TITUS
Great Synaxarion
Part No. 7
Previous part

Section: M09_06  
Page of ed.: 8  
Line of ed.: 10b        ႧႭჃႤႱႠ ႱႤႩႣႤႬႡႤႰႱႠ Ⴅ . 48* წმიდათა 49* მოწამეთა 50*
Line of ed.: 11b     ევდოქსიოს, 51* რომილოს, პრეპოსიტე, 52*
Line of ed.: 12b     ზენონ და მაკარისი. რომილოს
Line of ed.: 13b     უკუე 53* ტრაიანე 54* მეფისა ზე 55* იწამა და 56* წარეკუეთა
Line of ed.: 14b     თავი, ხოლო სხუანი დეოკლიტიანეს 57*
Line of ed.: 15b     ზე, 58* რამეთუ ბრძანებაჲ 59* დაედვა ტანჯვად ქრისტეანეთა. 60*
Line of ed.: 16b     შეპყრობილ უკუე 61* იქმნა წმიდაჲ
Line of ed.: 17b     ევდუქსიოს 62* მთავრისა მიერ მელიტინისა 63* სიმრავლესა
Line of ed.: 18b     თანა ათას ოცდაათთა ქრისტეანეთასა
Line of ed.: 19b     და მახჳლითა აღესრულნეს.

Line of ed.: 20b        ამასვე დღესა წმიდათა მოწამეთა ფავსტო
Line of ed.: 21b     ხუცისა, აბიბოს 64* დიაკონისა და 65* მონაზონისაჲ, 66*
Line of ed.: 22b     დიონისი 67* წიგნისმკითხველისა, 68* ანდრონიკე
Line of ed.: 23b     მჴედრისა, 69* თეოქთისტე 70* მენავეთმოძღურისა, 71*
Line of ed.: 24b     მაკარი მოქალაქისა, 72* ანდრეა 73*
Line of ed.: 25b     კურიკტორისაჲ, 74* სარაპამფო 75* განმზრახისა 76*
Line of ed.: 26b     და კჳრიაკოზ 77* ერისკაცისაჲ და
Line of ed.: 27b     პელაგია 78* და თეკლა ქალწულთა და დათაჲ 79*
Line of ed.: 28b     და კლეოდოჲსი, 80* რომელი იყო მეუღლე
Line of ed.: 29b     კჳრიაკოჲსი 81* მიდგომილი. ესენი იწამნეს
Line of ed.: 30b     ალექსანდრიას დეკეოზ მეფისა ზე, 82* რამეთუ 83*
Line of ed.: 31b     შესმე\\ნილ ** იქმნნეს 84* წინაშე ვალერიანე 85*
Page of ed.: 9   Line of ed.: 1a     კურიკტორისა 1* და ქრისტეს ღმრთისა ჩუენისა
Line of ed.: 2a     \\ მიმართ 2* სარწმუნოებისათჳს 3* და აღსარებისა 4*
Line of ed.: 3a     წარეკუეთნეს 5* თავნი.

Line of ed.: 4a        ამასვე 6* დღესა ჴსენებაჲ სასწაულისაჲ 7*
Line of ed.: 5a     ამის, 8* რომელი იქმნა ხონას დიდებულისა მიქაელ
Line of ed.: 6a     მთავარანგელოზისა მიერ.

Line of ed.: 7a        მწუხრი 9* უფალო 10* ღაღადყავსა 11* დასდებელნი
Line of ed.: 8a     მთავარანგელოზისანი. 12* წარდგომაჲ 13* დღისაჲ.
Line of ed.: 9a     სტიქარონნი 14* მთავარანგელოზისნივე. ლიტანიისად 15*
Line of ed.: 10a     და 16* ღმერთი უფალსა ზედა და
Line of ed.: 11a     სამხრად ოხითად ესე ითქუას : "ზეცისა მჴედრობათა
Line of ed.: 12a     მთავარანგელოზო, 17* გევედრებით შენ
Line of ed.: 13a     უღირსნი ესე, რაჲთა შენითა მეოხებითა 18* შემზღუდნე
Line of ed.: 14a     ჩუენ საფარველი\\თა Manuscript page: A6r  ფრთეთა შენთაჲთა,
Line of ed.: 15a     უჴორცოჲსა მის 19* დიდებისა შენისა მიერ დაცვულნი 20*
Line of ed.: 16a     შეგივრდებით და ჴელაპყრობით გიღაღადებთ :
Line of ed.: 17a     ღელვათა და განსაცდელთაგან გჳჴსნენ,
Line of ed.: 18a     დიდო მთავარო ზეცისა ძალთაო."

Line of ed.: 19a        ცისკრად საკითხავი მთავარანგელოზისაჲ 21*
Line of ed.: 20a     ხონისა 22* სასწაულისათჳს და გალობანი 23*
Line of ed.: 21a     ორნი Ⴃ გუერდი. 24* სამხრად ფსალმუნთა 25*
Line of ed.: 22a     წილ _ "კეთილ არს აღსაარებაჲ უფლისაჲ." (1)*
Line of ed.: 23a     ფსალმუნი, ჴმაჲ Ⴃ : "რომელმან შექმნნა ანგელოზნი
Line of ed.: 24a     მისნი." (2)* დასდებელი : "აკურთხევს
Line of ed.: 25a     სული ჩემი უფალსა; უფალო ღმერთო ჩემო" (3)*
Line of ed.: 26a     პავლე ებრაელთაჲ : "ძმანო, რომელი-იგი ანგელოზთა
Line of ed.: 27a     ." (4)* ჰპოო 26* პავლესა, ნოენბერსა Ⴡ .
Line of ed.: 28a     ალელუიაჲ : "აკურთხევდით უფალსა ყოველნი
Line of ed.: 29a     ანგელოზნი მის" ვიდრე 27* "ბრძანებისა მისისაჲ." 28* (5)*
Line of ed.: 30a     სახარებაჲ ლუკაჲსი, თავი 29* ႰႨႥ :
Line of ed.: 31a     თქუა 30* უფალმან : "რომელმან თქუენი ისმინოს,
Line of ed.: 1b     მან ჩემი ისმინოს." (6)* ჰპოო სახარებასა 31* ოკდომბერსა 32*
Line of ed.: 2b     ႨჁ . 33* განიცადე : "რომელმან შექმნნა 34*
Line of ed.: 3b     ანგელოზნი 35* მისნი სულად." (7)*

Next part


This text is part of the TITUS edition of Great Synaxarion.

Copyright TITUS Project, Frankfurt a/M, 18.3.2021. No parts of this document may be republished in any form without prior permission by the copyright holder.