TITUS
Vita Ioanni Chrysostomi
Part No. 71
Previous part

Chapter: 70_(71) 
Page of edition: 140 
Line of edition: 1    70 (71). იოვანეს სახელის შეტანა მოსახსენებელში. მის მტრებზე
Line of edition: 2    ღვთის რისხვის მოვლინება


Line of edition: 3       ხოლო ათიკოს, რომელი იქმნა ებისკოპოზ* კოსტანტინესა ზედა, ვითარ
Line of edition: 4    იხილა ეკლესიაჲ განყოფილად, რამეთუ, რომელთა აქუნდა სიყუარული იოვანჱსი*,
Line of edition: 5    არა შეკრბებოდეს* ეკლესიად, არამედ გარეშე დგანედ განკუეთისათჳს სახელისა
Line of edition: 6    იოვანჱსისა* და არაჴსენებისათჳს მოსაჴსენებელთა შინა საეკლესიოთა,
Line of edition: 7    და ბრზანა, რაჲთა იჴსენებოდის ლოცვათა შინა, ვითარ-იგი იჴსენებიან ყოველნი
Line of edition: 8    ებისკოპოზნი* შესუენებულნი.

Line of edition: 9       \ და კუალად* შეიწყნარეს ებისკოპოზთა მის არისათა, რაჟამს ესმა ვითარმედ
Line of edition: 10    სახელი იოვანჱსი დაიწერა მოსაჴსენებელთა სიან. და აღაორძინა ჴსენებაჲ
Line of edition: 11    იოვანჱსი* ბოროტად სიკუდილმან* დედოფლისამან, რამეთუ შემდგომად
Line of edition: 12    სენისა ამის* შემთხუევისა, რომელსა ჰრქჳან* სისხლისა დინეაბჲ, ვითარ-იგი
Line of edition: 13    ზემო ვთქუთ, გამოვიდა მას შინა აღმოცენებაჲ ადგილთა* დაფარულთა და
Line of edition: 14    აღავსო გუამი მისი მატლითა, ვითარ-იგი წინავე ჰრქუეს მოციქულთა იოვანეს,
Line of edition: 15    მი-რაჲ-ჰყვანდა ექსორიად*. და მრავალთა მკურნალთა ჰკურნეს და ვერ შეუძლეს
Line of edition: 16    განკურნებად,* ვიდრემდის ვერღარავინ შემძლებელ იყო მიახლებად მისა
Line of edition: 17    სიმყრალისაგან, და აკუმევედეს მრავალფერთა* საკუმეველთა, \ უნდა,* რაჲთამცა
Line of edition: 18    სძლეს სულსა მას სიმყრალისასა, რომელი გამოვიდოდა მისგან, და ვერ შეუძლეს.
Line of edition: 19    ხოლო იგი ეტყოდა მკურნალთა: "რომლისა ჯერისათჳს ვერ შეუძლეთ
Line of edition: 20    განკურნებად ჩემდა?" და მათ ჰრცხუენოდა სიტყუად მისა და თხრობად, რამეთუ
Line of edition: 21    იცოდეს, ვითარმედ სენსა მისსა არა აქუს კურნებაჲ. ხოლო მან მიუგო
Line of edition: 22    და ჰრქუა: "და უკუეთუ თქუენ არა უწყით, არამედ მე გითხრა: ესე სენი
Line of edition: 23    ღმრთისა მიერ მოივლინა ჩემ* ზედა ცოდვათა ჩემთათჳს, რომელი ვცოდე
Line of edition: 24    იოვანჱსთჳს* ებისკოპოზისა, და უკუეთუ იგი* არა ევედროს ღმერთსა და მეოხ
Line of edition: 25    მეყოს წინაშე მისა,* არა განვიკურნები".

Line of edition: 26       და დამძიმდა სენი იგი მისი და წარეკუეთა სასოებაჲ \ ცხორებისაჲ და
Line of edition: 27    უკუნ-სცა შვილთა თეოგნოსტოსისთა ვენაჴი იგი მათი. და არა ესე ხოლო,* არამედ
Line of edition: 28    მრავალი მონაგებთა მისთაგანი და სოფლები უკუნ-სცა, რომელთაგან მოეხუეჭა
Line of edition: 29    მძლავრ.

Line of edition: 30       ხოლო არკადი* ცხონდა მცირედ შემდგომად აღსრულებისა წმიდისა
Line of edition: 31    იოვანჱსა* და* შეისუენა და დაჰბეჭდა საწუთროსა. და დაიპყრა მეფობაჲ მისი
Line of edition: 32    შემდგომად მისა* ძემან მისმან თევდოსი მცირემან. და შემდგომად მცირედისა
Line of edition: 33    ჳამისა თეოფილეცა აღესრულა და დადგა მისსა* ადგილსა წმიდაჲ კჳრილე
Line of edition: 34    დიდი, ნათესავი მისი, მამადმთავრად.



Next part


This text is part of the TITUS edition of Vita Ioanni Chrysostomi.

Copyright TITUS Project, Frankfurt a/M, 13.5.2014. No parts of this document may be republished in any form without prior permission by the copyright holder.