და ეკკლესია ყო ყოველმან შესაკრებელმან ძეთა ისრაჱლისათამან სილოს და აჰმართეს მუნ კარავი წამებისაჲ და ქუეყანაჲ დაპყრობილ იქმნა მათ მიერ.
და დაშთეს ძენი ისრაჱლისანი, რომელთა არა მიიღეს წილი, შჳდნი ტომნი.
და ჰრქუა მათ იისუმან: ვიდრემდის სდაჴსნილობთ (!) დამკჳდრებად ქუეყანისა, რომელი მოგცა თქუენ უფალმან ღმერთმან მამათა თქუენთამან?
მოსცენით თქუენგანნი სამნი მამაკაცნი ტომისაგან და აღდგომილთა მოვლედ იგი და მოწერედ იგი წინაშე ჩემსა, ვითარ სათანადო არს განყოფაჲ მისი. და მოვიდეს მისდამი
და განუყო მათ შჳდად ნაწილად: იუდა დგეს ზღვრად მათდა სამხრით კერძო და ძენი იოსებისნი დგენ მათდა ჩრდილოჲთ.
ხოლო თქუენ განყავთ ქუეყანაჲ შჳდ ნაწილად და მოედით ჩემდამო აქა და განგისწორო თქუენ წილი ერთი უფლისა ღმრთისა თქუენისა.
რამეთუ არა არს ნაწილი Page of ms. Ga: 334v ძეთა ლევისთაჲ თქუენ შორის, რამეთუ მღდელობაჲ უფლისაჲ ნაწილ მისსა. და გად და რუბენ და დან და კერძომან ტომისამან მანასსი[სმან] მიიღეს სამკჳდრებელი მათი წიად იორდანესა აღმოსავალით კერძო, რომელი მისცა მათ მოსემან, ყრმამან ღმრთისამან.
და აღდგომილნი კაცნი წარვიდეს. და ამცნო იისუმან კაცთა წარმავალთა მოხილვად ქუეყანისა, მეტყუელმან: წარედით და მოიხილეთ ქუეყანაჲ და მოედით ჩემდამო აქა და განგისწორო ნაწილი წინაშე უფლისა სილოს.
და წარვიდეს და მოიხილეს ქუეყანაჲ და იხილეს იგი და დაწერეს იგი ქალაქადად შჳდ ნაწილებად წიგნად და მოიღეს იისუჲსა სილოს.
და განუგდო მათ წილი სილოს შინა წინაშე უფლისა.
და გამოვიდა წილი ტომისა ბენიამენისი პირველად ერობისაებრ მათისა. და გამოვიდა საზღვარი ნაწილისა მათისა საშუალ იუდაჲსსა დაPage of ms. Ga: 334vb საშუალ ძეთა იოსებისთა.
და იქმნნეს საზღვარნი მათნი ჩრდილოჲთ კერძო იორდანითგან. და აღვლენ საზღვარნი სამხრით კერძო იერიქოჲსა ჩრდილოდ მიმართ და აღვალს მთად მიმართ ზღჳთ კერძოდ და საზღვარნი მისნი და არს გამოსავალი მათი მავდარიტი ვართონისაჲ.
და წარჰვლის მიერ საზღვარსა ლუზაჲსასა სამხრით ლუზისა ჩრდილოდ მიმართ (ესე იგი არს ბეთილი) და შთააწევს საზღვარი ატაროთით კორეკისაჲთ მთეულეთად მიმართ, რომელ არს სამხრით კერძო ვეთორონისა.
და წარჰვლის საზღვარი და გარემოჰვლის ნაწილსა, მხედველსა ზღჳს კიდისასა, სამხრით კერძო მთათაჲთაგან, წინაშე პირსა ბეთორონთასა სამხრით. და არს გამოსავალი მისი კარიათვაას (რომელ არს კარიათიარიმი, ქალაქი ძეთა იუდაჲსთაჲ) ესე არს ნაწილი ზღჳთ Page of ms. Ga: 335r კერძოჲ.
და ნაწილი სამხრად მიმართ კერძოჲთ კარიათვააალისაჲთ. და წარჰვლის საზღვარი გაინსა, წყაროსა თანა წყლისა ნეფონისასა.
და შთააწევს საზღვარი კერძოთა მთისათა, ესე იგი არს წინაშე პირსა აპისსა, ძისა ენნომისსა და სომნაჲსა, რომელ არს კერძოჲსაგან ემეკრაფაინისა ბღოარითგან და შთაიწევის გეონომით იევუსსა ზედა სამხრით გამო და შთააწევს ქუეყანად მიმართ როვილდ.
და წარჰვლის ვათსამსა ზედა და თანაწარჰჴდების ღალიკოლსა, რომელ არს წინაშე აღსავალსა ნათამითისასა, და შთავალს ქვასა ზედა ვეოთსა, ძისა რუბენისსა.
და გამოვალს სამხრით კერძო ვეტტანასა ჩრდილოდ მიმართ და შთაიწევის არავათსა ზედა.
და შთააწევა საზღვართა თანა სამხრით კერძო ბეთღალაჲ\სა Page of ms. Ga: 335rb ჩრდილოჲთ გამო. და არს გამოსავალი საზღვართაჲ ჴევსა თანა ზღჳსა მარილთაჲსასა ბღოარით გამო. კერძოსა იორდანისასა სამხრით გამო. ესე საზღვარნი არიან სამხრითგან.
და იორდანით საზღვარნი კერძოთა აღმოსავალისათანი. ესე არს სამკჳდრებელი ძეთა ბენიამენისთაჲ, საზღვარნი მათნი გარემოჲს ერობისაებრ მათისა.
და იყვნეს ქალაქნი ტოჰმისა ძეთა ბენიამენისთანი ერობისაებრ მათისა: იერიქოჲ და მელღალი და იავეკკათისი,
და თერავაჲ და სამვაჲ და ვესანააჲ,
და ინი და ფარაჲ და ეფრათა.
და კარეფაჲ და კაფირაჲ და მონი და ღავააჲ, -- ქალაქნი ათორმეტნი და დაბანი მათნი.
დავაოთი და რემათი და ვეიროთი,
და მასსიფაჲ და ფერირაჲ და ამუი,
და ნაკანი და დლაფანი და თარსილაჲ,
და სელალაკი და იევუსი Page of ms. Ga: 335v (რომელ არს იერუსალემი) და გაბაონი და ქალაქნი იარიმისანი, -- ქალაქნი ათსამმეტნი და დაბანი მათნი. ესე სამკჳდრებელი ძეთა ბენიამენისთაჲ ერობისაებრ მათისა.
