TITUS
Megrelian Texts ed. Qipshidze
Part No. 17
Previous part

Text: XV  
Page: 40  
XV


Part: 1   Link to qipshg
Line: 1    ართი ბადიდი ქოჸოფე. საქვარი შეულებუდჷ, მარა ორგულენდჷ.
Line: 2    სქუალეფი ჸვანაშა მიდეეშჷ ნი, ე ბადიდი კებურსჷ ქეკოდოხოდჷდჷ,
Line: 3    ძალამი პატიის ვა ცენდესჷ და, ჸუდეშა ვა მააშქვანდჷ თინენს.
Line: 4    ათეშიგურიშენი წეეჩხუბჷ ნისალენქჷ დო გეგჷნაჸოთეს ოჯახიშე თე რჩინჷ
Line: 5    კოჩი. უჩაში ნოსასჷ თხუუ: "ართი ჭურაში ეფშა ქვირი ქომუჩია, ართი
Line: 6    კვერცხი დო ართი ოდგიში დო გეგინჷვოლჷქჷ დო ვურქია". ქიმეჩჷ.
Line: 7    ი ბადიდიქ სერი დო დღა იდჷ. ქიმერთჷ ართი წყარიძგაშა; მიკააჯინჷ
Line: 8    მელე ჸურეშე, დემი ქეკორე. დემს დუუძახჷ:

Part: 2   Link to qipshg
Line: 9    -- ათე წყარსჷ გამჷნომიჸონია.

Part: 3   Link to qipshg
Line: 10    დემქჷ დუუძახჷ:

Part: 4   Link to qipshg
Line: 11    -- მა ვარი, სი გამჷნომიჸონია, ვარა ტვერიშორო გოგოჩქვანქია.

Part: 5   Link to qipshg
Line: 12    გეეჭოფუ დიდი ქუა, ქიგიაშქუ რეკას, თექი ქიგიოფუჩხოლჷ ე
Line: 13    დიდი ქუა. ბადიდიქ გელეეღჷ ჭურა ქვირამი, გიაშქუ რეკას; ქვირიში
Line: 14    ფურკიქ გეედირთჷ. გუუკვირდჷ დემს: "მუჭო ფურკი გეიოდგინაფუუ
Line: 15    ქუასჷ!"

Part: 6   Link to qipshg
Line: 16    დემქჷ გეეჭოფჷ ხოლო ქუა, ხეს ქიდეეკინჷ დო თქუ: "ათე
Line: 17    ქუაშორო გეკორტახჷნქია".

Part: 7   Link to qipshg
Line: 18    თიწკჷმა ბადიდიქჷ გელეეღჷ კვერცხი, მუუნჭირჷ ხე დო გოწილიხჷ.
Line: 19    წყარქჷ მოლართჷ. აშქურინჷ დიის, მუნიილჷ დო ხუჯიშა ქიგილეეხუნუ
Line: 20    დო წყარს მეჸუნსჷ. შქაწყარს დიიქ უწუუ:

Part: 8   Link to qipshg
Line: 21    -- მუჭომი ლექინი რექია?

Part: 9   Link to qipshg
Line: 22    ბადიდიქ უწუუ:

Part: 10   Link to qipshg
Line: 23    -- მა ცაშა მემითხჷ ხე, ვარა მა გუუტუე ხე ნი, თაქი დინაათხუუქჷ სი.

Part: 11   Link to qipshg
Line: 24    -- დაბა, აკაწუნს გუუტევა, -- უწუუ დემქჷ.

Part: 12   Link to qipshg
Line: 25    ბადიდიქ გელეეღჷ ოდგიში, კისერს ქიგიობიჯჷ დო დაალუუ. დიიქ
Line: 26    უწუუ კოს:

Part: 13   Link to qipshg
Line: 27    -- კჷნი ქჷმოკიდი ხევა.

Part: 14   Link to qipshg
Line: 28    ეუკუნჷ ოდგიშისჷ დო ჯიბეშა ქელეედუ. წყარს მინილესჷ ნი, უწუუ ნდიიქ:

Part: 15   Link to qipshg
Line: 29    -- მა ნადირს გამჷკობრაჸჷნქია, სი ქჷდოხვადი თაქია.

Part: 16   Link to qipshg
Line: 30    მიდართჷ ნდიიქ, გამკორაჸჷ ნადირი. ე ბადიდის აშქურინჷ
Page: 41   Line: 1    ნადირიშა დო ტყას ქიმიშეეტყობჷ. გურიჭითა ქოძირჷ ღურელი. ქჷმორთჷ
Line: 2    ნდიიქჷ დო უწუუ:

Part: 17   Link to qipshg
Line: 3    -- მუ ღოლი ნადირია?

Part: 18   Link to qipshg
Line: 4    ბადიდიქ ნდიის უწუუ:

Part: 19   Link to qipshg
Line: 5    -- ნადირქჷ სი ვა მჷგარაჸჷ, ვარა ჩიტი მეფურინჷნდჷ ჟი ნი, თინა
Line: 6    ოფჭოფი, ვარა დიხას მიიშჷ ნი ფერი ნადირს მუჭო გუუტეენდი!

Part: 20   Link to qipshg
Line: 7    მიდართჷ ნდიიქ, დოჸვილჷ ნადირეფი: ჟირი ირემი, ჟირი სქვერი,
Line: 8    ჟირი ტყარღეჯი, ჟირი ყურდღელი. ნამუთინეეფი დოხაშუ, ნამუთინეე
Line: 9    დოჭუ, ღუმუ გააკეთჷ ჟირი ქილა, ჟირი კოკა ღვინი ქჷდოდგჷ დო
Line: 10    უწუუ კოს:

Part: 21   Link to qipshg
Line: 11    -- ქოდობხოდათჷ დო ბჭკომათია.

Part: 22   Link to qipshg
Line: 12    -- სი ღვინი მოგიღალჷ ნი, -- უწუუ ბადიდიქჷ, -- ინა მუსუ
Line: 13    ბღოლანსჷ? ათე წყარიშა მიშეე ქიმიშამიბოგი, თექი ბჭკუმუნქჷ ოსერიშოს.

Part: 23   Link to qipshg
Line: 14    ქიმჷშუუბოგჷ დემქ. ბადიდიქ გედოხოდჷ ბოგირს. დემქჷ ქიგეუდუ:
Line: 15    ართი ირემი, ართი სქვერი, ართი ღეჯი, ართი ყურდღელი, ართი ქილა
Line: 16    ღუმუ, ართი კოკა ღვინი, ათენეფი კოს წოხოლე ქაწუუდუ ნდიიქ.
Line: 17    თიქჷთი ხოლოს ქჷდოხოდჷ მინდორო. ე ნდიი ჭკუმუნსჷ, ე ბადიდი წყარსჷ
Line: 18    დინჷმაარღვანს. დემს უჩქჷ ჭკუმუნსჷ ნი. დემს ოშქურჷ: "ჩქიმი უმოსი
Line: 19    ქიშინოლებუე!"

Part: 24   Link to qipshg
Line: 20    ე წყარს თუდოლე გერეფი ჭოფუნა დო ჭკუმუნა ხორცის, ე
Line: 21    ბადიდიში გინჷნარღვეფისჷ. მაჟირა ირემი ქოთხუ დემს: "ქოფჩია". დემქჷ
Line: 22    ქიმუუღუ ბადიდის. ეთი წყარს ქიმეჩჷ, ენა დემს ვა უჩქჷ. ბადიდიქ
Line: 23    თქუუ: "დეეპკაკალია ამუსერი".

Part: 25   Link to qipshg
Line: 24    მაჟირა დღას დემქ ჸუდეშა დააპეიჯჷ. მიდართესჷ ჸუდეშა. დემქ
Line: 25    მიდართჷ ონადირუუშა. ქეწოხვადჷ გერქჷ დო ტურაქ. გერი დო
Line: 26    ტურას უწუუ დემქ:

Part: 26   Link to qipshg
Line: 27    -- ონადირუშა მიდჷმაჸუნია; ართი სუმარქ ეფერქ მესურჷ, ვითი
Line: 28    ირემსჷ დო სქვერს ოჭკუმუნს; ღუმათი ქომიღუდესჷ ჟირი ირემი,
Line: 29    მარა საკაკალოთ ვა დაბაღეფჷ!

Part: 27   Link to qipshg
Line: 30    ათე გერი დო ტურაქ უწუუ დემსჷ:

Part: 28   Link to qipshg
Line: 31    -- სქანი სუმარს ართითი ვო უჭკომუნია; არძოს წყარს
Line: 32    მინჷმაარღვანდუა, ჩქჷ ფჭოფუნდითჷ წყარსჷ დო ბჭკუმუნდით, ვარა თის ვო
Line: 33    უჭკომჷ.

Part: 29   Link to qipshg
Line: 34    დემქ უწუუ გერი დო ტურას:
Page: 42   Line: 1    -- აკა მოლართით, გომიტახითია თი ბადიდი.

Part: 30   Link to qipshg
Line: 2    მოლართესჷ ბადიდიშა დემქჷ დო ვითი გერი დო ტურაქ ბადიდიშ
Line: 3    გაატახჷშა. მიოჯინჷ ბადიდიქ, დემი წოხოლე ქუმუურსჷ გერი დო
Line: 4    ტურეფი უკახალე ქიგეჸუნსჷ, ბადიდიქ მიოძახჷ დემს: "ართი ვითი გერი
Line: 5    დო ტურაში მეტი ვე გემიძჷდუო სქანდა ოგაფური?"

Part: 31   Link to qipshg
Line: 6    დინააჯინესჷ გერი დო ტურაქ ართიანსჷ დო უწიისჷ: "ე დემს
Line: 7    მოლუუტყუაფუთჷ!" ქუუციისჷ დემს, ტვერიშორო გეკოსოფესჷ.



Next part


This text is part of the TITUS edition of Megrelian Texts ed. Qipshidze.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.