ARMAZI
Kartlis Cxovreba II
Part No. 151

Text: Žamtaaġmc̣. 
Page of edition: 151  Line of edition: 1     მესამეოცე მეფე ლაშა-გიორგი


Line of edition: 2    ამას სანატრელსა სიცოცხლესა შინა თჳსსა დაედგა გჳრგჳნი ძისა მისისა გიორგისდა
Line of edition: 3    რომელსა ლაშობითცა უწოდა იყო წლისა \ ათცამეტისა რაჟამს დაიდგა გჳრგჳნი
Line of edition: 4    მეფობისა და მეფემან თამარ მიულოცა მეფობა. ხოლო რაჟამს მიიცვალა თამარ,
Line of edition: 5    იყო ლაშა ათრვამეტისა \ წლისა. დაუტევა მეფობა ძესა თჳსსა, ხოლო ნათესავსა ქართველთასა
Line of edition: 6    ცემა, მწუხარება, ვაება და გლოვა, რამეთუ ცხოველნიცა ჩასრულ იყვნეს
Line of edition: 7    ჯოჯოხეთს მკჳდრნი სამეფოსა მისისანი, და ეგრეთცა ჯერ იყო.

Line of edition: 8    შემდგომად მისსა დაიპყრა მეფობა ძემან თამარისმან ლაშა-გიორგი. რამეთუ იყო
Line of edition: 9    ტანითა ძლიერი, მჴნედ მოისარი, ნადიმობათა შინა მოსწრაფე, ლაღი და თჳთბუნება;
Line of edition: 10    და უმეტეს ამისთჳს განლაღებულ იქმნა, რამეთუ დაემორჩილნეს ყოველნი წინააღმდგომნი
Line of edition: 11    მისნი კეთილად მოჴსენებულსა და ღმრთის-მოყუარესა დედასა მისსა, და
Line of edition: 12    უშფოთველად და წყნარობით დაეტევა სამეფო თჳსი, და ყოველნი მახლობელნი მათნი
Line of edition: 13    მოხარჯე შეექმნნეს, ვითარ განძელნი და მიმდგომნი ნახჭევნელნი და კარნუქალაქელნი,
Line of edition: 14    და სხუანი მრავალნი ძღუნითა და ხარკითა მოვიდოდიან მისა. მას ჟამსა
Line of edition: 15    იშუებდა, იხარებდა, და ყოველგნით იყო შუება და მხიარულება.



This text is part of the ARMAZI edition of Kartlis Cxovreba II.

Copyright ARMAZI Project, Frankfurt a/M, 27.9.2002. No parts of this document may be republished in any form without prior permission by the copyright holder.