დასაბამსა მეფისა იოაკიმისსა, ძისა იოსიაჲსსა, მეფისა იუდაჲსსა, იქმნა სიტყუაჲ ესე უფლისა მიერ, მეტყუელი:
Page of ms. Ga: 237v ესრეთ თქუა უფალმან: დადეგ ეზოსა შინა სახლისა უფლისასა და აუწყო ყოველსა იუდასა მომავალთა თაყუანისცემად შორის სახლისა უფლისა ყოველნი სი\ტყუანი, Page of ed. 1709: 95b რომელნი გიბრძანენ შენ უწყებად მათდა; ნუ დააკლებ სიტყუასა.
ნუუკუე ისმინონ და მოიქცენ კაცადი გზისაგან თჳსისა ბოროტისა, და დავსცხრე მე ბოროტთაგან, რომელთა ვსიტყუავ მე ყოფად მათდა ბოროტთათჳს სიმარჯუეთა მათთა;
და სთქუა მათდა მიმართ: ესრეთ იტყჳს უფალი: არა თუ ისმინოთ ჩემი სლვად შჯულთა შინა ჩემთა, რომელნი მივსცენ წინაშე პირთა თქუენთა.
სმენად სიტყუებსა ყრმათა ჩემთა წინაჲსწარმეტყუელთასა, რომელთა მე მივავლენ თქუენდა განთიად, და მივავლინენ, და არა ისმინეთ,
და მივსცე სახლი ესე, ვითარცა სილომი და ქალაქი ესე მივსცე საწყევარად ყოველთა წარმართთა ყოვლისა ქუეყანისათა.
და ისმინეს მღდელთა და ცრუწინაჲსწარმეტყუელთა და ყოველმან ერმან იერემიაჲსგან თქუმასა ამათ სიტყუათასა სახლსა შინა უფლისასა.
და იყო, და-რაჲ-სცხრა იერემია მეტყუელი ყოველთაჲ, რომელნი უბრძანნა მას უფალმან თხრობად ყოვლისა ერისა, და შეიპყრეს იგი მღდელთა და ცრუ-წინაჲსწარმეტყუელთა და ყოველმან ერმან მეტყუელმან: სიკუდილითა მოკუდეს.
რამეთუ წინაჲსწარჰმეტყუელებდი სახელითა უფლისაჲთა, მეტყუელი ქალაქი ესე მოოჴრდეს მკჳდრთაგან და ვითარცა სილომი, იყოს სახლი ესე, და განკრბა ყოველი ერი იერემიაჲს ზედა სახლსა შინა უფლისასა.
და ესმა მთავართა იუდაჲსთა სიტყუათა ამათ, და აღვიდეს სახლისა გან მეფისა სახლად უფლისა და დასხდეს წინაკართა ბჭეთა კარვისა უფლისათაჲსა.
და თქუეს მღდელთა და ცრუწინაჲსწარმეტყუელთა მთავართა მიმართ და ყოვლისა ერისა, მეტყუელთა: საშჯელი სიკუდილისაჲ კაცსა ამას, რამეთუ იწინაჲსწარმეტყუელა ძჳნად ქალაქისა ამის, ვითარცა გესმა ყურითა თქუენითა.
და თქუა იერემია მთავართა მიმართ და ყოვლისა ერისა, მეტყუელმან: უფალმან მომავლინა მე წინაჲსწარმეტყუელ\ებად Page of ed. 1709: 96a სახლსა ამას ზედა და ქალაქსა ამას ზედა ყოველთა ამათ სიტყუათა, რომელნი გესმნნესყე.
და აწ უმჯობეს ყვენით გზანი თქუენნი და საქმენი თქუენნი და ისმინეთ ჴმისა უფლისა ღმრთისა თქუენისაჲ, და დასცხრეს უფალი ძჳრთაგან: რომელნი თქუნა.
და აჰა მე ჴელთა შინა თქუენთა მიყავთ მე, ვითარ შეჰგავს, და ვითარ უმჯობეს გიჩნსყე თქუენ.
არამედ მცნობელთა ცანთ: მოთუ-მკლათ მე, ვითარმედ სისხლსა უბრალოსა თქუენ მისცემთ თქუენ ზედა და ქალაქსა ამას და დამკჳდრებულთა ზედა მას შინა, რამეთუ ჭეშმარიტებით მომავლინა მე უფალმან თქუენდა მიმართ თქუმად ყურთა შორის თქუენთა ყოველთა ამათ სიტყუათა.
და თქუეს მთავრთა და ყოველმან ერმან მღდელთა მიმართ და ცრუწინაჲსწარმეტყუელთა მიმართ: არა არს კაცისა ამის საშჯელი სიკუდილისა. რამეთუ სახელითა უფლისა ღმრთისა ჩუენისაჲთა იტყოდა ჩუენდამო.
და აღდგეს კაცნი მოხუცებულთა ქუეყანისათანი და თქუეს ყოველსა შესაკრებელსა ერისასა, მეტყუელთა:
მიქეა მორათელი იყო წინაჲსწარმეტყუელ დღეთა შინა ეზეკია მეფისა იუდაჲსთა და ჰრქუა ყოველსა ერსა იუდაჲსსა, მეტყუელმან; ესრეთ თქუა უფალმან ძალთამან: სიონი, ვითარცა ყანაჲ, მოიერქუნოს, და იერუსალიმი, ვითარცა ხილის-საცავი, იყოს და მთაჲ სახლისაჲ იყოს სერტყ მაღნარისა.
ნუ მომკლველმან მოკლა იგი ეზეკია მეფემან იუდაჲსმან და ყოველმან იუდამან? არა, რამეთუ შეიშინეს უფლისა, და რამეთუ ევეფრნეს პირსა უფლისასა. და დასცხრა უფალი ბოროტთაგან, რომელნი თქუნა მათ ზედა, და ჩუენ ვქმნენით ძჳრნი დიდნი სულთა ჩუენდა ზედა.
და კაცი ვინმე იყო მწინაჲსწარმეტყუელები სახელითა უფლისაჲთა ურია, ძე სამეაჲსი, კარიათიარიმით, და წინაჲსწარმეტყეულებდა ქალაქსა ამას ზედა და ქუეყანისა ამისთჳს ყოველსთაებრ სიტყუათა იერემიაჲსთა.
და ესმა მეფესა იოაკიმს და ყოველთა ძლიე\რთა Page of ed. 1709: 96b მისთა და ყოველთა მთავართა სიტყუანი მისნი, და ეძიებდეს მოკლვად მას, და ესმა ურიას და შეეშინა და ივლტოდა და შევიდა ეგჳპტედ.
და განავლინნა მეფემან იოაკიმ კაცნი ეგჳპტედ: ელდათარ, ძე ვოხორისი.
და გამოიყვანეს იგი მიერ და მოიყვანეს იგი მეფისა მიმართ იოაკიმისსა, და მოკლა იგი მახჳლითა და შთააგდო იგი სამარესა ძეთა ერისა მისისათასა.
გარნა ჴელი აქიკამისი, ძისა საფანისი, იყო იერემიაჲს თანა არა მიცემად იგი ჴელთა ერისათა არმოკლვად იგი.
