TITUS
Megrelian Texts ed. Qipshidze
Part No. 56
Previous part

Text: XXVI  
XXVI.


Part: (1)  
Line: 21    ბოშალაშე მოჩილათა
Line: 22    ბოშ-კოჩიშოთ მუ ძნელი რე!
Line: 23    ასეშახ ჯგირო ვორდი ნი,
Line: 24    ასეიანი მუნერი რე?
Line: 25    ულირი დროში მომგონელი
Line: 26    ცოდა დუდი ღურელი რე,
Line: 27    ასე თეზმა მწუხარება
Line: 28    მიკვენ, ჩქიმოთ მუშენი რე!
Line: 29    ჯვეშ დროებაქ მა ცოდას
Line: 30    სიზმარცალო მომეგონუ,
Page: 129   Line: 1    სიხალისექ დამეთხოუ,
Line: 2    დარდიქ გურს დემეხოლუ.
Line: 3    შური დო გურქ შემეწუხუ,
Line: 4    სიკეთექ მემეშორუ, --
Line: 5    ასე უკმაყოფილეს
Line: 6    ულირი დროქ მომეწონუ.
Line: 7    ახა-ვაი! ცოდა გური,
Line: 8    უდარდელო ქოპოუნი,
Line: 9    მუ შქირიტუნს უბედურს
Line: 10    გურს დიდი დაჩხირი მონტოუ ნი?
Line: 11    ჩქიმი შემაწუხებელი
Line: 12    შური დო ხორცით დოჭოუნი,
Line: 13    მათი ვა მაცოცხლასი დო
Line: 14    უჩა დიხას დოფჩოუნი.
Line: 15    ჩქიმი გურიშ მწუხარება
Line: 16    ნოტე ვა გჷმაშინედას,
Line: 17    კუჩხეფი დამიკუნტასი დო
Line: 18    სოთინი ვა გჷმალინედას.
Line: 19    ირიფელამო მაწვალას,
Line: 20    ვართი დამანჯირედას,
Line: 21    ეფერი ადგილს ქოპუას,
Line: 22    თინა ქომაჯინედას.
Line: 23    აწი ნატრის ვინატრენქჷ დო
Line: 24    თეში ქოდმორინუას,
Line: 25    ხეს თხვირი ქომუჩას,
Line: 26    სოფელი დომოლინუას.
Line: 27    ირი ჩქიმი მწუხარება
Line: 28    ლექსო ქომობირუას,
Line: 29    მიშ ჸოროფას ვდარდენდეე,
Line: 30    არძო დომინქირუას.
Line: 31    ვარა გვალო გომოჩქვას
Line: 32    ჯგირი მელექსე ზაზანდარო;
Page: 130   Line: 1    ნინათ ვა მათქუე, ვარა
Line: 2    ბრელი მიღუ სარაგადო.
Line: 3    ირიართო იწუხებუ
Line: 4    ჩქიმი გური სანავარო,
Line: 5    გურს ბრელი მიჭირს, მარა
Line: 6    არძო ვა რე სარაგადო.
Line: 7    ანწი გურქუ შემეწუხუ,
Line: 8    კინიი გარას დოვოჭყანქ,
Line: 9    ათე დარდიქ ვა ჩმერცხუ და,
Line: 10    კისერიშა ხამს მიივგანქ.
Line: 11    დიივთხორუნქ საფულეს,
Line: 12    დუდჸშა დიხას მინივრღვანქ;
Line: 13    მა შხვა იშენი ვა მინგარს,
Line: 14    ჩქიმი დუს მა ვინგარქ.
Line: 15    --
Line: 16    ათეს ჭარუნს ითი ბოში,
Line: 17    ნამუთი დუც ვა ახვარუ.
Line: 18    ის ორკოჩი უჸორსუ დო
Line: 19    ინა კოცჷ ვა აბრალი.



Next part


This text is part of the TITUS edition of Megrelian Texts ed. Qipshidze.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.