TITUS
Movses Xorenaci, Patmowtiwn Hayoc
Part No. 145
Previous part

Chapter: 19  
Ժ՜Թ
Line: 17 
Sentence: 1   Թէ որպէս արհամարհեաց Արշակ զթագաւորն Յունաց։


Line: 18    Sentence: 2   Ընդ այնոսիկ ապա ժամանակս յարեաւ խռովութիւն արքային
Line: 19    Պարսից Շապհոյ ի հիւսիսականաց ազգաց։ Sentence: 3   Եւ Յունաց թագաւորեալ
Page: 278   Line: 1    Վաղենտիանոս, եւ գումարտակ ի Միջերկրեայս առաքեալ՝ հալածականս
Line: 2    առնէ զզօրս Պարսից։ Sentence: 4      Ապա առաքէ առ Արշակ մեր թագաւոր թուղթ։

Line: 3    Sentence: 5   Թուղթ Վաղենտիանոսի առ Արշակ։

Line: 4    Sentence: 6   Ինքնակալ Վաղենտիանոս Աւգոստոս, հանդերձ աթոռակցաւ մերով
Line: 5    եւ թագակցաւ Վաղեսիւ Կայսերաւ. Sentence: 7   Արշակայ Հայոց արքայի խնդալ։

Line: 6    Sentence: 8   "Պարտ էր քեզ յիշել զչարիսն, որ անցին ընդ ձեզ յանաստուածիցն
Line: 7    Պարսից, եւ զերախտիսն՝ որ ի մէնջ ի վաղնջուց մինչեւ ցքեզ, եւ հեռանալ
Line: 8    ի նոցանէ եւ մօտել ի մեզ։ Sentence: 9   Որպէս զի խառնեալ ընդ զօրս մեր՝ մարտիցես
Line: 9    ընդ նոսա, եւ հանդերձ գոհացողական թղթովք մերոց զօրավարացդ
Line: 10    առաքեսցես զհարկս աշխարհիդ. Sentence: 10   եւ առեալ զեղբայրս քո, եւ որ ընդ սմա
Line: 11    վտարանդիքս՝ ի բաց ածցեն։ Sentence: 11   Ողջ լեր ամենայն հնազանդութեամբ
Line: 12    Հռոմայեցւոց տէրութեանս"։

Line: 13    Sentence: 12   Իսկ Արշակ եւ ոչ պատասխանի առնէ թղթոյն, այլ նշկահեալ
Line: 14    արհամարհեաց զնոսա. Sentence: 13   նա եւ ոչ զհետ Շապհոյ միտեցաւ ամենայն սրտիւ.

Line: 15    Sentence: 14   այլ անձնահաճ եղեալ, պարծելով հանապազ ի գենարբուս եւ յերգս
Line: 16    վարձակաց. Sentence: 15      քաջ եւ արի երեւեալ քան զԱքիլլիս, իսկ արդեամբք Թերսիտեայ
Line: 17    նմանեալ կաղի եւ սրագլխոյ. Sentence: 16      վտարանջեալ յիւրոց նախագլխացն,
Line: 18    մինչեւ զամբարտաւանութեանն ընկալաւ վարձս։



Next part


This text is part of the TITUS edition of Movses Xorenaci, Patmowtiwn Hayoc.

Copyright TITUS Project, Frankfurt a/M, 9.12.2008. No parts of this document may be republished in any form without prior permission by the copyright holder.