TITUS
Svan (Lashx) Texts ed. A. Oniani
Part No. 27
Previous part

Text: 3 
Page: 85 
Line: 1 
III. ცა̄ნა დაშდუ̄ლა ლექს შაჲრშჳ.


Line: 2       ჳო საბრალე, ცანა დაშდულ!
Line: 3       მი ღალ ცანას დემ ხჳიგენი,
Line: 4       ცანას ხოლა ლარდა მერი.
Line: 5       სემი ზაილ ცანად ლამად,
Line: 6       შდიქმიშ ყუა მად მასედა
Line: 7       ღუმრა გიგიბიშ ნაურე.
Line: 8       მიბინა ლიზი-ლიჩედი,
Line: 9       ჟი ლემჴედხჳი ატკორთე ჟი.
Line: 10       ეჩხაჳ-ამხაჳ ლოხსგიდანნე.
Line: 11       ჳოჲ ლჷკჩეჳ ლი ბედი მიშგჳი!
Line: 12       ატკორ ღუნჳარშ გოში დამ ლი,
Line: 13       ლადი ალჲარს ხჳელგაცალნი,
Line: 14       ბაზი ჳახშამ ამჩუ მერი.
Line: 15       ჟი ლოხჷგენ მერმა ძინარს.
Line: 16       მიბინა ლიზი-ლიჩედი,
Line: 17       ლემყჳემას ღოშგინ ჩუ ოსღჳრი.
Line: 18       ოჲ, ლჷკჩეჳ ლი ლირდე მიშგჳი!
Line: 19       ლემყჳემა ხამარნ გოში ლი,
Line: 20       ჳოჲ ლჷკჩეჳ ლი ლირდე მიშგჳი
Line: 21       ბაზი ალჲარს ხჳეღურბათალ,
Line: 22       ბაზი ჳახშამ ამჩუ მერი.
Line: 23       ჟი ლოხჷგენ მერმა ძინარს.
Line: 24       მიბინა ლიზი-ლიჩედი,
Line: 25       ლამრჲა სგობინჩუ ოსღური,
Line: 26       ბიტას ბაპარ ხოტაბჷლიხ,
Line: 27       ეშხუ კათხჷლ მა ლამზჷმეხ,
Line: 28       წირი ეჯნოჳშ უღრის ხერი.
Line: 29       მიბინა ლიზი-ლიჩედი,
Line: 30       ჟი ლემჴედხჳი კარეტთეჟი,
Line: 31       ჴალდე̀ ლახჳთე ლასგიდ მერი,
Line: 32       ბედილს მიშგჳა ნატჲალ ხაქჳა,
Line: 33       ლადი ალჲარს ხჳეფურთინალ.
Page: 86  Line: 1       ბაზი ჳახშამ ამჩუ მერი,
Line: 2       სგა ლოჴჳედ ჯოგითეჲსა,
Line: 3       შიშდ ლემბინე უსხჳაჲდ ლისტჳრე,
Line: 4       თეურ გოგად თე ლამთხეპე,
Line: 5       შიშდ ლამტყჳეფე ლამცა მიჩა,
Line: 6       ჭჷრჭყენ ლოხსყე ლესგარს მიშგჳა,
Line: 7       გოგას მიჩა ნათი ლოხო,
Line: 8       თხუმიშ ნაკჳიშ კალთაჲს ხუღჳა,
Line: 9       გოგა დოდას ხესემწალე,
Line: 10       დოდა ყურშაჲს ხესემწალე,
Line: 11       შიშდ ლამტეტე ყურნალისა,
Line: 12       ჴალდეში ბობშ ი ზურალე,
Line: 13       მაგა გურნალს ხოცადუნეხ,
Line: 14       შდიქმიშ ყუა მა ღალ ლამცჳირხ,
Line: 15       მჷგლიჯ გელად ჩხირ ღალ ლამკჳიშ (სატრაკისა),
Line: 16       ჩინ მაშენჸ ეჯის ხოდგარა.


Line: 17       ალე ლი ცა̄ნა დაშდუ̄ლა ლექს ატო̄ ნა̄ქჳი̄ს გა̄ლფხა̄ნშა. ალე მიჩ
Line: 18    ნასჷმ ხა̄რ შჳანისა, "ოდო ლჷლა̄შხუ ლექს მა̄შა̄ლ ლი ალე" ლოქ. ამჟი
Line: 19    ლე̄ქჳ ეჯნე̄მ.



Next part


This text is part of the TITUS edition of Svan (Lashx) Texts ed. A. Oniani.

Copyright TITUS Project, Frankfurt a/M, 24.1.2010. No parts of this document may be republished in any form without prior permission by the copyright holder.