept   აღვიმსთო წინაშე პირსა მისსა აღსაარებითა, და ფსალმუნითა უღაღადებდეთ მას.

Verse: 3  Link to psa Link to sept   რამეთუ ღმერთი დიდ არს უფალი და მეუფე დიდ არს ყოველსა ქუეყანასა ზედა;

Verse: 4  Link to psa Link to sept   რამეთუ ჴელსა შინა მისსა არიან ყოველნი კიდენი ქუეყანისანი და სიმაღლენი მთათანი მისნი არიან.

Verse: 5  Link to psa Link to sept   რამეთუ მისი არს ზღუაჲ და ამან შექმნა იგი, და ჴმელი ჴელთა მისთა დაჰბადეს.

Verse: 6  Link to psa Link to sept   მოვედით, თაყუანის-ვსცეთ და შეუვრდეთ მას და ვტიროდეთ წინაშე უფლისა შემოქმედისა ჩუენისა,

Verse: 7  Link to psa Link to sept   რამეთუ იგი არს ღმერთი ჩუენი, და ჩუენ ერი სამწყსოსა მისისა და ცხოვარნი ჴელისა მისისანი.

Verse: 8  Link to psa Link to sept   დღეს თუ ჴმისა მისისა ისმინოთ, ნუ განიფიცხებთ გულთა თქუენთა,

Verse: 9  Link to psa Link to sept   ვითარცა-იგი განმწარებასა მას დღისა მისებრ განცდისა უდაბნოსა ზედა; სადა-იგი განმცადეს მე მამათა თქუენთა; გამომცადეს მე და იხილნეს საქმენი ჩემნი.

Verse: 10  Link to psa Link to sept   ორმეოც წელ ამისთჳს მოვიწყინე ნათესავი იგი და ვთქუ: მარადის სცთებიან იგინი გულითა მათითა, და მათ არა იცნეს გზანი ჩემნი,

Verse: 11  Link to psa Link to sept   ვითარცა ვფუცე რისხვითა ჩემითა, უკუეთუ შევიდენ იგინი განსასუენებელსა ჩემსა.



Next part


This text is part of the TITUS edition of Biblia Mcxetica.

Copyright TITUS Project, Frankfurt a/M, 22.3.2021. No parts of this document may be republished in any form without prior permission by the copyright holder.