TITUS
Movses Xorenaci, Patmowtiwn Hayoc
Part No. 173
Previous part

Chapter: 47  
Խ՜Է
Line: 9 
Sentence: 1   Յաղագս Երանելւոյն Մեսրոպայ։


Line: 10    Sentence: 2   Տեսեալ թէ ի վերջ հասեալ է թագաւորութիւնն Հայոց, եւ զխռովութիւնն
Line: 11    նիւթ իւրոյ համբերութեանն գտեալ Մեսրոպայ, որ էր ի
Line: 12    Հացեկաց Տարօնոյ, սնեալ եւ ուսեալ առ մեծին Ներսիսի, եւ յետ ելից
Line: 13    նորա յաշխարհէ՝ ի դրանն արքունի կարգեալ քարտուղար. Sentence: 3      սա սիրեաց
Line: 14    զմիայնակեցութեան վարս. Sentence: 4   որպէս ասաց ոմն, թէ ի նաւահանգիստ
Line: 15    փութայ նաւ խռովեալ, եւ անձն ժուժկալ խնդրէ զանապատ. Sentence: 5      նոյնպէս
Line: 16    եւ նորա փախուցեալ յաշխարհական զբաղմանց, եւ ընկեցեալ յետս
Line: 17    զմարմնական պատիւն՝ զհետ ընթանայր երկնաւորին։ Sentence: 6   Եւ երթեալ ի
Line: 18    գաւառն Գողթան բնակէ, զմիայնակեցութեան վարս ստացեալ։ Sentence: 7   Եւ որ
Line: 19    ի նմա ղօղեալ աղանդն հեթանոսական, թագուցեալ յաւուրցն Տրդատայ
Line: 20    մինչեւ ցայն ժամանակս, եւ ապա յայտնեցաւ ի վատթարել թագաւորութեանն
Line: 21    Արշակունեաց, զայն եբարձ օգնականութեամբ իշխանի գաւառին,
Line: 22    որում անուն էր Շաբիթ։ Sentence: 8   Ուր նշանք աստուածայինք լինէին, որպէս
Page: 317   Line: 1    առ սրբովն Գրիգորիւ. Sentence: 9   հալածական լեալ դեւք մարմնաւոր տեսլեամբ
Line: 2    անկանէին ի կողմանս Մարաց։ Sentence: 10      Եւ ոչ ինչ պակաս յայնցանէ արարեալ
Line: 3    գտանի եւ ի Սիւնեաց աշխարհին, օգնականութեամբ նորին իշխանին
Line: 4    որ կոչէր Վաղինակ։

Line: 5    Sentence: 11   Եւ ի վարդապետել երանելւոյն Մեսրոպայ՝ ոչ փոքր կրէր վտանգս,
Line: 6    քանզի ինքն էր ընթերցող եւ թարգմանիչ. Sentence: 12   եւ եթէ այլ ոք ընթեռնոյր,
Line: 7    ուր նա ոչ հանդիպէր՝ զանխուլ ի ժողովրդոցն լինէր, յաղագս ոչ լինելոյ
Line: 8    թարգմանիչ։ Sentence: 13   Վասն որոյ եդ ի մտի հնարել գտանել նշանագիրս Հայոց
Line: 9    լեզուիս. Sentence: 14   եւ արկեալ զանձն ի ջանս՝ պէս պէս փորձիւք տաժանէր։



Next part


This text is part of the TITUS edition of Movses Xorenaci, Patmowtiwn Hayoc.

Copyright TITUS Project, Frankfurt a/M, 9.12.2008. No parts of this document may be republished in any form without prior permission by the copyright holder.