ARMAZI
Kartlis Cxovreba II
Part No. 162

Page of edition: 162  Line of edition: 1    რომელთა გუარისა საქმენი განსაკჳრვებელ არიან ვითა ზღაპარნი, და არიანცა ზღაპარ
Line of edition: 2    და ცუდ, ამისთჳს უჯერო არს აწ თქმა. ხოლო ჩინგიზ-ყაენს შეეწყალა, და პატივითა
Line of edition: 3    დაიჭირა, აღიხუნა მრავალგუარნი თათარნი და დაიმორჩილნა, და ყარყითიცა
Line of edition: 4    დაიმირჩილა.

Line of edition: 5    და ვითარ მოიწყო თათართა ზედა, გამოჩნდა კაცი ვინმე საკჳრველი, რომელსა
Line of edition: 6    თებთუნ გუარობით უჴმობდეს. ესე მივიდა ყაენს წინაშე, ეტყოდა ვითარმედ: "მე მას
Line of edition: 7    მთასა, რომელსა უწოდენ ბალიყ, წარვალ, ღმრთისა სიტყუა \ მესმის. ამას ბრძანებ;
Line of edition: 8    ღმერთი: ყოველი ქუეყანა თემურჩის და მისთა ლაშქართათჳს მიმიცემია, და სახელადცა
Line of edition: 9    ჩინგიზ-ყაენი ერქუას".

Line of edition: 10    ხოლო ითქუა ესეცა, ვითარმედ ჩინგიზ-ყაენი აღვიდა მთასა მაღალსა, და გამოუჩნდა
Line of edition: 11    უფალი იესო ქრისტე, ღმერთი ყოველთა, და მან ასწავა სამართალი, სჯული,
Line of edition: 12    სიწმიდე \ და სიმართლე, ტყუილისა, პარვისა და ყოვლისა ბოროტისაგან განშორება
Line of edition: 13    და რქუა: "თუ მცნებანი ესე დაიმარხნე, ყოველი ქუეყანა შენთჳს და ნათესავისა შენისათჳს
Line of edition: 14    მიმიცემიეს. წადი და \ აღიღე ყოველი ქუეყანა, რაოდენი გეძლოს".

Line of edition: 15    ხოლო იქმნა რა ყაენად და მივიდა ხატაეთს, და შევიდა ხილვად ეკლესიათა,
Line of edition: 16    იხილა მუნ ხატი მაცხოვრისა იესო ქრისტესი, მეყსეულად თაყუანი-სცა და თქუა: " აჰა,
Line of edition: 17    კაცი იგი, რომზი მთასა ჩინეთისასა ვიხილე, ამა სახითა იყო, ამან მასწავა ყოველი
Line of edition: 18    ესე წესი" ესე შეიყუარა ჩინგიზ-ყაენმან და მას აკურთხევდის, და ამისი მცნება, რაოდენიცა
Line of edition: 19    ამცნო, ყოველივე მტკიცედ დაიცვა. მერმე ებრძოლა ხატაეთის ჴელმწიფესა
Line of edition: 20    არსლან-ხანსა ზედა და სძლო. ესრეთ ჴელთ იგდო, რომელ ორას ათასი კაცი \ მოაკუდინა
Line of edition: 21    არსლან-ხანისა. ამისმან მცნობელმან არსლან-ხან, სახლსა შინა შესრულმან,
Line of edition: 22    ცოლით და შვილითურთ, ცეცხლისა მოდება უბრძანა მსახურთა თჳსთა, რომელთა


This text is part of the ARMAZI edition of Kartlis Cxovreba II.

Copyright ARMAZI Project, Frankfurt a/M, 27.9.2002. No parts of this document may be republished in any form without prior permission by the copyright holder.