TITUS
John Chrysostom, On the Apostolicum (Ephrem)
Part No. 19
Previous part

Text: 2.Jo.  
Section: Intr.  
Line of ed.: 1   უწყებაჲ მიზეზსა იოვანეს ბ̂ კათოლიკისასა


Line of ed.: 2        ხოლო მეორესა ებისტოლესა თჳსსა მიუწერს მოხუცებული
Line of ed.: 3     დედოფალსა და შვილთა მისთა. და ესე არს მიზეზი ეპისტოლისაჲ
Line of ed.: 4     ამის: რამეთუ ხედვიდა შვილთა მისთა კეთილად მავალთა სარწმუ\ნოებასა
Line of ed.: 5     შინა და მრავალთა მაცთურთა მიმომავალთა, რომელნი
Line of ed.: 6     იტყოდეს, ვითარმედ არა არს მოსლვაჲ ქრისტესი ჴორცითა, ამისთჳს
Line of ed.: 7     მისწერს ებისტოლესა ამას, და პირველად აქებს შვილთა მისთა, და
Line of ed.: 8     მერმე ასწავებს, ვითარმედ არა ახალნერგი არს სარწმუნოებაჲ ჩუენი,
Line of ed.: 9     და მერმე ამცნებს სიყუარულისათჳს და რაჲთა არა სნეულ იყვნენ
Line of ed.: 10     მოძღურებასა მას შინა მიცემულსა მათდა; და ასწავებს, ვითარმედ
Line of ed.: 11     ანტიქრისტე არს იგი, რომელი არა აღიარებდეს ჴორციელად მოსლვასა
Line of ed.: 12     ქრისტესსა. და ამცნებს, რაჲთა ესევითართა არავინ შეიწყნარებდეს
Line of ed.: 13     სახლთა მათთა, და არცა სიტყუად ესევითართა, ვითარმედ: გიხაროდენ.
Line of ed.: 14     და ესრეთ დაასრულებს ებისტოლესა ამას.



Next part


This text is part of the TITUS edition of John Chrysostom, On the Apostolicum (Ephrem).

Copyright TITUS Project, Frankfurt a/M, 5.3.2021. No parts of this document may be republished in any form without prior permission by the copyright holder.