TITUS
Praefatio in Epistolas Catholicas
Part No. 8
Previous part

Work: 1.Jo.  
Chapter: Expl.  
Line of ed.: 1   ႭჃႼႷႤႡႠჂ ႫႨႦႤႦႨႱႠ ႨႭႠႬႤႱ
Line of ed.: 2   ႮႨႰႥႤႪႨႱႠ ႩႠႧႭႪႨႩႨႱႠႱႠ


Line of ed.: 3        ხოლო იოვანე მახარებელი, რომელმან-იგი
Line of ed.: 4     სახარებაჲ აღწერა, მანვე წარსცა ესეცა
Line of ed.: 5     ებისტოლე მორწმუნეთა მიმართ უფლისა\თა
Line of ed.: 6     მოსაჴსენებელად.

Line of ed.: 7        და ვითარცა-იგი დაწყებასა სახარებისასა,
Line of ed.: 8     ეგრეთვე აქა ღმრთის-მეტყუელებს სიტყჳსა\თჳს
Line of ed.: 9     ღმრთისა და აუწყებს, ვითარმედ მარა\დის
Line of ed.: 10     არს იგი ღმრთისა თანა და ასწავებს,
Line of ed.: 11     ვითარმედ მამაჲ ნათელ არს, რაჲთა ესრეთ
Line of ed.: 12     ვცნათ სიტყჳსათჳს, ვითარმედ არს იგი
Line of ed.: 13     ბრწყინვალებაჲ მამისაჲ. და ვითარცა
Line of ed.: 14     ღმრთის-მეტყუელა, ასწავებს, ვითარმედ არა
Line of ed.: 15     ახალი არს სარწმუნოებაჲ ჩუენი და საიდუმ\ლოჲ,
Line of ed.: 16     არამედ პირველითგან და მარადის
Line of ed.: 17     არს იგი.

Line of ed.: 18        ხოლო აწ გამოჩნდა უფლისა მიერ, რომე\ლი-იგი
Line of ed.: 19     არს ცხორებაჲ საუკუნოჲ და ღმერთი
Line of ed.: 20     ჭეშმარიტი.

Line of ed.: 21        და მოსლვისა და გამოჩინებისა მიზეზად
Line of ed.: 22     იტყჳს, ვითარმედ ამისთჳს იქმნა, რაჲთა
Line of ed.: 23     დაჰჴსნნეს საქმენი ეშმაკისანი და ჩუენ გან\გუათავისუფლნეს
Line of ed.: 24     სიკუდილისაგან და რაჲთა
Line of ed.: 25     ვიცნათ ჩუენ მამაჲ და თავადი ძე მისი, Page of ms.: E_88r 
Line of ed.: 26     უფალი ჩუენი იესუ ქრისტე. და დასწერს
Line of ed.: 27     ყოვლისა მიმართ ჰასაკისა, ესე იგი არს
Line of ed.: 28     ყრმათა და ჭაბუკთა და მოხუცებულთა, ვი\თარმედ
Line of ed.: 29     ღმერთი საცნაურ იქმნა, ხოლო ეშ\მაკისა
Line of ed.: 30     საცთური იძლია და სიკუდილი დაიჴსნა.

Page of ed.: 77  
Line of ed.: 1     და მიერითგან ყოვლისავე ებისტოლისა
Line of ed.: 2     მიერ სიყუარულისათჳს ასწავებს, რამეთუ
Line of ed.: 3     ენება, რაჲთა ვიყუარებოდით ჩუენ ურთი\ერთას
Line of ed.: 4     , ვინაჲთგან ქრისტემანცა შემოვუარ\ნა
Line of ed.: 5     ჩუენ. და მერმე იტყჳს განყოფილებისა\თჳს
Line of ed.: 6     შიშისა და სიყუარულისა, და შვილთა.
Line of ed.: 7     ღმრთისათა და შვილთა ეშმაკისათა; და თუ
Line of ed.: 8     რომელი არს ცოდვაჲ სასიკუდინე. და გან\ყოფილებისათჳს
Line of ed.: 9     სულთაჲსა, და თუ რომელი
Line of ed.: 10     სული არს ღმრთისაგან ანუ რომელი მაცთუ\რისაჲ,
Line of ed.: 11     და თუ ვითარ ვიცნნეთ შვილნი
Line of ed.: 12     ღმრთისანი ანუ თუ შვილნი ეშმაკისანი. და
Line of ed.: 13     თუ რომლისა ცოდვისათჳს თანა-გუაც ლოც\ვაჲ
Line of ed.: 14     ცოდვილთაჲ და რომლისათჳს არა. და
Line of ed.: 15     ვითარმედ რომელსა არა უყუარდეს მოყუა\სი
Line of ed.: 16     თჳსი, არა არს იგი ღირს ჩინებისა, არცა
Line of ed.: 17     ძალ-უც თქუმად, ვითარმედ ქრისტესი არს.

Line of ed.: 18        და ერთობასა ძისასა მამისა თანა აჩუენებს
Line of ed.: 19     და ვითარმედ, რომელმან უარ-ყოს ძე, მას
Line of ed.: 20     მამაჲცა უარ-უყოფიეს.

Line of ed.: 21        და განსწვალებს ებისტოლესა ამას შინა
Line of ed.: 22     და იტყჳს თჳსსა ანტიქრისტესსა, ესე იგი
Line of ed.: 23     არს, ვითარმედ რომელმან თქუას იესუჲსთჳს,
Line of ed.: 24     ვითარმედ არა ქრისტე არს, საცნაურ-ჰყოფს,
Line of ed.: 25     Page of ms.: E_88v  ვითარმედ ვინაჲთგან იგი არა ქრისტე
Line of ed.: 26     არს, თავსა თჳსსა იტყჳს ქრისტედ მაცთუ\რი
Line of ed.: 27     იგი.

Line of ed.: 28        ხოლო ამცნებს ყოვლისა ამის ებისტოლი\სა
Line of ed.: 29     მიერ, რაჲთა არა ეურვოდინ მორწმუ\ნენი
Line of ed.: 30     უფლისანი, უკუეთუ სძულობდენ მათ
Line of ed.: 31     სოფელსა შინა, არამედ უფროჲსად რაჲთა
Line of ed.: 32     უხაროდის, რამეთუ სიძულილი სოფლისაჲ
Line of ed.: 33     საცნაურ-ჰყოფს მორწმუნეთა მათ, ვითარ\მედ
Line of ed.: 34     ზეშთა ქმნილ არიან სოფლისა და არიან
Line of ed.: 35     იგინი მოქალაქე ზეცათა. და დასასრულსა
Page of ed.: 78   Line of ed.: 1     წიგნისასა კუალად მოაჴსენებს და იტყჳს,
Line of ed.: 2     ვითარმედ ძე ღმრთისაჲ არს ცხორებაჲ საუ\კუნოჲ
Line of ed.: 3     და ღმერთი ჭეშმარიტი, და რაჲთა
Line of ed.: 4     მას ვჰმონებდეთ და დავიცვნეთ თავნი თჳსნი
Line of ed.: 5     კერპთაგან.



Next part


This text is part of the TITUS edition of Praefatio in Epistolas Catholicas.

Copyright TITUS Project, Frankfurt a/M, 6.3.2021. No parts of this document may be republished in any form without prior permission by the copyright holder.