ARMAZI
Kartlis Cxovreba II
Part No. 140

Page of edition: 140  Line of edition: 1    და ესრეთ ძლევა-შემოსილნი, მადიდებელნი ღმრთისანი უკ-მიიქცეს და დადგეს კარავთა
Line of edition: 2    შინა მათთა.

Line of edition: 3    ამისა შემდომად შეეკაზმა მოქალაქეთა დიდითა მოკაზმულობითა ქალაქი ტფილისი,
Line of edition: 4    და შევიდა თამარ და დავით ვითარცა მზისა შარავანდედი მიფენითა, და შეიღეს
Line of edition: 5    დროშა ნუქარდინისი. შეიყვანეს პირველად ეზინკელი, და მერმე სხუანი იგი \ წარჩინებულნი
Line of edition: 6    მოიყვანნა, რომელნი სთნდეს, წინაშე თჳსსა. თამარ ყოველთა ნუგეშინის-ცა
Line of edition: 7    და დიდად სახელოვნად სერითა ისტუმრნა და უბოძა ყოველთა შესატყჳსად. და წარგზავნა
Line of edition: 8    ციხეთა შინა ყოველსა ადგილსა, თჳნიერ ეზინკელისა. არამედ იგი დაიმჭირა
Line of edition: 9    ტფილისს პატიმრად, პირველისა პატივისა და სიყუარულისა მისისა წილ, ხოლო
Line of edition: 10    უკანასკნელ ეგეოდენი სახელოვანი კაცი და დიდებული განყიდა ნალად ცხენთა, რომელი-ესე
Line of edition: 11    ყო თამარ პატივად სახლისა თჳსისა და დიდებად, რომლის არაოდეს.

Line of edition: 12    ვისგან ქმნილ იყო დასაბამითგან. ესე ყო დიდებად და საჴსენებელად თჳსა.

Line of edition: 13    აწ კუალად აღივსნეს ყოველნი საგანძურნი სამეფონი ოქროთა და \ ჭურჭლითა
Line of edition: 14    ოქროსათა, რამეთუ მიწისა მსგავსად შეასხმიდეს ოქროსა, ხოლო თუალსა და მარგალიტსა
Line of edition: 15    წყჳთ დასდებდეს, ხოლო ოქრო-ქსოვილთა ბერძულთა და სხუათა ნაქსოვთა
Line of edition: 16    ძჳრად საპოვნელთა, ვითარცა ცუდთა სამოსელთა, ურიცხუთა დაყრიდეს. ხოლო ვეცხლისა
Line of edition: 17    ჭურჭელთა არღარა აქუნდა პატივი \ პალატსა შინა მეფისასა, რამეთუ ყოველი
Line of edition: 18    ოქროსა და ბროლისა წინადაგებული იყო, ინდოურთა ქვათაგან შემკობილი, რომლითა
Line of edition: 19    აღავსნა ყოველნი ეკლესიანი, რომელთა მიანიჭა სამსახურებელად სიწმიდდეთა
Line of edition: 20    საიდუმლოთასა და აღავსნა ყოველნი ჴელნი მთხოველთანი, და განაძღნა ყოველნი
Line of edition: 21    გლახაკნი და აღუვსო წიაღნი მათნი უხუებით.

Line of edition: 22    ესრეთ ადიდებს ღმერთი მადიდებელთა თჳსთა, ესრეთ აღამაღლებს წინაშე თჳსსა
Line of edition: 23    მდაბალთა, ესრეთ შემწე არს მონათთა მისთა, ესევითართა ნიჭთა მიანიჭებს მინდობილთა


This text is part of the ARMAZI edition of Kartlis Cxovreba II.

Copyright ARMAZI Project, Frankfurt a/M, 27.9.2002. No parts of this document may be republished in any form without prior permission by the copyright holder.