TITUS
Text Collection: NT 
Novum Testamentum iberice
Work: Instr.PE 
Instructiones in Epistolas Pauli

On the basis of the edition by
K. Ʒoc̣eniʒe and Ḳ. Danelia,
P̣avles eṗisṭoleta kartuli versiebi /
Gruzinskie versii poslanij Pavla,
Tbilisi 1974
(Ʒveli kartuli enis ḳatedris šromebi, 16)
edited by Manana Bukia,
Tbilisi, 2019;
TITUS version by Jost Gippert,
Frankfurt a/M, 16.6.2019


Manuscripts:
   V: A-584
   Z: Ivir. georg. 78
   Ē: A-34
   T: A-137
   I: A-677
   K: St Petersburg, K-4



Page of ed.: 463 
Redaction: CD 
Line of ed.: 1   ႳჃწყებანი
Line of ed.: 2   მიზეზთა Ⴄპისტოლეთა Ⴎავლესთანი

Page of ed.: 465  
Text: Rom.  
Line of ed.: 1   ႳჃწყებაჲ მიზეზსა Ⴠრომაელთა ეპისტოლისასა



Line of ed.: 2        Ⴞოლო წმიდაჲ და დიდებული მოციქული Ⴎავლე Ⴠრომაელთა მიმართ
Line of ed.: 3     წარსცემს თჳსსა ეპისტოლესა Ⴉორინთით, არღა ეხილვნეს იგინი, არამედ
Line of ed.: 4     ასმიოდა სარწმუნოებაჲ მათი და სურვიელ იყო ხილვასა მათსა. Ⴃა პირვე\ლად
Line of ed.: 5     აქებს სარწმუნოებასა მათსა, ვითარცა განთქუმულსა ყოვლით კერძო,
Line of ed.: 6     და მერმე აუწყებს, ვითარმედ მრავალ-გზის ინება მისლვაჲ მათდა სურვილით
Line of ed.: 7     და აქამომდე ვერღარა უძლო.

Line of ed.: 8        Ⴃა მიერითგან სამოძღურებელად შეჰმზადებს ეპისტოლესა თჳსსა ჩინე\ბისათჳს
Line of ed.: 9     წარმართთაჲსა, და ვითარმედ წინადაცუეთაჲ ვიდრე ჟამადმდე
Line of ed.: 10     იყო და აწ დასცხრა, და ვითარმედ Ⴕრისტეს მიერ დაიჴსნა შეცოდებაჲ
Line of ed.: 11     Ⴀდამისი, და წარჴდა აჩრდილი იგი შჯულისაჲ, და ვითარმედ ჯეროვნად
Line of ed.: 12     იქმნა წოდებაჲ წარმართთაჲ.

Line of ed.: 13        Ⴃა უჩუენებს, ვითარმედ ყოველთა კაცთა თანა არს ბუნებითი შჯული
Line of ed.: 14     და თჳნიერ სწავლისა ძალ-უც ყოველთა ბუნებისაგან დაბადებულთაჲსა ცნო\ბაჲ
Line of ed.: 15     დამბადებელისა ღმრთისაჲ.

Line of ed.: 16        Ⴅინაჲცა სამართლად ბრალეულ ჰყოფს პირველად წარმართთა, ვითარ\მედ
Line of ed.: 17     ღმრთისა მიერ გამოეცხადა მათ დაბადებულთაგან სოფლისათა ცნობაჲ
Line of ed.: 18     მისი და სამარადისოჲსა მის ძალისა მისისაჲ, რომელ არს სიტყუაჲ მი\სი,
Line of ed.: 19     რომლისა მიერ ყოველივე შეიქმნა, და მათ ვერ იცნეს დაბადებულთაგან,
Line of ed.: 20     ვითარმედ არს დამბადებელი მათი ღმერთი, არამედ დაბადებულნი ღმერთ
Line of ed.: 21     ყვნეს და ჰმსახურებდეს დაბადებულთა.

Line of ed.: 22        Ⴃა მერმე ბრალეულ ჰყოფს ჰურიათა, ვითარცა გარდამავალთა შჯუ\ლისათა,
Line of ed.: 23     უფროჲსღა გარდასლვითა მით, ვითარცა ღმრთისა შეურაცხის\მყოფელთა,
Line of ed.: 24     და ესრეთ ორთავე -- ჰურიათა და წარმართთა -- დიდად
Line of ed.: 25     ბრალეულ ჰყოფს და ამხილებს უშჯულოებასა, რაჲთა უჩუენოს, ვითარ\მედ
Line of ed.: 26     ყოველნივე სწორ იქმნეს, და ვითარცა სწორად ბრალეულნი, ორნი\ვე
Line of ed.: 27     მოქენე იყვნეს მჴსნელისა.

Page of ed.: 466  
Line of ed.: 1        Ⴃა ვინაჲთგან მადლი და გამოჴსნაჲ სწორებით იქმნა ჰურიათა მიმართ
Line of ed.: 2     და წარმართთა, ჯეროვნად სამე იქმნა წოდებაჲ წარმართთაჲ. Ⴃა ვინაჲთგან
Line of ed.: 3     ჩინებაჲ წარმართთაჲ იქმნა სამართლად, დასცხრა წინადაცუთაჲ, და გან\ქარდა
Line of ed.: 4     აჩრდილი შჯულისაჲ.

Line of ed.: 5        Ⴐამეთუ იტყჳს, ვითარმედ Ⴀბრაჰამ არა წინადაცუეთასა შინა, არამედ
Line of ed.: 6     პირველ წინადაცუეთისა განმართლდა და ეწოდა Ⴀბრაჰამ, რამეთუ მამად
Line of ed.: 7     მრავალთა ნათესავთა დაიდგინა მსგავსად სარწმუნოებისა მის წინადაუ\ცუეთილებისა
Line of ed.: 8     და შემდგომად განმართლებისა მოიღო წინადაცუეთაჲ იგი
Line of ed.: 9     ჴორცისაჲ, რაჲთა იყოს სასწაულად და მაუწყებელად ჴორციულად. მისგან
Line of ed.: 10     შობილთა მათ. Ⴅითარმედ დაცხრომად სადმე არს ოდესმე წინადაცუეთაჲ
Line of ed.: 11     იგი, რაჟამს წარმართნი იქმნენ შვილ Ⴀბრაჰამისა, რომელთა-იგი მო\ქალაქობამან
Line of ed.: 12     იწყოს მსგავსად სარწმუნოებისა მის Ⴀბრაჰამისა, რომლითა
Line of ed.: 13     განმართლდა, რაჟამს იგი იყო წინადაცუელებისა შინა და რამეთუ
Line of ed.: 14     ამისთჳს ეწოდა Ⴀბრაჰამ.

Line of ed.: 15        Ⴃა ვინაჲთგან უწყებული მოვიდა, მაუწყებელნი ჯეროვნად დადუმ\დეს.
Line of ed.: 16     Ⴞოლო უკუეთუ წარმართნი იიძულებიან წინადაცუეთად, დაეცადენ
Line of ed.: 17     სახელიცა იგი Ⴀბრაჰამისი და ეწოდებოდენ Ⴀბრამ. Ⴞოლო უკუეთუ
Line of ed.: 18     ღმრთისა მიერ სახელ-ედვა Ⴀბრაჰამ, არა ჯერ-არს წინადაცუეთაჲ წარ\მართთაჲ
Line of ed.: 19     და არცაღა მათი, რომელნი ჴორციელად ჰურიანი არიან, რაჲთა
Line of ed.: 20     იყოს სახელი იგი მტკიცე, და მამად მრავალთა ნათესავთა ეწოდებოდის.

Line of ed.: 21        Ⴅინაჲცა არღარად საჴმარ არს წინადაცუეთაჲ, არცა სხუანი იგი აჩრ\დილნი
Line of ed.: 22     შჯულისანი რამეთუ არა მათ მიერ, არამედ სარწმუნოებითა განვ\მართლდებით,
Line of ed.: 23     ვითარცა-იგი Ⴀბრაჰამ.

Line of ed.: 24        Ⴃა ესე რაჲ ესრეთ აღასრულა, მერმე უჩუენებს, ვითარმედ სხუებრ
Line of ed.: 25     შეუძლებელ არს მადლისა და ჴსნისა მიმთხუევაჲ ჰურიათა და წარმართთაჲ,
Line of ed.: 26     არა თუ პირველად დაიჴსნას პირველი იგი ცთომაჲ Ⴀდამისი, რომელი ყო\ველთა
Line of ed.: 27     მიეფინა, და სხუაჲ ვისგანმე დაჴსნაჲ მისი უღონო არს თჳნიერ
Line of ed.: 28     Ⴕრისტეს ღმრთისა, რომლისა მიერცა დასაბამსა წყევაჲ იგი იქმნა. Ⴐა\მეთუ
Line of ed.: 29     სხუასა არავის ჴელ-ეწიფებოდა აღჴოცაჲ შეცოდებისაჲ მის, და
Line of ed.: 30     იტყჳს, ვითარმედ სხუებრ ამისი ქმნაჲ არა ეგებოდა თჳნიერ განჴორციელე\ბისა
Line of ed.: 31     სიტყჳსა ღმრთისა, რაჲთა თავი თჳსი შეწიროს ყოველთათჳს და ყო\ველნივე
Line of ed.: 32     იჴსნნეს სიკუდილისაგან.

Line of ed.: 33        Ⴃა ვითარცა-იგი ცოდვაჲ ერთისა კაცისა მიერ სოფლად შემოჴდა,
Line of ed.: 34     ეგრეთცა მადლი ერთისა კაცისა მიერ ყოველთა მიმართ იქმნეს. Ⴃა ფრიად\ცა
Line of ed.: 35     უმეტეს და მიერითგან, ვითარცა კეთილი ეზოჲს-მოძღუარი მადლისაჲ,
Line of ed.: 36     ჰურიათა ნუგეშინის-სცემს, ვითარმედ არა გარდამავალ შჯულისა იქმნე\ბიან,
Line of ed.: 37     უკუეთუ Ⴕრისტეს სარწმუნოებად მოვიდენ. Ⴞოლო წარმართთა ამც\ნებს,
Page of ed.: 467   Line of ed.: 1     რაჲთა არა მაღლოოდიან ისრაჱლთა ზედა, არამედ რაჲთა უწყო\დინ,
Line of ed.: 2     რამეთუ ვითარცა რტონი ძირთა ზედა, ეგრეთცა ესენი მათ ზედა და\ემყნნეს.
Line of ed.: 3     Ⴃა მერმე იწყებს სწავლად მათდა წესიერებისათჳს და ცხორებისა,
Line of ed.: 4     Ⴃა ესრეთ დაასრულებს ეპისტოლესა თჳსსა.



Next part


This text is part of the TITUS edition of Instructiones in Epistulas Paulinas.

Copyright TITUS Project, Frankfurt a/M, 5.3.2021. No parts of this document may be republished in any form without prior permission by the copyright holder.