TITUS
Biblia Mcxetica
Part No. 573
Previous part

Chapter: 46 
Verse: 1  Link to sept   დასასრულსა, ძეთა კორესთათჳს ფსალმუნი

Verse: 2  Link to psa Link to sept   ყოველთა წარმართთა აღიტყუელენით ჴელნი თქუენნი, ღაღადებდით ღმრთისა მიმართ ჴმითა სიხარულისათა.

Verse: 3  Link to psa Link to sept   რამეთუ უფალი მაღალ არს და საშინელ და მეუფე დიდ ყოველსა ქუეყანასა ზედა.

Verse: 4  Link to psa Link to sept   დაგუამორჩილნა ჩუენ ერნი და წარმართნი ქუეშე ფერჴთა ჩუენთა.

Verse: 5  Link to psa Link to sept   გამომირჩია ჩუენ სამკჳდრებელი თჳსი, შუენიერებაჲ იაკობისი, რომელ შეიყუარა.

Verse: 6  Link to psa Link to sept   ამაღლდა ღმერთი ღაღადებითა და უფალი ჴმითა საყჳრისათა.

Verse: 7  Link to psa Link to sept   უგალობდით ღმერთსა ჩუენსა, უგალობდით; უგალობდით მეუფესა ჩუენსა, უგალობდით.

Verse: 8  Link to psa Link to sept   რამეთუ მეუფე არს ყოვლისა ქუეყანისა ღმერთი, უგალობდით მას მეცნიერებით.

Verse: 9  Link to psa Link to sept   სუფევს ღმერთი წარმართთა ზედა, ღმერთი ზის საყდარსა მისსა ზედა წმიდასა.

Verse: 10  Link to psa Link to sept   მთავარნი ერთანი შეკრბეს ღმრთისა თანა აბრაჰამისა, რამეთუ ღმრთისა ძლიერნი ქუეყანით ფრიად ამაღლდეს.

Next part


This text is part of the TITUS edition of Biblia Mcxetica.

Copyright TITUS Project, Frankfurt a/M, 22.3.2021. No parts of this document may be republished in any form without prior permission by the copyright holder.