TITUS
Nemesios of Emessa, De natura hominum
Part No. 21
Previous part

Chapter: 19a(21)  
Line: 13 
თავი XXI
Line: 14 
შიშისა-თჳს


Paragraph: 1  
Line: 15    განიყოფვის და შიშიცა ექუსად: მცონარებად, კდემად, სირცხვი-ლად,
Line: 16    განცჳბრებად, წყლვასაკჳრველად, ზრუნვად. არს უკუჱ მცონარებაჲ
Line: 17    შიში მომავალისა მოქმედებისაჲ; ხოლო განცჳბრებაჲ -- შიში
Line: 18    დიდისა რაჲსავე საოცისა-გან; ხოლო წყლვასაკჳრველი -- შიში უჩინოჲსა
Line: 19    საოცისა-გან; ხოლო ზრუნვაჲ -- შიში დაცემისაჲ, ესე იგი
Line: 20    არს, ვერმიმთხუჱვისაჲ, რამეთუ მშიშარნი ვერმიმთხეჱვად საქმისა
Line: 21    ვზრუნავთ; ხოლო კდემაჲ -- შიში, გმობისა მოლოდებასა-ზედა ქმნილი;

Page: 109  
Line: 1    კეთილ ვინაჲვე ესე ვნებაჲ; ხოლო სირცხჳლი -- შიში უბადოთა
Line: 2    ქმნისა-თჳს; არცა უკუჱ ესე უსასო ცხორებისა-თჳს. ამით ვინაჲვე
Line: 3     განეყოფვის კდემაჲ სირხჳლსა, რამეთუ სირცხჳლეული მათთჳს,
Line: 4    რომელ ქმნნა, მძრწოლარე არს, ხოლო მეკდემე მოშიშა შტავრდომად
Line: 5    ვინაჲსა-მე უპატიობასა. ხოლო უწოდენ მრავალგზის უძუჱლე[ს]ნი
Line: 6    კდემასა სირცხჳლად და სირცხჳლსა კდემად, მიმომჴმარებელნი
Line: 7    სახელთანი.
Paragraph: 2  
Line: 8       არამედ იქმნების უკუჱ შიში გარემოთა გაცივებისა-გან და ყოვლისავე
Line: 9    სიმჴურვალისა მის უდასაბმიერესისა გულად სივლტოლისა-გან.
Line: 10    ვითარ რაჲ იგი, ოდეს მოშიშ იქმნენ ლაშქარნი,. მიივლტიან მთავართად.
Line: 11    არამედ ორღანო შიშისა -- პირი მუცლისა;* რამეთუ ესე არს
Line: 12    უწყებისა მგრძნობელ მწუხარებათა-შორის, -- ვითარ იგი ღალინოს
Line: 13    მესამესა-შორის [წიგნსა] "ამოსაჩენელთასა" იტყჳს ესევითარად, ვითარმედ:
Line: 14    "შეწუხებულთა არამცირედ[ი] შთაედინების მუცლად მწითურისა
Line: 15    ნავღლისა[ჲ], რომელი უწყებასა მისსა შეუქმს, და არა დასცხრებიან
Line: 16    შეშინებულნი და კბენილნი ნავღლისა-გან, ვიდრემდის არა პირველად
Line: 17    აღმოასხან ნავღელი". იქმნების უკუჱ უწყებაჲ ესე მათდა ქუჱშეთ-კერძო
Line: 18    ხონდროჲს ტერფისა, რომელი "მახჳლის-სახედ" იწოდების.
Line: 19    არამედ გული დიდად და უმეტეს ზენაკერძო ძეს. რამეთუ
Line: 20    შუაზღუდისა მუცელი უქ[უ]ჱნაეს ძეს, ხოლო გული უზენაეს. ჩუჱულებითა
Line: 21    უკუჱ ენისაჲთა ძუჱლნი პირსა მუცლისასა, რომელ არს
Line: 22    სტომაქი, გულად უწესს, ვითარ იგი იპოკრატი და თუკჳდიდოს შორის
Line: 23    "სენისა მის, რომელსა ბუგრ უწოდიან", იტყჳან ესრეთ: "იყო
Line: 24    ოდეს-მე დადგრომილ გულსა-ზედა აღმარღუჱველად და განწმედად
Line: 25    ნავღლისა და ყოველი, რაოდენიცა მკურნალთა-მიერ თქუმულ იყო,
Line: 26    იქმოდეს". რამეთუ აღმარღუჱველ პირი არს მუცლისაჲ, ორღანო
Line: 27    მქმნელი რწყევად და მაწუჱველი, -- და არათუ ნაწლევ[ი]ცა, გული.



Next part


This text is part of the TITUS edition of Nemesios of Emessa, De natura hominum.

Copyright TITUS Project, Frankfurt a/M, 19.11.2023. No parts of this document may be republished in any form without prior permission by the copyright holder.