TITUS
Svan Texts ed. Gabliani
Part No. 72
Previous part

Text: S14  
Page: 206 
დალი კოჯას ხელღვაჟალე.


Line: 1     დედე სიჲად ლეზიზი ა̈მნაყ
Line: 2     ერსკა̈ნ კვიცრა̄ საუდ ლამა̄დ
Line: 3     ქა ლოხვნაყე დედედ ლეზიზ
Line: 4     მეთხვიჲარ მიჩა ლელატ გეზალს
Line: 5     დოსდა ძინა̄რს ჟი ხვიგნალე
Line: 6     ჟი̄ვ ამჩედხვი თანა̄ღთეჟი
Line: 7     ხევსი ლიკედს ხვემურჯა̄ლე
Line: 8     ეშხუ თჷმი̄ კი̄ლ ლამსჷმდა
Line: 9     ამღა მია მადმა ონფეში
Line: 10     მერმე კი̄ლ აჯაღ მასჷმდა
Line: 11     მივ ლჷჭა̄თ ხვი მო̄დ ახვმეჴრა
Line: 12     ალი კილი მა̄ვ ი̄რო̄ლე
Line: 13     ლეჟა̄ვ ლახვსგი თეთვნე კოჯლი
Line: 14     კოჯა̄ს და̈ლი ხელღვაჟა̄ლე
Line: 15     ჩუქვა̄ნ თხერო̄ლ ხოყჷლპჷნე
Line: 16     და̈ლის გეზალ კოჯს ხაშყედა
Line: 17     ეჯი თხერო̄ლს ეშლოხქარვა
Line: 18     მეთხვიჲარ კოჯა ძირდ ამჩედლი
Page: 207  Line: 19     ჟილახგა̈რგლე კოჯა და̈ლილდს.
Line: 20     დიდა̈ბ აჯჴა̈დ მაჲღენ სგოჯი
Line: 21     ქადო მაყლე გუნ მეკვდენი.
Line: 22     მი ხვირო̄ლე კოჯა და̈ლი
Line: 23     ჩვიჩლილდ მიშგუ თხერო̄ლდ ა̈მღე
Line: 24     ეჯღა სი ნომა ანფეში
Line: 25     მაბგა̈რ თხერო̄ლს მი ლახვჭემნი
Line: 26     თხერო̄ლ ზაგრუშ ჩქა̄რდ ესღჷრდა
Line: 27     და̈ლი გეზალ ჴარჴს ხოსდა̄ნდა
Line: 28     აშხვ ზაგრი̄ლჟი ჟი ლახუნცვი̄ლ
Line: 29     მერვა ზაგრი̄ლს უშდვილდ ლოხყუ
Line: 30     ტყვიფ ათღანდა თვეფილს მიშგვა
Line: 31     თხეროლს ჭიშხილდ ჟივხოკაჩა
Line: 32     და̈ლი გეზალ ჩუ მიცვრუნა
Line: 33     ბარჯა̄ს ესგვირ ეჯჟი ლოხოჴდ
Line: 34     დედეს მიჩა კოჯა და̈ლის
Line: 35     დედე მიშგუ ლუსდვიგვ ამყიჰ
Line: 36     და̈ლი კოჯას ქალა̈ჲსგიდა,
Line: 37     კოჯა ძირას გეზალს ხეწა̈დ
Line: 38     ჩუ ლოხყიჰე ვოქვრა̈ ლუსდვიგვ
Line: 39     მიჩა გეზალ ჟი ლა̈ი̄ყე
Line: 40     მიშგუ ლა̈მზჷრუ̄ ლახშედა
Line: 41     მაშედ ისგვა მეთხვიჲარილს
Line: 42     სი მეთხვიარე მაჲ ჰაჯ ჯეკვეს
Line: 43     ეჯი ჰა̄ჯი მი ქა მაშგვემნ
Line: 44     ჯიცხე̄ნდესი ლიდჩურ ლილატვ
Line: 45     ეჩის დიდაბუ აჯჴედა.
Line: 46     მია ეჩას დეშ ჯა̄შგედი
Line: 47     მადეი ჯაჰვდი მჷკხა თხუმჟი
Line: 48     სემი ლუკმინ არა ღვაშას
Line: 49     ბარბლაში თხუმ იშგვიდ ღვაშას
Line: 50     ნეცინ ჲერსკა̈ნ ნაგზა̈ შელდჟი
Page: 208  Line: 51     ივას მერდე სი ხირო̄ლე
Line: 52     მა̈გ მეთხვიჲარ გვა̈რიშ ისგე
Line: 53     ლერსგვა̄ნ მეჴა̄რს მი ხვენჴრინი.



Next part


This text is part of the TITUS edition of Svan Texts ed. Gabliani.

Copyright TITUS Project, Frankfurt a/M, 24.1.2010. No parts of this document may be republished in any form without prior permission by the copyright holder.