ARMAZI
Kartlis Cxovreba II
Part No. 106

Page of edition: 106  Line of edition: 1    და ზენარისა თხოვნით დაამშჳდეს ქართველნი თავადნი და სპანი. წარმოავლინეს
Line of edition: 2    მოციქული, ითხოვეს მშჳდობა, არა მოოჴრება ქალაქისა მათისა. აღუთქუეს ძღუენი:
Line of edition: 3    ოქრო და ვეცხლი უამრავი თუალი პატიოსნი და მარგალიტნი ძჳრფასისანი.

Line of edition: 4    განკჳრდეს ყოველნი წარჩინებულნი ქართველთანი, ზაქარიაცა და ივანე მჴარგრძელნი;
Line of edition: 5    აღუთქუეს მშჳდობა და უვნებელ განვლა ქუეყანისა მათისა, მოიმტკიცეს ფიცისა მიერ.

Line of edition: 6    მოვიდეს ყადნი, ხოჯანი, დარვეშნი და ყოველნი თავადნი თავრეჟისანი, მოიღეს ოქრო
Line of edition: 7    და ვეცხლი, ლარი, ცხენები, ჯორი და აქლემი, თუალი, მარგალიტი, შესამოსელი,
Line of edition: 8    საზრდელი კმა-საყოფი ლაშქართათჳს. აღივსნეს დიდი და მცირე.

Line of edition: 9    მისცეს ქალაქსა მცველნი და წარვიდეს ადარბადაგანი, მიმართეს მიანას.

Line of edition: 10    და ცნა მელიქმან მიანისამან მისლვა ქართველთა და ქმნული თავრეჟელთა. ითხოვა
Line of edition: 11    მანცა მშჳდობა და აღუთქუა მოცემად ურიცხჳ საქონელი. რომელი უსმინა ზაქარია,
Line of edition: 12    მოიყვანა მშჳდობის ყოფად, და მოიღო მანცა ოქრო და ვეცხლი და ქვანი ძჳრფასისანი.

Line of edition: 13    აღავსნა მანცა ყოვლითა სიმდიდრითა. დაუტევნეს მცველნი და წარმოვიდეს
Line of edition: 14    მშჳდობით დამტევნელნი მიანისანი.

Line of edition: 15    \ მიიწივნეს მცირესა ქალაქსა ზანგანს \ ალიზის ზღუდით განმაგრებულსა. ხოლო
Line of edition: 16    ქალაქი ძლიერად გაამაგრეს და იწყეს ფიცხლა ბრძოლა. ვითარ გაგრძელდა ომი,
Line of edition: 17    განყვეს თემთა და თემთა ზღუდე ქალაქისა, რათა შესთხარონ. და იწყეს თხრად ზღუდეთა:
Line of edition: 18    უწინარეს მარჯუენასა მჴარსა მესხთა შეჴურიტეს ზღუდე -- ალიზით იყო -- , და
Line of edition: 19    უწინ შევიდეს ქალაქსა შინა და იწყეს ჴოცად და სრვად ვინცა მეომარი იყო. აღივსნეს


This text is part of the ARMAZI edition of Kartlis Cxovreba II.

Copyright ARMAZI Project, Frankfurt a/M, 27.9.2002. No parts of this document may be republished in any form without prior permission by the copyright holder.