TITUS
Movses Xorenaci, Patmowtiwn Hayoc
Part No. 2
Previous part

Chapter: 1  
Page: 5  
Line: 1 
ԳԻՐՔ ԱՌԱՋԻՆ
Line: 2 
Ծննդաբանութիւն Հայոց Մեծաց

Ա՜


Line: 4    Sentence: 1   Պատասխանի թղթոյն Սահակայ, եւ խոստումն կատարել զհայցուածս նորա
Line: 5    Մովսէս Խորենացի յաղագս մերոյս ի սկզբան յայսմ բանիցս
Line: 6    Սահակայ Բագրատունւոյ խնդալ։

Line: 7    Sentence: 2   Զանսպառ խաղացումս ի քեզ աստուածայնոցն շնորհացն եւ զանդուլ
Line: 8    հոգւոյն ի վերայ քոց իմացուածոցդ զշարժմունս ծանեայ ի ձեռն
Line: 9    գեղեցիկ խնդրոյս, յառաջ քան զմարմնոյդ՝ զհոգւոյդ ընկալեալ զծանօթութիւն.

Line: 10    Sentence: 3   որ եւ սիրելի իսկ իմոց ախորժակացս է, առաւել եւս սովորութեանցս։

Line: 11    Sentence: 4   Վասն որոյ ոչ միայն գովել արժան է զքեզ, այլ եւ ի վերայ
Line: 12    քո աղօթել՝ առ ի լինել քեզ միշտ այսպիսի։

Page: 6   Line: 1    Զի եթէ վասն բանին մեք, որպէս ասի, պատկեր Աստուծոյ, եւ
Line: 2    դարձեալ՝ Առաքինութիւն բանականին է խոհականութիւն, եւ քո յայսոսիկ
Line: 3    անհատ ցանկութիւն՝ ապա ուրեմն գեղեցիկ մտածութեամբ
Line: 4    զխոհականութեանդ քո վառ եւ բորբոք պահելով զկայծակն՝ զարդարես
Line: 5    զբանն, որով մնաս առ ի լինելն պատկեր. Sentence: 5   ի ձեռն որոյ եւ զայսորիկ
Line: 6    զսկզբնատիպն ասիս ուրախացուցանել, գեղեցիկ եւ չափաւոր մոլութեամբ
Line: 7    յայսոսիկ մոլեալ եւ զակատեալ։

Line: 8    Sentence: 6   Առ որով տեսանեմ եւ զայս, զի եթէ որք յառաջ քան զմեզ եւ կամ
Line: 9    առ մեօք եղեն հարուստք եւ իշխանք աշխարհիս Հայոց, ոչ ընդ ձեռամբ
Line: 10    անկելոց իւրեանց արդեօք գտելոց իմաստնոց զայսպիսեացս հրամայեցին
Line: 11    կարգել զյիշատակս բանից, եւ ոչ արտաքուստ ուստեք այսոցիկ ի ներքս
Line: 12    ածել խորհեցան օժանդակութիւնս իմաստից, եւ զքեզ այժմ այսպիսի
Line: 13    եղեալ ծանեաք, -ապա ուրեմն յայտ է, թէ ամենեցուն քան զքեզ
Line: 14    նախագունիցն ճանաչիս վեհագոյն, եւ բարձրագունից արժանաւոր գովութեանց,
Line: 15    եւ յայնպիսի պատկանաւոր դնիլ յարձանագրութիւնս բանից։

Line: 16    Sentence: 7   Յաղագս որոյ հեշտարար ընկալեալ զքո խնդրիդ՝ աշխատասիրեցայց
Line: 17    ածել ի կատարումն, յանմահ յիշատակ թողուլ զայս քեզ եւ
Line: 18    որ զկնի քո գալոց են ազգք. Sentence: 8   զի եւ ազգի ես նախնականի, եւ քաջ եւ
Page: 7   Line: 1    արգասաւոր՝ ոչ միայն ի բանս եւ ի պիտանաւոր խոհականութիւնս, այլ
Line: 2    եւ ի մեծամեծս եւ ի բազում գործս արժանափառս. Sentence: 9   զորս յիշատակեսցուք
Line: 3    ի կարգի պատմութեանս, յորժամ զորդի ի հօրէ ծննդաբանելով ազգաբանիցեմք
Line: 4    զբովանդակն. Sentence: 10   իսկ զՀայաստանեայցս նախարարութիւնս,
Line: 5    զամենեցուն զուստն եւ զզիարդն յայտնելով համառօտ եւ հաւաստի,
Line: 6    որպէս ի յունականս ոմանս կայ ի պատմութիւնս։



Next part


This text is part of the TITUS edition of Movses Xorenaci, Patmowtiwn Hayoc.

Copyright TITUS Project, Frankfurt a/M, 9.12.2008. No parts of this document may be republished in any form without prior permission by the copyright holder.