TITUS
Biblia Mcxetica
Part No. 556
Previous part

Chapter: 29 
Verse: 1  Link to sept   ფსალმუნი, გალობაჲ განახლებისა სახლისა დავითისი

Verse: 2  Link to psa Link to sept   აღგამაღლო შენ, უფალო, რამეთუ შემივედრე მე და არა ახარე მტერთა ჩემთა ჩემ ზედა.

Verse: 3  Link to psa Link to sept   უფალო ღმერთო ჩემო, ღაღად-ვყავ შენდამი და განვიკურნო.

Verse: 4  Link to psa Link to sept   უფალო, აღმოიყვანე ჯოჯოხეთით სული ჩემი და მიჴსენ მე მათგან, რომელნი შთავლენან მღჳმესა.

Verse: 5  Link to psa Link to sept   უგალობდით უფალსა ღირსნი მისნი და აუვარებდით საჴსენებელსა სიწმიდისა მისისასა.

Verse: 6  Link to psa Link to sept   რამეთუ რისხვა არს გულისწყრომასა მისსა და ცხორებაჲ არს ნებითა მისითა; მწუხრსა განისუენოს ტირილმან და ცისკარსა სიხარულმან.

Verse: 7  Link to psa Link to sept   ხოლო მე ვთქუ განგებულებასა ჩემსა: არა შევიძრა მე უკუნისამდე.

Verse: 8  Link to psa Link to sept   უფალო. ნებითა შენითა ეც სიკეთესა ჩემსა ძალი; გარემიაქციე პირი შენი ჩემგან და მე შევძრწუნდი.

Verse: 9  Link to psa Link to sept   მე შენდამი, უფალო, ჴმა-ვყო და ღმრთისა ჩემისა მიმართ ვილოცო.

Verse: 10  Link to psa Link to sept   რამე სარგებელ არს სისხლთა ჩემთაგან, შთა-თუ-ვიდე მე განსახრწნელსა? მიწამან ნუ აღგიაროსა შენ, ანუ უთხრასა ჭეშმარიტებაჲ შენი?

Verse: 11  Link to psa Link to sept   ესმა უფალსა და შემიწყალა მე და უფალი იქმნა მწე ჩემდა.

Verse: 12  Link to psa Link to sept   მოაქციე გლოვა ჩემი სიხარულად ჩემდა; განხეთქე ძაძა ჩემი და გარეშემარტყ მე სიხარული.

Verse: 13  Link to psa Link to sept   რათა გიგალობდეს შენ დიდებაჲ ჩემი და არა შევინანო. უფალო ღმერთო ჩემო, უკუნისამდე აღგიარო შენ.

Next part


This text is part of the TITUS edition of Biblia Mcxetica.

Copyright TITUS Project, Frankfurt a/M, 22.3.2021. No parts of this document may be republished in any form without prior permission by the copyright holder.