TITUS
Girk tltoc
Part No. 30
Previous part

Letter: 58 
Page: 272 
Line: 1  Պատասխանի Թղթոյն Տեառն Վրթանիսի
Line: 2  Հայալեզու աշխարհին Ցուրտաւոց


Line: 3       Տեսաք զթուղթ ուղղափառ հաւատոյ ձերոյ՝
Line: 4    եւ լուաք զողջոյն ձեր եւ զամենայն պաշտաւնէից
Line: 5    սրբոյ եկեղեցւոյդ՝ մեծաւ ուրախութեամբ
Line: 6    ղցեալ գոհացաք զՔրիստոսէ Աստուծոյ մերմէ,
Line: 7    եւ որպէս երկիր ծարաւի՝ ի բազում երաշտութենէ
Line: 8    պասքեալ, ընդունելով անձրեւ շահեկան՝
Line: 9    զուարճացեալ յինքեան ցուցանէ զսովորութիւն,
Line: 10    զանուշահոտ ծաղիկսն երեւեցուցանելով տեսաւղացն,
Line: 11    զի էք իսկ շնորհիւն Քրիստոսի հոտ անոյշ,
Line: 12    ըստ գրեցելումն, կենաց ի կեանս ոչ միայն
Line: 13    ի ձերում աշխարհի՝ այլ եւ ամենայն հիւսիսային
Line: 14    կողմանս, զոր մեր ընկալեալ զգրեալն ի
Line: 15    ձէնջ՝ ցուցեալ ամենայն եղբայրութեան մերում,
Line: 16    զոր ախորժելով լուեալ ատուն գոհութիւն
Line: 17    վարդապետութեան վերում հոգալով զաշխարհս
Line: 18    մեր՝ յիշեցուցանելով սուրբ եւ զուղիղ
Line: 19    հաւատն զոր մեծին սրբոյն Գրիգորի սերմանեալ
Line: 20    էր յայս ի Կաւկասային կողմանս. Արդ համարձակիմք
Line: 21    եւ աւրհնեմք զՏէր Վրթանէս՝ եւ եղիցիս
Line: 22    աւրհնեալ ամենայն ուխտիւդ հանդերձ՝ եւ
Line: 23    պահպանել լիջիք հոգւովն սրբով յայս ի
Line: 24    ծովածուփ կենցաղիս՝ աղաւթեմք միշտ նորոգել
Line: 25    եւ սրբոյ Աթորռոյդ սրբոյն Գրիգորի՝ զի
Page: 273  Line: 1    արասցէ խնդիր մոլորեալ աշխարհիս մերում ըստ
Line: 2    աւրինակի առաջնոց վարդապետացն՝ զի մեզ առանց այտի
Line: 3    աւգնականութեան եւ թիկանց՝ աստ չմարթի
Line: 4    կալ՝ զի այնպիսի բռնաւոր գոռոզի որ հայրապետս
Line: 5    ամուանի դիպեալ՟ եմք, բայց թողուլ զաշխարհս
Line: 6    եւ գնալ.

Line: 7       Ողջ լերուք ի Տէրն մեր.




Next part


This text is part of the TITUS edition of Girk tltoc.

Copyright TITUS Project, Frankfurt a/M, 28.8.2010. No parts of this document may be republished in any form without prior permission by the copyright holder.