ოც და ერთის წლის იყო სედეკია მეფობასა შინა მისსა და ერთ და ათ წელ იმეფა იერუსალიმს შინა, და სახელი დედისა მისისაჲ ამიტალ, ასული იერემიაჲსი ლოვენაჲთ.
და ქმნა ბოროტი წინაშე თუალთა უფლისათა, ვითარ სახედ ქმნა იოაკიმ.
რამეთუ გულის-წყრომაჲ უფლისაჲ იქმნა ძჳნად იერუსალიმისა და იუდაჲსსა, ვიდრემდის არა განსთხინა იგინი პირისაგან მისისა; და განდგა სედეკია მეფისა[გან] ბაბილონისასა.
და იქმნა, წელსა მეცხრესა მეფობისა სედეკიაჲსსა, თთუესა მეათესა, ათსა თთჳსასა, მოვიდა ნაბუქოდონოსორ, მეფე ბაბილონისაჲ, და ყოველი ძალი მისი იერუსალიმსა ზედა და გარემოაპატნეზა იგი და გარემოაშენა მას მოთხვითთა ქვათა მომრგულები.
და მიიწია ქალაქი იწროებად და ვიდრე მეათერთმეტედ წლამდე მეფისა სედეკიაჲსსა,
თთუესა მეოთხესა, მეცხრესა თთჳსსა და განმტკიცნა სიყმილი ქალაქსა შინა, და არა იყვნეს პურნი ერსა შორის ქუეყანისასა.
და განიბძარა ქალაქი და ყოველნი კაცნი მებრძოლნი ივლტოდეს და გამოვიდეს ქალაქისაგან ღამე გზასა ბჭი\სა Page of ed. 1709: 134a საშუალისა ზღუდეთაჲსასა და წინამოზღუდვილობისასა, რომელი იყო მტილსა თანა მეფისასა: და ქალდეველნი ქალაქსა ზედა გარემოჲს და წარვიდეს გზასა ისრაელისასა.
და სდევნა ძალმან ქალდეველთამან უკუანა მეფისა, დაეწინეს მეფესა სედეკიას წიაღ იერიქოჲსა უდაბნოს შინა, და ყოველნი ყრმანი მისნი განიბნინეს მისგან.
და შეიპყრეს მეფე სედეკიაჲ და მოიყვანეს იგი მეფისა მომართ ბაბილონისა დევლათად. ქუეყანად ემათისა, და ეზრახა მეფე ბაბილონისაჲ სასჯელისა თანა სედეკიას.
და მოწყჳდნა მეფემან ბაბილონისამან ძენი სედეკიაჲსნი წინაშე თუალთა მისთა და ყოველნი მთავარნი იუდაჲსნი მოწყჳდნა დევლათას შინა.
და თუალნი სედეკიაჲსნი დააბრმნა და შეკრა იგი ბორკილებითა; და მიიყვანა იგი მეფემან ბაბილონისამან ბაბილონდ და მისცა იგი სახიდ წისქვილისა ვიდრე დღედმდე რომელსა მოკუდა.
და თთუესა მეხუთესა, მეათესა თთჳსასა, ესე წელიწადი ცხრა და მეათე ნაბუქოდონოსორ მეფისა ბაბილონისა მოვიდა ნაბუზარდან მთავარ-ქონდაქარი, მდგომი წინაშე პირსა მეფისა ბაბილონისასა იერუსალიმდ,
და დაწუა სახლი უფლისაჲ და სახლი მეფისაჲ და ყოველნი სახლნი ქალაქისანი და ყოველნი სახლი დიდი მოცეცხლა ცეცხლითა;
და ყოველი ზღუდე იერუსალიმსა გარემოჲს დაარღჳა ძალმან ქალდეველთა მთავარ-ქონდაქართამან.
ხოლო დავრდომილთაგანნი ერისათანი და ნეშტი ერისაჲ და დაშთომილნი ქალაქსა {!} შინა და მილტოლვილნი იგი, შევ[რ]დომილნი მეფისა მიმართ ბაბილონისა და ნეშტი სიმრავლისაჲ განსახლნა ნაბუზარდან მთავარ-ქონდაქარმან.
ხოლო დავრდომილთაგან ქუეყანისა\თა Page of ed. 1709: 134b დაუტევნა ნაბუზარდან მთავარქონდაქარმან ვენაჴის-მოქმედად და ქუეყანისა-მოქმედად.
და სუეტნი რვალისანი სახლისა უფლისანი და ხარისხნი და ზღუაჲ რვალისაჲ სახლსა შინა უფლისასა შემუსრეს ქალდეველია და მიიღეს ყოველი რვალები მათი ბაბილონდ.
და ხჳრები და საპყრობელები და გჳრგჳნი და სავსები და ფიალები და ფუცხუები და ყოველნი ჭურჭელნი რვალისანი, რომელთა მიერ შემწირველობდეს მათ მიმართ, წარიხუნეს [19] და სასაკუმევლები და ვეხნები.
და საპფოთნი და მაზმაროთნი და საწურველები და სასანთლეები და სამსხვერპლოები და ჭაშაკები, რომელნი იყვნეს ოქროჲსანი და რომელნი იყვნეს ვეცხლისანი, მიიხუნა მთავარ-ქონდაქარმან;
და სუეტთა ორთაჲ და ზღჳსა ერთისაჲ და ზუარაკთა ათორმეტთა რვალისათაჲ, ქუეშე კერძოთა ზღჳსათაჲ, რომელნი ქმნნა მეფემან სოლომონ სახლსა შინა უფლისასა, არა იყო სასწორი რვალისა ყოველთა ამათ ჭურჭელთაჲ
და სუეტთაჲ ოც და ათხუთმეტ წყრთა სიმაღლე სუეტისა ერთისაჲ, და საბელი ათორმეტთა წყრთათაჲ. გარე შესწუდებოდა მას, და სისქე ოთხთა თითთაჲ გარემოჲს.
და სუეტის-თავი მათ ზედა რვალისაჲ და სიმაღლე სუეტის-თავისა ერთისა ხუთ წყრთა; და ბადე და ბროწეულები სუეტის-თავსა ზედა გარემოჲს ყოველნი რვალისანი, და ამათებრვე მეორესაცა სუეტსა რვაჲ ბროწეული წყრთეულად ათორმეტთა წყრთათაჲ.
და იყვნეს ბროწეულნი ოთხმეოც და ათექუსმეტ კერძოსა ერთსა, და იყვნეს ყოველნი ბროწეულნი ას ბადესა ზედა გარემოჲს.
და წარიყვანა მთავარ-ქონდაქარმან სარეა, მთავარ მღდელი პირველი, და სოფონია, Page of ed. 1709: 135a მღდელი მეორე, და სამნი მცველნი გზათანი.
და ქალაქისაგან წარიყვანა საჭურისი ერთი, რომელი იყო ზედა-მდგომელი კაცთა მებრძოლთაჲ, და შჳდნი კაცნი სახელოვანნი, პირის წინაშენი მეფისანი, პოვნილნი მთავარი ძლიერთაჲ, მწიგნველი ერისა მის ქუეყანისაჲ, და სამეოცნი კაცნი ერისაგან ქუეყანისაჲსა, პოვნილნი შორის ქალაქისა.
და მიიყვანნა იგინი ნაბუზარდან მთავარ-ქონდაქარმან და მიიყვანნა იგინი მეფისა ბაბილონისაჲსა დევლათად;
და მოწყჳდნა იგინი მეფემან და მოაკუდინ\ნა Page of ms. Ga: 246r იგინი დევლათას შინა ქუეყანასა ემათისასა, და განსახლულ იქმნა იუდაჲ ზედა კერძოჲსაგან ქუეყანისა მისისა.
და ესე ერი, რომელი განასახლა ნაბუხოდონოსორ წელსა მეშჳდესა, იუდეანნი სამ ათასნი და ოცნი და სამნი.
წელსა რვა და მეათესა ნაბუქოდონოსორისსა იერუსალიმით სულნი რვაას ოც და ათორმეტნი.
წელსა შინა სამ და მეოცესა ნაბუხოდონოსორისსა განასახლ\ნა Page of ed. 1709: 135b ნაბუზარდან მთავარ-მზარაულმან იუდეანთა სულები რვაას და ორმეოც და ხუთნი, ყოველნი სულნი ოთხ ათას ექუსასნი.
და იქმნა ოც და მეათშჳდმეტეს შინა წელსა განსახლვასა იოაკიმ მეფისა იუდაჲსსა, მეათესა თთუესა მეოთხე და მეოცესა თჳსსა გამოიყვანა, უკუეცა ულამედარახ მეფემან ბაბილონისამან წელსა შინა, რომელსა განმეფა თავი იოაკიმისი, მეფისა იუდაჲსი, და გამოიყვანა იგი სახლისაგან, რომელსა შინა იცვებოდა;
და ეზრახა მას ტკბილად და მისცა საყდარი მისი ზეშთა საყდრებსა მეფეთა მისთანათასა ბაბილონს შინა.
და უცვალა სამოსელი პყრობილებისა მისისაჲ და ჭამდა პურსა მარადის წინაშე პირსა მისსა ყოველთა დღეთა, რომელთა ცოცხალ იყო.
და ჭამადი მისი, ჭამადი მიმდემადი მიეცემოდა მას მეფისა მიერ ბაბილონისა დღისაგან დღისადმი ვიდრე დღისამდე, რომელსა მოკუდა ყოველთა დღეთა სიცოცხლისა მისისათა.
