THT 0284

{Toch B 284\T III MQ 73.2}

m[a]ka miyästRä : su cp[i] LAkl(e) ste po LAklenta ṢArKAstRA : - - - wnolmetS\ kÜse ra tsa ksa śaiṣṣene :
m+-ka mi-yä-st+ä : su cp+ LA-kl+ ste po LA-kle-nta ṢA-rKA-stRA : (*) (*) wno-lme-tS\, kÜse ra tsa ksa śai-ṣṣe-n+ :

cmelāts Ṣärmtsa po MAskeTAR\ tne snai skloKA 2 tetemoṢAts po kest yokaiṣṣe LAkle ste : cmeTAr ka ksa
cme-lā-ts^Ṣä-rmtsa po MA-ske-TA-r^tne snai sklo-KA 2 te-te-mo-ṢA-ts^po ke-st^yo-kai-ṣṣe LA-kle ste : cme-TA-r^ka ksa

krÜi nemcek posTAṃ sruketRA : teki ktsaitSAññe cmeltse ṢArmtsa MAsketRA : kektseñ premane
krÜi ne-mce-k^po-sTAṃ sru-ke-tRA : te-ki ktsai-tSA-ññe cme-ltse ṢA-rmtsa MA-ske-tRA : ke-ktse-ñ^pre-ma-ne

tau LAklenta wä[r]pnātRA 3 lareṃnmeṃ tsrelle anaiwaccempa śmälyñe : ritoṣ wändrentse mā KAll[a]-
tau LA-kle-nta wä-pnā-tRA 3 la-reṃ-nmeṃ tsre-lle `a-nai-wa-cce-mpa śmä-lyñe : ri-to-ṣ^wä-ndre-ntse mā KA-ll+-

lle posTän nai : yainmwa wäntarwāntsä nemcek posTAṃ nkelle ste : toṃ LAklenta tne cmelants ṢArmtsa MAskentRA
lle po-sTä-n^nai : yai-n+wa wä-nta-r+ā-ntsä ne-mce-k^po-sTAṃ nke-lle ste : toṃ LA-kle-nta tne cme-la-nts^ṢA-rmtsa MA-ske-ntRA

4 mentsi ku[KA]ṢAlyñe PAlskontse ra trikalyñe : amiśKAññe ṢPA PAlwālle śle ////
4 me-ntsi ku-KA-ṢA-lyñe PA-lsko-ntse ra tri-ka-lyñe : `a-mi-śKA-ññe ṢPA PA-lwā-lle śle ////

{Toch B 284\T III MQ 73.2}

wärññai tne PAlskoṣṣāna LAklenta : [c]m(e)ltse ṢArmtsa po wärPAnantRA onolym[ī] 5 [p. kw.] ////
wä-rññai tne PA-lsko-ṣṣā-na LA-kle-nta [:] [cm+]-ltse ṢA-rmtsa po wä-rPA-na-ntRA `o-no-lym+ (*) (p+) (*) ////

kaine ŚAnmäṣlye : apsāl śakattai ṢAp ay [ṣ]esa pyāKAlyñe : aścä KArstalyñe ṢA[neṃ] ////
kai-ne ŚA-nmä-ṣlye : `a-psā-l^śa-ka-ttai ṢA-p^a-y^ṣe-sa pyā-KA-lyñe : `a-ścä KA-rsta-lyñe ṢA-[neṃ] ////

tesa wärñai no kektseñṣāna LAklenta 6 nraine LAklenta pretenne śle lwāsāne : ñäktets śamnantSA
te-sa wä-rñai no ke-ktse-ñṣā-na LA-kle-nta 6 nrai-ne LA-kle-nta pre-te-nne śle lwā-sā-ne : ñä-kte-ts^śa-mna-ntSA

kÜse ra tsa ksa śaiṣṣene : KAtkauÜ eK[MA]tte yneŚAññi kÜse LAklenta : cmelats ṢArmtsa po wärPA-
kÜse ra tsa ksa śai-ṣṣe-ne : KA-tkau-Ü\, `e-KMA-tte yne-ŚA-ññi kÜse LA-kle-nta : cme-la-ts^ṢA-rmtsa po wä-rPA-

nantRA onolmī 7 kektseñ mā takoṃ onolmentso śaiṣṣene : MAnta wärpontRA kektseñṣana
na-ntRA `o-no-lmī 7 ke-ktse-ñ^mā takoṃ `o-no-lme-ntso śai-ṣṣe-ne : MA-nta wä-rpo-ntRA ke-ktse-ñṣa-na

LAklenta : PAlsko mā tākoī PAlskoṣṣana LAklenta : cek wärñai rano MAnta takoṃ śaiṣṣene 8 tusa
LA-kle-nta : PA-lsko mā tā-ko-i\, PA-lsko-ṣṣa-na LA-kle-nta : ce-k^wä-rñai ra-no MA-nta ta-koṃ śai-ṣṣe-ne 8 tu-sa

wñawā ñäŚ\ po LAklents witSAkai : cämeL\ wätkāL\ ste mänta [n]eSAṃ aleksa : pKArso maiMAñci pikāT\
wña-wā ñä-Ś\ po LA-kle-nts^wi-tSA-kai : cä-me-L\ wä-tkā-L\ ste mä-nta [n]e-SAṃ `a-le-ksa : pKA-rso mai-MA-ñci pi-kā-T\


Copyright Jost Gippert, Frankfurt a/M 1997-2007. No parts of this document may be republished in any form without prior permission by the copyright holder.