TITUS
Movses Xorenaci, Patmowtiwn Hayoc
Part No. 168
Previous part

Chapter: 42  
Խ՜Բ
Page: 310  
Line: 2 
Յաղագս բաժանելոյ Հայոց ընդ երկուս ի ձեռն երկուց թագաւորացն
Line: 3 
Արշակունեաց, ի ծառայութիւն երկուց ազգաց՝ Պարսից եւ Յունաց։


Line: 4    Sentence: 1   Իմացեալ Շապհոյ, թէ թերուղիղ է Արկադ՝ խօսի ընդ նմա
Line: 5    խաղաղութիւն. Sentence: 2   քանզի էր պարտեալ հարեալ ի հօրէ նորա ի մեծէն
Line: 6    Թէոդոսէ։ Sentence: 3   Յանձն առնու եւ Արկադ առնել զհաշտութիւն, առաւել յիւրոց
Line: 7    զօրագլխացն. Sentence: 4   զի թէպէտ եւ յԱստուծոյ էր պարգեւեալ զյաղթութիւն
Line: 8    յամս կենաց երանելւոյն Թէոդոսի, սակայն զօրագլուխքն վաստակեալ՝
Line: 9    ձանձրացեալ լինէին յաշխատութենէ հանապազորդ պատերազմացն։

Line: 10    Sentence: 5   Վասն որոյ հաւանեալ՝ կամաւ յանձն առին բաժանել զՄիջագետս եւ
Line: 11    զՀայոց աշխարհս կրկին սահմանադրութեամբ։ Sentence: 6   Վասն որոյ թողեալ
Line: 12    Արշակայ զբուն թագաւորութիւն հարց իւրոց զԱյրարատ, եւ զամենայն
Line: 13    մասն բաժնին Պարսից՝ գնաց տիրել արեւմտեայ կողմանց աշխարհիս
Line: 14    մերոյ, որ ի մասն ի բաժին Յունաց. Sentence: 7   ոչ միայն մօրն աղագաւ, որ էր
Line: 15    ի կայսերական քաղաքին, այլ լաւ համարեալ նուազ կողմանն տիրել՝ եւ
Line: 16    ծառայել քրիստոնայ թագաւորի, քան յոլովից իշխել՝ մտանել ընդ
Line: 17    լծով հեթանոսաց։ Sentence: 8   Գնացին զհետ նորա հանդերձ կանամբք եւ որդւովք
Line: 18    եւ նախարարութիւնք որ ի բաժնին Շապհոյ, թողլով զիւրաքանչիւր
Line: 19    արարս եւ զգիւղս եւ զդաստակերտս։

Line: 20    Sentence: 9   Ընդ որ զչարեալ Շապհոյ, գրէ առ Արշակ, թէ "Ընդէր գրգռեցէր
Line: 21    զպատերազմ ի մէջ իմ եւ կայսեր, տանելով զնախարարութիւնս իմոյ
Line: 22    բաժնիս։" Եւ պատասխանի լսէ յԱրշակայ, թէ " Վասն զի ոչ համբերէին
Line: 23    ընդ Պարսիկ առաջնորդաւ վարիլ՝ եկին զհետ իմ. Sentence: 10   եւ արդ եթէ հաւատաս
Line: 24    ցիս զմասինդ քո իշխանութիւն, որպէս եւ կայսր զիւրոյս՝ պատրաստ
Line: 25    եմ ի պաշտել զքեզ՝ որպէս զկայսր. Sentence: 11   ապա թէ ոչ է հաճոյ քեզ այս,
Page: 311   Line: 1    եւ իւրեանց կամաւ դարձին առ քեզ նախարարքս՝ ոչ արքելում"։ Sentence: 12   Զայս
Line: 2    լուեալ Շապհոյ՝ թագաւորեցոյց Հայոց ի վերայ բաժնի իւրոյ զԽոսրով
Line: 3    ոմն ի նմին ազգէն Արշակունեաց. Sentence: 13   եւ առ նախարարս իւրոյ մասինն,
Line: 4    որ ելեալ էին զհետ Արշակայ՝ գրեաց հրովարտակ, որ ունէր զայս. Sentence: 14   -
Line: 5    ՝տուղթ Շապհոյ առ նախարարսն։

Line: 6    Sentence: 15   "Դիւցազնաց քաջ, Շապուհ արքայից արքայ. Sentence: 16   նախարարաց Հայոց,
Line: 7    որոց կալուած իշխանութեան յիմ բաժնին հատան. Sentence: 17   ողջոյն շատ շնորհեմ
Line: 8    ձեզ։

Line: 9    Sentence: 18   "Թէպէտ եւ ձեր ոչ ազատաբար արարեալ, թողէք զիւրաքանչիւր
Line: 10    իշխանութիւնս, եւ մեզ ոչ ինչ նիազ էր ի ձէնջ, սակայն ըստ տիրաբար
Line: 11    խնամոց գթացաք ի ձեզ եւ յաշխարհդ ձեր. Sentence: 19   զմտաւ ածեալ, եթէ ոչ կարեն
Line: 12    հօտք առանց հովուաց լինել, եւ հովիւք առանց բարիոք վերակացուի,
Line: 13    վասն որոյ թագաւորեցուցաք ձեզ զԽոսրով ոմն ի դենէ ձերմէ, եւ յազգէ
Line: 14    բնիկ ձերոյ տէրութեանդ։ Sentence: 20   Արդ՝ դարձեալ ձեր յիւրաքանչիւր արարս
Line: 15    իշխեցէք, որպէս եւ ցայժմ։ Sentence: 21   Երդուեալ ի հուր եւ ի ջուր եւ ի փառս անմահից
Line: 16    իմոց նախնեաց, զի առանց նենգութեան եւ պատրանաց արարաք
Line: 17    զայդ, եւ անշրջելի պահեմք։ Sentence: 22      Իսկ այնք որք ոչ լուիցեն հրամանաց մերոց՝
Line: 18    զտունս նոցա հանդերձ գիւղօք եւ դաստակերտօք հրամայեցաք ունել
Line: 19    յարքունիս։ Sentence: 23   Ողջ լերուք։"



Next part


This text is part of the TITUS edition of Movses Xorenaci, Patmowtiwn Hayoc.

Copyright TITUS Project, Frankfurt a/M, 9.12.2008. No parts of this document may be republished in any form without prior permission by the copyright holder.