TITUS
Frik, Diwan
Part No. 33
Previous part

Poem: 33   ԼԳ.
Line: 1  Verse: 1   ՆՈՐԻՆ ՖՐԿԱՆՆ
Line: 2  Verse: 2   ասացեալ
Line: 3  Verse: 3   ՏԱՂ ՀՈԳԵՇԱՀ


Line: 4  Verse: 4     Սի́րտ իմ, ընդէ՞ր ես խըռովել,
Line: 5  Verse: 5     Ա՛չք իմ, ընդէ՞ր ես խաւարել.
Line: 6  Verse: 6     Խ՛ելք իմ, ըեդէ՞ր ես ճապաղել,
Line: 7  Verse: 7     Մի́տք իմ, ընդէ՞ր ես շիւարել։
Line: 8  Verse: 8     Է՞ր չես զմահու աւրն անդիճել,
Line: 9  Verse: 9     Ի հրեշտակի գալոյն վախել,
Line: 10  Verse: 10     Զհոգոյ քակտիլն է՞ր չես յիշել,
Line: 11  Verse: 11     յԱստուծոյ է՞ր ես հեռացել։
Line: 12  Verse: 12     Զիւր պատուիրանն ես մոռացել,
Line: 13  Verse: 13     Դիմաց հոգոյդ ես քարացել,
Line: 14  Verse: 14     Տուն եւ տաճար ես դու շինել,
Line: 15  Verse: 15     Գանձ ու ղումաշ ես ժողովել։
Line: 16  Verse: 16     Վերայ գըլխոյդ մոխիր մաղել.
Line: 17  Verse: 17     Իսկի տեսե՞լ ես կամ լըսել,
Line: 18  Verse: 18     Ինչ մեծատուն մարդ է մեռել,
Line: 19  Verse: 19     Իսկի դեկան իր հետ տարել։
Line: 20  Verse: 20     Ինքն ժողովել, ւ̆այլք են կերել,

Page: 406  
Line: 1  Verse: 21     Հաց մի չիշխեաց յիւրմէն ուտել,
Line: 2  Verse: 22     Թէ չէ ռոճիկ իւր արարել
Line: 3  Verse: 23     Զ̆բոցն ու ըզկրակն՝ ի յինք վառել։
Line: 4  Verse: 24     Դու քո ձեռաւքդ ես հոր փորել
Line: 5  Verse: 25     Եւ քո կամաւքդ ի ներս մըտել,
Line: 6  Verse: 26     Զայս ո՞ւմ կամիս դու մեղադրել,
Line: 7  Verse: 27     Խընդիր կուգան ըզքեզ տանել։
Line: 8  Verse: 28     Դասք հրեշտակաց են սըրտմըտել,
Line: 9  Verse: 29     Զսառնամանիքն են պատրաստել,
Line: 10  Verse: 30     Ըզտարտարոսն են քեզ պահել,
Line: 11  Verse: 31     Անքուն որդունքն են կըտակել։
Line: 12  Verse: 32     Կան եւ մընան ըզքեզ բերել,
Line: 13  Verse: 33     Զիւրեանց ժանիքն են խիստ սըրել,
Line: 14  Verse: 34     Ի̆ միսդ ւ̆արիւնդ են ծարաւել
Line: 15  Verse: 35     Եւ ըզքեզ խիստ են կարաւտել։
Line: 16  Verse: 36     Խաւարըն թանձր է պալ կապել,
Line: 17  Verse: 37     Հուրն ի նորա միջին վառել,
Line: 18  Verse: 38     Մեղաւորացն է պատրաստել,
Line: 19  Verse: 39     Դառն եւ դըժար եմ զնա լըսել։
Line: 20  Verse: 40     Զինչ կարդացել ես ու լըսել,
Line: 21  Verse: 41     Զինչ նախահարքն են վըկայել,
Line: 22  Verse: 42     Զայն չըկամիս իսկի լըսել,
Line: 23  Verse: 43     Թէ յիմ ճակատս է՞ր զայս գըրել։
Line: 24  Verse: 44     Ո՞վ է իսկի զԱստուած խաբել
Line: 25  Verse: 45     Կամ պատճառաւ հոգին թափել,

Page: 407  
Line: 1  Verse: 46     Մի́ մոլորիլ ու զքեզ խաբել,
Line: 2  Verse: 47     Մի́ ըզհոգիդ կորուսանել։
Line: 3  Verse: 48     Յանանց լուսոյն զ̆քեգ մի́ զըրկել,
Line: 4  Verse: 49     Զմեղքն ու չարիքըն մի́ գործել,
Line: 5  Verse: 50     Մի́ սուտ խաւսել եւ զոք զըրկել,
Line: 6  Verse: 51     Թէ չես շ̆նացել կամ գողացել,
Line: 7  Verse: 52     Կամ վըկայել եւ սպանանել,
Line: 8  Verse: 53     Եւ բերանովդ երդում կերել,
Line: 9  Verse: 54     Թէ զ̆պատուիրանըն չես յանցել,
Line: 10  Verse: 55     Ի տանջանացըն մի́ վախել։
Line: 11  Verse: 56     Զինչ դու այլոց ես կամեցել,
Line: 12  Verse: 57     Քո առաջին կամին բերել,
Line: 13  Verse: 58     Ֆըրի́կ, դու է՞ր ես յիմարել,
Line: 14  Verse: 59     Զհոգոյ աչքերդ ես կափուցել։
Line: 15  Verse: 60     Սըրտի ականջդ ես դու կալել,
Line: 16  Verse: 61     Զխելք, զգայարանքդ ես դու վարել,
Line: 17  Verse: 62     Այս սուտ կենաւքս ես ըզբաղել,
Line: 18  Verse: 63     Ի մէջ մեղացդ ես դադարել։
Line: 19  Verse: 64     Զանշէջ գեհենն ես դու շահել,
Line: 20  Verse: 65     ւ̆Աստէն կալու ճարդ է հատել,
Line: 21  Verse: 66     Ով զայս լըսել շատ մի լացել,
Line: 22  Verse: 67     Եւ զիւր այտերն արեամբ թացել։
Line: 23  Verse: 68     Ասաց թ̆այսոր ճարն է հատել,
Line: 24  Verse: 69     Դատաստանի աւրն է հասել,
Line: 25  Verse: 70     Գաբրիէլեան փողըն գոչել,
Line: 26  Verse: 71     Դատողական աթոռ դըրել։
Line: 27  Verse: 72     Եւ դատաստան անդէն նըստել,
Line: 28  Verse: 73     Ահա կու գան ըզիս կոչել,

Page: 408  
Line: 1  Verse: 74     Ո՞ւմ կայ լեզու կամ զըրուցել,
Line: 2  Verse: 75     Կամ ո՞վ կարէ պատասխանել։
Line: 3  Verse: 76     Անդ քաջախաւսքն են կարկափել,
Line: 4  Verse: 77     Յանշէջ հըրոյն են սարսափել,
Line: 5  Verse: 78     Բարձր եւ հըզաւրքն են խոնարհել։
Line: 6  Verse: 79     Զինչ յաշխարհիս էին գործել,
Line: 7  Verse: 80     Զամէն գըրել, ւ̆անդ են բերել.
Line: 8  Verse: 81     Երբ զայն տեսել միտքըն սըրել,
Line: 9  Verse: 82     Զինչ մոռացած կայր զայն յիշել,
Line: 10  Verse: 83     Եւ փոշիման վայր մընացել։
Line: 11  Verse: 84     Սիրտն ու սակատն էր խորովել,
Line: 12  Verse: 85     Զաչկունքն ողորմ էր նա ածել,
Line: 13  Verse: 86     Յաջ եւ յահեակ էր նա́ հայել,
Line: 14  Verse: 87     Անդ աւգնական զոք չէր գըտել։
Line: 15  Verse: 88     ՅԱստուածածինն էր նա դիմել,
Line: 16  Verse: 89     Յառաքելոց ոտքն էր անկել,
Line: 17  Verse: 90     Թէ շատ չարիք եմ ես գործել,
Line: 18  Verse: 91     Եւ ո́չ տան թոյլ ապաշխարել։
Line: 19  Verse: 92     Այսաւր յինէն ճարս է հատել,
Line: 20  Verse: 93     Զձեզ բարեխաւս եմ ես գըտել,
Line: 21  Verse: 94     Մի՞թէ կարէք զիս խալըսել,
Line: 22  Verse: 95     ւ̆Ի տանջանա́ցըն ազատել։
Line: 23  Verse: 96     Սըրբունքն ամէնն են հաւաքել,
Line: 24  Verse: 97     զԱստուածամայրն են աղաչել,
Line: 25  Verse: 98     զԿենդանագիրն յառաջ բերել,
Line: 26  Verse: 99     Թէ քո Որդին է զայս տըւել։
Line: 27  Verse: 100     Երբ զայս տեսել՝ Տէրն ողորմել,

Page: 409  
Line: 1  Verse: 101     Իւր կամարարքն յառաջ կոչել,
Line: 2  Verse: 102     Իւր ծընաւղին ինքն էր լըսել՝
Line: 3  Verse: 103     Զմեղաւորաց մեղքըն թողել։
Line: 4  Verse: 104     Հրեշտակապետքն են խոնարհել,
Line: 5  Verse: 105     Եւ Արարչին երկըրպագել,
Line: 6  Verse: 106     Այս մեր եղբարքն են կորուսել,
Line: 7  Verse: 107     Այսաւր գըտաք կենդանացել։
Line: 8  Verse: 108     Փափազանաւք են ժողովել,
Line: 9  Verse: 109     Յուրախութիւն են մեծարել,
Line: 10  Verse: 110     Եւ զանկելոց տեղին լըցել։
Line: 11  Verse: 111     "Եկա́յք, աւրհնեալքդ իմ զաւրացել,
Line: 12  Verse: 112     "Մըտէք ի լոյսն անճառացել,
Line: 13  Verse: 113     "Զոր իմ սըրբոց եմ պատրաստել,
Line: 14  Verse: 114     "Զայն, որ ոչում աչք չէ տեսել,
Line: 15  Verse: 115     "Ո՛չ ականջաւք իսկի լըսել,
Line: 16  Verse: 116     "Եւ ո́չ մարդկան սիրտ վըկայել,
Line: 17  Verse: 117     "Ես զայն տեղիքն եմ պատրաստել,
Line: 18  Verse: 118     "Որ մարգարէքն են զնա գովել,
Line: 19  Verse: 119     "Եւ առաքեալն է զնա տեսել"։
Line: 20  Verse: 120     Ֆըրի́կ, հերիք ես դու խաւսել,
Line: 21  Verse: 121     Զամէն մարդ ես ձանձրացուցել,
Line: 22  Verse: 122     Սուտ աղաւթք եւ ծունր ես կացել,
Line: 23  Verse: 123     Զհոգիդ այդով ես դու խոցել։
Line: 24  Verse: 124     Է՞ր չես ի լալ ւ̆ապաշխարել,
Line: 25  Verse: 125     Եւ զքո անչափ մեղքըն քաւել,
Line: 26  Verse: 126     Մի՞թէ ի յայդ ես յուսացել,
Line: 27  Verse: 127     Զինչ մըխիթարք ես դու դըրել։

Page: 410  
Line: 1  Verse: 128     Այդ չի կամի ըզքեզ թափել,
Line: 2  Verse: 129     Զինչ քո մըտաւքդ ես անդիճել,
Line: 3  Verse: 130     Երկու ծայրիւ կամիս կալնել,
Line: 4  Verse: 131     Զաստընւորիս ագին՝ կարել։
Line: 5  Verse: 132     Երկու տէրանց ո՞վ ծառայել,
Line: 6  Verse: 133     Հանց զոր երկուքն էր նա շահել,
Line: 7  Verse: 134     Այդ խորհըրդոյդ մարդ չէ հասել
Line: 8  Verse: 135     ւ̆Ոչ դու կարես զայդ գըտանել։
Line: 9  Verse: 136     Խիստ ի ծովու խորն ես մըտել,
Line: 10  Verse: 137     Զայդոր յատակն ես կորուսել,
Line: 11  Verse: 138     Ջանա́ եւ լող տուր շուտ եւ ել,
Line: 12  Verse: 139     Քան ոտք ու ձե́ռքըդ չէ կապել։
Line: 13  Verse: 140     Երբ դու յեգերն լինիս ելել,
Line: 14  Verse: 141     Եւ Հաւրըն փառք լինիս տըւել,
Line: 15  Verse: 142     Որդոյ Նորա երկըրպագել,
Line: 16  Verse: 143     Եւ Սուրբ Հոգին քեզ վըկայել,
Line: 17  Verse: 144     Հաւրըն փառք եւ Որդոյն պատիւ
Line: 18  Verse: 145     Եւ Սուրբ Հոգոյն երկըրպագել,
Line: 19  Verse: 146     Յաւիտեանըս յաւիտենից
Line: 20  Verse: 147     Փառք ի բարձունս վերառաքել։


Line: 21  ***


Page: 411  
Next part


This text is part of the TITUS edition of Frik, Diwan.

Copyright TITUS Project, Frankfurt a/M, 5.12.2017. No parts of this document may be republished in any form without prior permission by the copyright holder.