TITUS
Movses Xorenaci, Patmowtiwn Hayoc
Part No. 148
Previous part

Chapter: 22  
Ի՜Բ
Line: 16 
Sentence: 1   Եթէ որպէս եղեւ խռովութիւն Արշակայ էնդ Գնելոյ, եւ մահ Տիրանայ։


Line: 17    Sentence: 2   Իսկ Գնէլ եկեալ յաւանն Կուաշ, որ յոտին Արագածն կոչեցեալ
Line: 18    լերինն, առ կուրացեալ հաւն իւր Տիրան, զի ցայնժամ կենդանի էր։ Sentence: 3   Եւ
Page: 282   Line: 1    Տիրանայ ողբացեալ դառնապէս զՏրդատ զորդի իւր, զհայրն Գնելոյ,
Line: 2    իբր զինքն ունելով պատճառ սպանման նորա. Sentence: 4   Վասն որոյ տայ Գնելոյ
Line: 3    զամենայն ինչս իւր, եւ զկալուածս գիւղից եւ դաստակերդաց. Sentence: 5   եւ ի նմին
Line: 4    աւանի Կուաշ հրամայէ բնակել։ Sentence: 6   Ապա առնու Գնել իւր կին զՓառանձեմ
Line: 5    ոմն յազգէն Սիւնեաց. Sentence: 7   եւ թագաւորապէս արարեալ հարսանիս, տայ
Line: 6    առատապէս պարգեւս ամենեցուն նախարարացն։ Sentence: 8   Որոց հաճեալ ընդ նա
Line: 7    եւ սիրեալ՝ ետուն նա զզաւակս իւրեանց. Sentence: 9   զորս առեալ, մեծապէս
Line: 8    հանդերձեաց զինու եւ զարդու. Sentence: 10   եւ յաւելին եւս սիրել զնա։

Line: 9    Sentence: 11   Աստանօր եգիտ Տիրիթ պատճառս քսութեան. Sentence: 12   եւ մատուցեալ առ
Line: 10    արքայն հանդերձ բարեկամաւ իւրով Վարդանաւ զինակրաւ արքայի,
Line: 11    որ ի Մամիկոնեան տոհմէն էր, ասեն. Sentence: 13   " Ոչ գիտես, զի խորհեալ է Գնելոյ
Line: 12    սպանանել զքեզ, զի ինքն փոխանակ քո թագաւորեսցէ։ Sentence: 14   Ահա տես,
Line: 13    արքայ, զնշան իրին, զի բնակեցաւ Գնէլ յԱյրարատ, ի կալուածս ձեր
Line: 14    թագաւորաց, եւ սիրտ ամենայն նախարարացն եղեւ ընդ նմա։ Sentence: 15   Քանզի
Line: 15    կայսերքն նիւթելով զայդ՝ ետուն նմա զպատիւ հիւպատոսութեանդ, եւ
Line: 16    գանձս սաստիկս, որով պատրեաց զնախարարսն"։ Sentence: 16   Երդնոյր Վարդան
Line: 17    յարեւ արքային եւ ասէր. Sentence: 17   " Իմովք ականջօք լուայ ի Գնելոյ, զի ասէր, թէ
Line: 18    ոչ թողում հօրեղբօր իմում զվրէժ մահուան հօր իմոյ, որ վասն դորա եղեւ"։

Line: 19    Sentence: 18   Այսմ հաւատացեալ Արշակ՝ յղէ զնոյն իսկ զՎարդան առ Գնել,
Line: 20    թէ "Ընդէր բնակեցեար յԱյրարատ եւ լուծեր զկարգ հայրենեաց։ Sentence: 19   (Քանզի
Line: 21    սովորութիւն էր՝ արքայի միայն բնակել յԱյրարատ եւ միոյ որդւոյ
Page: 283   Line: 1    նորա, զոր փոխանորդ թագաւորի պահէին, եւ այլոց Արշակունեաց
Line: 2    բնակիլ ի գաւառս Հաշտենից եւ Աղիովտի եւ Առբերանւոյ, հանդերձ
Line: 3    ռոճկօք եւ մտիւք յարքունուստ)։ Sentence: 20   Եւ արդ՝ ընտրելի է քեզ, կամ ընդունել
Line: 4    զմահ, կամ գնայ յԱյրարատայ, եւ արձակել ի քէն զուստերս նախարարացդ"։

Line: 5    Sentence: 21   Զայս լուեալ Գնելոյ՝ արար զհրամանս արքայի եւ գնաց յԱղիովտ
Line: 6    եւ յԱռբերանի։ Sentence: 22   Բայց Տիրան հաւն նորա պատգամս խիստս յղեաց առ
Line: 7    որդի իւր Արշակ. Sentence: 23   վասն որոյ հեղձամահ եղեւ յիւրոց սենեկապետաց ի
Line: 8    հրամանէ արքայի ի գաղտնիս, եւ ի նմին աւանի Կուաշ թաղեցաւ, ոչ
Line: 9    արժանի եղեալ հարցն գերեզմանաց. Sentence: 24   Թէ արդեօք զփոխարէնսն Դանիելի
Line: 10    առնն Աստուծոյ հատոյց. Sentence: 25   որով չափով չափեաց՝ չափեալ եղեւ ըստ Գրոց։



Next part


This text is part of the TITUS edition of Movses Xorenaci, Patmowtiwn Hayoc.

Copyright TITUS Project, Frankfurt a/M, 9.12.2008. No parts of this document may be republished in any form without prior permission by the copyright holder.