ARMAZI
Text collection: NT 
Novum Testamentum georgice

e codicibus chanmetico et Adishi


The Old Georgian Four Gospels:
Khanmeti and Adishi Redaction


On the basis of the original manuscripts
edited by Sophio Sarjveladze and Darejan Tvaltvadze,
Tbilisi 2001-2002;
ARMAZI version by Jost Gippert,
Frankfurt a/M, 26.3.2002 / 18.10.2002 / 28.10.2007 / 15.2.2022



C   ადიშის ოთხთავი (X ს.)
X   Codex chanmeticus




Book: Mt. 
მათე

სახარებაჲ მა[თჱსი]



Chapter: 1 


Verse: 1  Link to ntkpl   [წ]იგნი შობისა იესუ ქრისტჱსი, ძისა დავითისი, ძისა აბრაჰამისი.

Verse: 1V    ქ̃სი C; ძის C.


Verse: 2  Link to ntkpl   აბრაჰამ შვა ისაკი; ისაკმან შვა იაკობი; იაკობ შვა იუდა და ძმანი მისნი;


Verse: 3  Link to ntkpl   ხოლო იუდა შვა ფარჱზ და ზარა თამარისგან; და ფარეზ შვა ესრომ; და ეზრომ შვა არამ;


Verse: 4  Link to ntkpl   არამ შვ[ა ამი]ნადაბ; ამინადაბ შვა ნასონ; ნასონ შვა სალმონ;


Verse: 5  Link to ntkpl   სალმონ შვა ბოოზ რექაბისგან; ბოოზ შვა იობედ რუთისგან; იობედ შვა იესე;


Verse: 6  Link to ntkpl   იესე შვა დავით მეფე; დავით მეფემან შვა სოლომონი ურიაჲს ცოლისაგან;


Verse: 7  Link to ntkpl   სოლომონ შვა რობოამ; [რობო]ამ შვა აბია; აბია შვა ასაფი;


Verse: 8  Link to ntkpl   ასაფ შვა იოსაფატ; იოსაფატ შვა იორამ; იორამ შვა ოზია;


Verse: 9  Link to ntkpl   ოზია შვა იოათამ; იოათამ შვა აქაზ; აქაზ შვა ეზეკია;


Verse: 10  Link to ntkpl   ეზეკია შვა მანასე; მანასე შვა ამონი; ამონ შვა იოსია;


Verse: 11  Link to ntkpl   იოსია შვა იოაკიმ; იოაკიმ შვა იექონია და ძმანი მისნი ტყუეობასა მას ბაბილოვნისასა.

Verse: 11V    იოქონია C; ტყჳეობასა C.


Verse: 12  Link to ntkpl   შემდგომად ტყუეობისა მის ბაბილოვნისა იექონია შვა სალათიელი; სალათიელმან შვა ზორობაბელ; ზორობაბელ შვა აბიუდ;

Verse: 12V    ტყჳეობისა C.


Verse: 13  Link to ntkpl   აბიუდ შვა ელიაკიმ; ელიაკიმ შვა აზორ;


Verse: 14  Link to ntkpl   აზორ შვა სადუკ; სადუკ შვა აქიმ; აქიმ შვა ელიუდ;

Verse: 14V    აქიმ -- C.


Verse: 15  Link to ntkpl   ელიუდ შვა ელეაზარ; ელეაზარ შვა მატთან; მატთან შვა იაკობ;


Verse: 16  Link to ntkpl   იაკობ შვა იოსეფ, ქმარი მარიამისი, რომლისაგან იშვა იესუ, რომელსა ჰრქჳან ქრისტჱ.

Verse: 16V    ქ̃ჱ C.


Verse: 17  Link to ntkpl   ყოველი ნათესავი აბრაამითგან ვიდრე დავითისა[დმდე] ნათესავი ათოთხმეტ, და დავითისითგან ვიდრე ტყუეობადმდე ბაბილონისა ნათესავი ათოთხმეტ, და ტყუენვითგან ბაბილონისაჲთ ვიდრე ქრისტესამდე ნათესავი ათოთხმეტ.

Verse: 17V    ტყჳეობადმდე C; ტყჳენვითგან C.


Verse: 18  Link to ntkpl   ხოლო იესუ ქრისტეს შობაჲ ესრეთ იყო: რამეთუ თხოილ იყო დედაჲ მისი მარიამ იოსეფისა. [და ვიდრე] შერთვადმდე მათა იპოვა მიდგომილ სულისაგან წმიდისა.


Verse: 19  Link to ntkpl   ხოლო იოსეფ, ქმარი მარიამისი, მართალი იყო და არა უნდა განმხილებაჲ მისი, იზრახა ფარულად განტევებაჲ მისი.

Verse: 19V    განმხილება C.


Verse: 20  Link to ntkpl   და ვითარ იგი ამას ზრახვიდა ოდენ, აჰა, ანგელოზი უფლისაჲ ჩუენებით გამოუჩნდა მას და ჰრქუა: იოსებ, ძეო დავითისო, ნუ გეშინინ მიყვანებად მარიამისა, ცოლისა შენისა, რამეთუ რომელი-იგი მაგისგან იშვეს, სულისაგან წმიდისა არს.


Verse: 21  Link to ntkpl   შვეს ძჱ და უწოდიან სახელი მისი იესუ, რამეთუ მან იჴსნეს ერი თჳსი ცოდვათა მათთაგა[ნ].


Verse: 22  Link to ntkpl   ესე ყოველი იქმნა, რაჲთა აღესრულოს თქუმული უფლისა მიერ წინაჲსწარმეტყუელისაგან, რომელი თქჳს:

Verse: 22V    წინაჲსწარმეტყჳელისაგან C.


Verse: 23  Link to ntkpl   აჰა ქალწული მიუდგეს და შვეს ძჱ და უწოდიან სახელი მისი ენმანუელ, რომელ არს თარგმანებით: ჩუენ თანა ღმერთი.


Verse: 24  Link to ntkpl   განიღჳძა იოსეფ ძილისაგან და ყო ეგრე, ვითარცა უბრძანა მას ანგელოზმა[ნ უფლისა]მან, და წარიყვანა ცოლი თჳსი.


Verse: 25  Link to ntkpl   და არა იცოდა იგი, ვიდრემდე შვა ძჱ, და უწოდეს სახელი მისი იესუ.



Next part


This text is part of the TITUS edition of Tetraevangelium (e codicibus chanmetico et Adishi).

Copyright TITUS Project, Frankfurt a/M, 16.2.2022. No parts of this document may be republished in any form without prior permission by the copyright holder.