TITUS
Svan Chrestomathy
Part No. 7
Previous part

Text: 7 
Page of edition: 11 
Line of edition: 5 
7. ლითო̄დური ი ლიტბჷლი


Line of edition: 6       ლითო̄დური ლი ყვილჲე̄რს ნაგზი ხეჭმენი, ეჩქას ი სურუ ხოჩა̄მ მი̄შვს ხვატვფუ̄რად.
Line of edition: 7    გჷმა̈რ ნუღვა̈̄ნხ კაჩლიე̄რ, ყვა̄ბა̈̄ნიე̄რ ი იშგნა̄გ. ხოჩა გიმ ჩუ მა̈̄ჲ არდა
Line of edition: 8    მესტიას, ალა მა̈გ ლიტბჷლიჟი̄შდ ი ლიმზჷრჟი̄შდ ნუღვა̈̄ნხ. აშხვ ზავ ეშხუ მეზგე
Line of edition: 9    ხვაჴა̈ნდად აშხვ და̈ბს ი აშხვ ლიტბჷლის ხვიჩომდად, მე̄რმა და̈ბს -- მე̄რმე მეზგე ი
Line of edition: 10    ეჯა იჩომდა ლიტბჷლის, მე̄სმა̄მ -- მე̄სმე ი ამჟი̄ნ ხერა̈სდ ნიჭა̈მხ. ლიტბჷლი ერ ჯგჷრა̈̄გი
Line of edition: 11    ნა̈მზურუნ ლა̈სვ, ერ ფუსდა̈შ, ერ თა̄რინგზელიშ, ერ ღერთა̈შ, ერ იმშა ი ერ
Line of edition: 12    იმშა. მუჩვემ მეზგე ჰარა̈ყს ამა̄რა. დია̈რს ი ნა̈̄ყუ̄ნს ა̈გი̄-ა̈გიხან ხვაჲა̈სგდად. ხვისგვრო̄ლდად
Line of edition: 13    ჩუ ი ნა̄დ ხინ ი ხიად. ლიტბჷლითე̄სგა ვარგა̈რს დე̄მის ხვინჩჷდად ი სერ
Line of edition: 14    ეჯჲა̈რს მა̄მ ოხგადჷნდახ ამხა̄ვთე̄'სგა. ათხე ალ დაბა̈რ საბრალ მეზგა̈̄ლს ოთრიგვა̄ლეხ.
Line of edition: 15    ერხი ლიტბჷლიჟი̄ნა̈შდ ა̈გინ ი ა̈გინ ხვაზვრიდად ლეჰრა̈ყი ჭჷმინს. ეჯა ჰჷლშიე̄რისგა
Line of edition: 16    ნა̈მთქვა მოლ ჯგჷრა̄გუს. ეჯას ხერასშვ ჩუ ხვაჰრა̈ყდად ი ჲარვ ლადა̈ღ
Line of edition: 17    მასა̈რდ ლითრე ნა̄რ. მა̈̄ნკვი̄ ლადა̈ღ მუშგვრის და̈̄ს ხვიხნიდ. ლითო̄დრიე̄ს ოხვიშდ
Line of edition: 18    ღეთ ი უსგვა მეზგე ხვეტყვბა̄ლდ უშხვა̄რ. ამ მი̄შვიშდ დაბა̈რ ქა ნითრო̄ნხ
Line of edition: 19    ეჯჲარე მაჴა̈დს ჩუ ხვაჰრა̈ყდად. აშხვ ზავ -- ეშხუ მეზგე, მე̄რმაზავ -- მე̄რმე მეზგე
Line of edition: 20    ი ამჟი̄ნ ესჭიმდა ხერა̈ს. ლეზვებ ა̈გიხა̈ნ ენღვა̈̄ნ. ხოშა ლაღა̈ლ ლანზო̄რა̄ლ თაბუშე̄რმჷყ
Line of edition: 21    ნა̄დ. ბაპობ ანჴა̈დ, ეჩქას ბაპა̈რსი ჩუ ხვა̈წჷრველა̈̄ვნად ი ქა ხვა̈წიჰდად
Line of edition: 22    დი̄რობჷნღო ხოჩა ნათხუმ ჰარა̈ყ ი ხა̈რჯ აჯაღ მინსჷდ ესღვა̈̄ნხ, მარე ამღა და̈̄რ
Line of edition: 23    ფეშენდა.

Line of edition: 24       ათხე და̈̄ს ხა̄რ ლითო̄დრიე̄რ.


Line of edition: 25 
მესტია



Next part


This text is part of the TITUS edition of Svan Chrestomathy.

Copyright TITUS Project, Frankfurt a/M, 24.1.2010. No parts of this document may be republished in any form without prior permission by the copyright holder.