TITUS
Movses Kalankatowaci, Patmowtiwn Alowanic Asxarhi
Part No. 96
Previous part

Chapter: 14  
Page: 360  
Line: 20 
ԳԼՈՒԽ Ժ՜Դ.

Line: 21  Նորին Մեքայելի Աղուանից հայրապետին խնդիր յաղագս
Line: 22  պապանձմանն Զաքարիայ եւ ծննդեան եւ յայտնութեան
Line: 23  Փրկչին ընդդէմ երկաբնակաց։


Line: 24       Մովսէս տօնակարգեաց Իսրայէլացւոցն յեօթներորդում
Line: 25    ամսեանն, որ է թշրին յառաջին օրն՝
Page: 361   Line: 1    զտօն փողոց. ՛ի տասներորդ օրն զտօն քաւութեան.
Line: 2    ՛ի տասն եւ հինգերորդն զտօն տաղաւարահարաց.
Line: 3    ՛ի տասն եւ եօթներորդն պապանձումն
Line: 4    եղեւ Զաքարիայ մինչ ցքսանեւերկուսն նոյն թշրին
Line: 5    ամսոյ։ Ապա գնաց ՛ի տուն իւր, եւ յղացաւ զԵղիսաբէթ
Line: 6    կին նորա, որպէս Ղուկաս աւետարանիչն
Line: 7    ասէ. "Եթէ թագուցանէր զանձն ամիսս
Line: 8    հինգ. եւ յամսեանն վեցերորդի առաքեցաւ Գաբրիէլ
Line: 9    հրեշտակ յԱստուծոյ"։

Line: 10       Արդ տեսցուք զվեցերորդ ամիսն, թէ որ
Line: 11    իցէ։ Տեսաք զտոմարն եւ գտաք այսպէս. զի թշրին
Line: 12    ամսոյ քսան եւ երկուսն լինի ըստ Հոռոմին հոկտեմբեր
Line: 13    ամսոյ ինն։ Արդ ՛ի տասէն յառաջ սկսանիմք
Line: 14    լնուլ զվեց ամիսն եւ լինի յապրիլի եօթանն,
Line: 15    ըստ հրեշտակին, թէ այս վեցերորդ ամիս է նորա,
Line: 16    եւ յԵբրայեցւոց նիսանի ՛ի տասն եւ եօթանն՝ աւետիք
Line: 17    Կուսին։ Անտի յառաջ մինչ ՛ի հինգն յունուարի
Line: 18    լինի երկու հարիւր եւ եօթանասուն օր,
Line: 19    որ է ինն ամիս, եւ ծնունդ նորին Քրիստոսի։ Եւ
Line: 20    նոյնպէս ունիմք զվարդապետաց ասացուածս առ
Line: 21    այս. իսկ զԾնունդն եւ զՅայտնութիւնն եւ զԱւետիսն
Line: 22    մի տօն կատարէ եկեղեցի, վասն զի միոյ
Line: 23    Աստուծոյ ծնունդ է՝ եւ հոգեւոր փրկութեան մերոյ
Line: 24    մի տօն կատարի։ Որպէս ոմն ՛ի յաստուածազան
Line: 25    վարդապետացն ասաց. "Երիս ծնունդս
Line: 26    մեզ գիտէ բանն -- մին՝ փչմամբ, երկրորդն մարմնանալով
Line: 27    եւ մկրտութեամբ, որ մի ծնունդ թուի,
Page: 362   Line: 1    եւ երրորդն յարութեամբ"։ Նոյնպէս Մարկոս հայրապետն
Line: 2    Երուսաղեմի, որ մի էր ՛ի Նիկիական
Line: 3    հարցն, յիւրում խրատական թղթին գրեաց առ
Line: 4    Հայս յաղագս մկրտութեան, եթէ ՛ի միում աւուր
Line: 5    տօնեմք զԾնունդն եւ զՄկրտութիւնն. զորօրինակ
Line: 6    մահն եւ թաղումն անկատար է առանց յարութեանն,
Line: 7    եւ որպէս յարութեան աւետարանն նախ
Line: 8    զխաչն եւ զթաղումն յայտնէ, եւ ապա ՛ի վերայ
Line: 9    ածէ զյարութեանն, նոյնպէս կատարէ եւ զփրկութիւնն.
Line: 10    զոր դարձեալ ասէ Աստուածաբանն.
Line: 11    "Բայց այժմ Աստուծոյ յայտնութեանն տօն է,
Line: 12    քանզի երեւեցաւ Աստուած մարդ ծննդեամբ"։
Line: 13    Երուսաղեմայ եպիսկոպոսքն մինչեւ ցԿիւրեղ՝ քառասուն
Line: 14    եւ երկու եպիսկոպոսք. եւ յետ նոցա այլք
Line: 15    զտօն Ծննդեան եւ Յայտնութեանն կատարէին ՛ի
Line: 16    Յունուարի ամսոյ վեցն մինչեւ ցՅոբնաղիոս. որ
Line: 17    թուին լինել ամք ՛ի յարութենէն ցՅոբնաղիոս
Line: 18    չորեքհարիւր։ Դարձեալ զոր յընթերցուածին ասէ
Line: 19    վասն Դաւթի եւ Յակոբայ աւուրն, եթէ յայլ քաղաքս
Line: 20    առնեն զԾնունդն Քրիստոսի ՛ի դեկտեմբերի
Line: 21    քսան եւ հինգ, յայլ քաղաքս այսպէս ասեն,
Line: 22    եթէ ՛ի հեթանոսաց անտի հաւատացեալք էին,
Line: 23    ոչ թէ ՛ի թլփատութենէն, եւ ՛ի հեթանոսութեան
Line: 24    սովոր էին զծնունդ արեգականն կատարել յայնմ
Line: 25    աւուր, վասն այնորիկ ոչ հաւանէին թողուլ
Line: 26    զտօնն։ Ապա հարկաւորեցան առաքեալքն հաւանիլ
Line: 27    նոցա եւ կարգել նոցա զՔրիստոսի Ծնունդն
Page: 363   Line: 1    յայնմ յաւուր։ Իսկ որք ՛ի թլփատութենէն՝ ամենայն
Line: 2    ուրեք ՛ի յունուարի վեցն կատարեն, որ
Line: 3    եւ մեր նախնեացն աւանդեցաւ եւ նոյնպէս ունիմք
Line: 4    այժմ, որպէս ասէ. "Օրէնք ՛ի Սիոնէ ելցեն,
Line: 5    եւ բանն Աստուծոյ յԵրուսաղեմէ"։



Next part


This text is part of the TITUS edition of Movses Kalankatowaci, Patmowtiwn Alowanic Asxarhi.

Copyright TITUS Project, Frankfurt a/M, 23.8.2008. No parts of this document may be republished in any form without prior permission by the copyright holder.