THT 0107

{Toch B 107\T II S 54}

tāu oṅkorñ(ai) srañciyeṃ tappre kauŚ\ yeyÄ\ mā no nta totka rano parna pRAntsiTAR\ • cākKäR\ svastiK\ nandikāwarT\ ṣotruna eneṅka celeñiyenTAR\ • kentsa ipprerne maṅkāLAṣṣana ṣotruna lkoyenTAR\ || ṣaḍaP\ ṣa-
tāu oṅkorñ(ai) srañciyeṃ tappre kauŚ\ yeyÄ\ mā no nta totka rano parna pRAntsiTAR\ • cākKäR\ svastiK\ nandikāwarT\ ṣotruna eneṅka celeñiyenTAR\ • kentsa ipprerne maṅkāLAṣṣana ṣotruna lkoyenTAR\ || ṣaḍaP\ ṣa-

lywe malkwerne || ājivike upage tane tammeṃ ynemane śeM\ cau kkeṃne : PAksemane oṅkorñai lyāka tāka āktike lau mā ṣ masa : palska toyna ṣotruna śāsTArmpa ṣe rāmate istaK\ śarsa : se tā śuwaṃ oṅkorñai snai o-
lywe malkwerne || ājivike upage tane tammeṃ ynemane śeM\ cau kkeṃne : PAksemane oṅkorñai lyāka tāka āktike lau mā ṣ masa : palska toyna ṣotruna śāsTArmpa ṣe rāmate istaK\ śarsa : se tā śuwaṃ oṅkorñai snai o-

lyapo aiśamñe su yinmāṢṢAṃ : 1 || akāLKÄ(\) tSAṅkāne MAkte pi kca tā oṅkorñai ñiŚ\ śwātsi KAllālle ṣeyMä\ • ysaparsa yeyÄ\ āśirvāT\ weṣṣi teṃ epiṅktene sāÜ oṅko PAS\ pyautka • sŚArīRAṣṣe aisemeṃ mu-
lyapo aiśamñe su yinmāṢṢAṃ : 1 || akāLKÄ(\) tSAṅkāne MAkte pi kca tā oṅkorñai ñiŚ\ śwātsi KAllālle ṣeyMä\ • ysaparsa yeyÄ\ āśirvāT\ weṣṣi teṃ epiṅktene sāÜ oṅko PAS\ pyautka • sŚArīRAṣṣe aisemeṃ mu-

tkārene aise mutkāttseŚ\ po mā tsuwa naumyeṣṣe bhājaṃne ite śama • lkālṅesa ārttalñe taL[PA]ṣṣeñca tāka erene kartstsa werene kartstsa śukene kartstsa krenta ṣotrunasa ke-
tkārene aise mutkāttseŚ\ po mā tsuwa naumyeṣṣe bhājaṃne ite śama • lkālṅesa ārttalñe taL[PA]ṣṣeñca tāka erene kartstsa werene kartstsa śukene kartstsa krenta ṣotrunasa ke-

kenusa upage ājivike eṣerñāna etsuwai masa weñāmeŚ\ ṣerśkana ñiŚ\ ostameṃ ltu nesau wärpauca dakṣiṇāke • ñi ka Ṣ\ tāṃ oṅkorñai pintwāT\ peteS\ • toyÄ\ weñarene-
kenusa upage ājivike eṣerñāna etsuwai masa weñāmeŚ\ ṣerśkana ñiŚ\ ostameṃ ltu nesau wärpauca dakṣiṇāke • ñi ka Ṣ\ tāṃ oṅkorñai pintwāT\ peteS\ • toyÄ\ weñarene-

Ś\ sā oṅkorño tañÄ\ śwālya mā ste • pilycalñene lalālu laukito rṣāke tākaṃ rṣākeṃne śpālmeṃ cwi weS\ tā oṅkorñai pintwāT\ aiskem\ • upagentse mañu karstāte te ṣañÄ\ ytāri
Ś\ sā oṅkorño tañÄ\ śwālya mā ste • pilycalñene lalālu laukito rṣāke tākaṃ rṣākeṃne śpālmeṃ cwi weS\ tā oṅkorñai pintwāT\ aiskem\ • upagentse mañu karstāte te ṣañÄ\ ytāri

masa || tesakaccāmne || nānda cāla oṅkorñai nandābala tāyÄ\ ṣerśka posTAṃ msāne : maitaR\ yopaR\ warttone dakṣinākeṃ ritasi wrocceṃ rṣākeṃ : indre kārpa rṣāKaññe weṣ myāskate stām ñor cau lmoṣ lyakāre : śi-
masa || tesakaccāmne || nānda cāla oṅkorñai nandābala tāyÄ\ ṣerśka posTAṃ msāne : maitaR\ yopaR\ warttone dakṣinākeṃ ritasi wrocceṃ rṣākeṃ : indre kārpa rṣāKaññe weṣ myāskate stām ñor cau lmoṣ lyakāre : śi-

lārene oṅkarñai wñārne purwaR\ wesanmeṃ pinwāT\ rṣāka : 1|| snai epiṅkte bramnikte kārpa totka maṃtstsaŚ aśrāmne peñiyacce yaknesa lyama • ylaiñikte rṣāKAññe weṣ memisku weñāmeŚ\ ṣerśkana ñi ai-
lārene oṅkarñai wñārne purwaR\ wesanmeṃ pinwāT\ rṣāka : 1|| snai epiṅkte bramnikte kārpa totka maṃtstsaŚ aśrāmne peñiyacce yaknesa lyama • ylaiñikte rṣāKAññe weṣ memisku weñāmeŚ\ ṣerśkana ñi ai-

śceR\ ce pinwāT\ epe se ññissa śpālmeṃ tākaṃ cwi aiśceR\ • nānda nandābala weñāre se cisa śpālmeṃ tākaṃ cwi aiskeM\ • ylaiñikte bramñikteŚ\ manT\ ṣerpsame weñameŚ\ ṣerśkana saM\ rṣāke ñissa śpā-
śceR\ ce pinwāT\ epe se ññissa śpālmeṃ tākaṃ cwi aiśceR\ • nānda nandābala weñāre se cisa śpālmeṃ tākaṃ cwi aiskeM\ • ylaiñikte bramñikteŚ\ manT\ ṣerpsame weñameŚ\ ṣerśkana saM\ rṣāke ñissa śpā-

lmeṃ ste • cwim nai kala[S\] : toyÄ\ kakkāccuwa bramñikteṃŚ\ maitare wināṣṣarne oṅkarñai ṣarnene eṅkuwa weskeṃneŚ\ || ṣarmirśkeṃne || rṣāki ṣerparme twe ke śpālmeṃ rṣāke neS\ : weSAṃne palsko TAṅkwaññeñcai yneś pyā-
lmeṃ ste • cwim nai kala[S\] : toyÄ\ kakkāccuwa bramñikteṃŚ\ maitare wināṣṣarne oṅkarñai ṣarnene eṅkuwa weskeṃneŚ\ || ṣarmirśkeṃne || rṣāki ṣerparme twe ke śpālmeṃ rṣāke neS\ : weSAṃne palsko TAṅkwaññeñcai yneś pyā-

{Toch B 107\T II S 54}

mtsaR\ : purwaR\ ce pinwāT\ mā nai ñakta praṅKAsme : mai no kneTArme ritau akāLK\ laukaññe : 1 || bramñikte weñāmeŚ\ ṣerśkana: se ñisa śpālmeṃ rṣāke tākaṃ cwi aiśceR\ epe tuwaK\ ñi aiśceR\ toyÄ\ weñāre • cisa
mtsaR\ : purwaR\ ce pinwāT\ mā nai ñakta praṅKAsme : mai no kneTArme ritau akāLK\ laukaññe : 1 || bramñikte weñāmeŚ\ ṣerśkana: se ñisa śpālmeṃ rṣāke tākaṃ cwi aiśceR\ epe tuwaK\ ñi aiśceR\ toyÄ\ weñāre • cisa

kreṃnT\ KAlālyana tākaM\ cwi aiskeM\ ci eṃṣke TArkanaM\ • snai epiṅkte śuddhawāSAṣṣi ñakti rṣāKAññe weṣ yāmoṢ\ mā lauke stāna ñoR\ lymāre • bramñikte toyna weña • ṣerśkana ceyMÄ\ rṣāki ñissa śpālmeṃ stare •
kreṃnT\ KAlālyana tākaM\ cwi aiskeM\ ci eṃṣke TArkanaM\ • snai epiṅkte śuddhawāSAṣṣi ñakti rṣāKAññe weṣ yāmoṢ\ mā lauke stāna ñoR\ lymāre • bramñikte toyna weña • ṣerśkana ceyMÄ\ rṣāki ñissa śpālmeṃ stare •

tumeṃ toyÄ\ eṣerñāna oṅkorñai kamānte śuddhavāSAṣṣeŚ\ kameṃ weñārmeŚ\ maharṣinta posa kreŚ\ tākacer manT\ purwaT\ oṅkarñai • mā tākaceR\ wesi pokseS\ posa śpālmeṃ rṣāke intsu ste cwi ka Ṣ\ manT\
tumeṃ toyÄ\ eṣerñāna oṅkorñai kamānte śuddhavāSAṣṣeŚ\ kameṃ weñārmeŚ\ maharṣinta posa kreŚ\ tākacer manT\ purwaT\ oṅkarñai • mā tākaceR\ wesi pokseS\ posa śpālmeṃ rṣāke intsu ste cwi ka Ṣ\ manT\

klāskeM\ || skampaumaśśaṃśkaine || teṃ epiṅkte bodhisatve nairaṃñjaṃne : kārpa nāṣṣa lyyāsa wrenta po laikāte : ñakti arjuṃ stāM\ nemarneŚ\ cau eṅksate : nairañjaṃnmeṃ laiŚ\ wässāte
klāskeM\ || skampaumaśśaṃśkaine || teṃ epiṅkte bodhisatve nairaṃñjaṃne : kārpa nāṣṣa lyyāsa wrenta po laikāte : ñakti arjuṃ stāM\ nemarneŚ\ cau eṅksate : nairañjaṃnmeṃ laiŚ\ wässāte

kaṣār wassi : 1 || ckentse manarkaisa nyagroT\ stām ñoR\ atiyaisa lyama • śuddhavāSAṣṣi ñakti nāndai nandābalaiŚ\ weñare • saM\ rṣāke posa śpālmeṃ ste • comtsa śpālmeṃ dakṣi-
kaṣār wassi : 1 || ckentse manarkaisa nyagroT\ stām ñoR\ atiyaisa lyama • śuddhavāSAṣṣi ñakti nāndai nandābalaiŚ\ weñare • saM\ rṣāke posa śpālmeṃ ste • comtsa śpālmeṃ dakṣi-

ṇākeṃ mā KAlālyana nesceR\ cwiM\ nai tāṃ oṅkorñai kalaS\ • tumeṃ toyÄ\ kakāccuwa bodhisatveŚ\ maitare • takarṣkñesa wināṣṣarne wi eṣerñāna tāÜ oṅkarñai eṅkuwa
ṇākeṃ mā KAlālyana nesceR\ cwiM\ nai tāṃ oṅkorñai kalaS\ • tumeṃ toyÄ\ kakāccuwa bodhisatveŚ\ maitare • takarṣkñesa wināṣṣarne wi eṣerñāna tāÜ oṅkarñai eṅkuwa

bodhisatveŚ\ weskeṃ || ṣṭakkumaine || pilycalñeccu wroccu rṣāka purwaR\ wesmeṃ : śaṢKAS\ lykwarwa keklyutkusai oṅkorñai tā : ce pintwātstsa KArtstsomñenta po yātoyeŚ\ : wesi
bodhisatveŚ\ weskeṃ || ṣṭakkumaine || pilycalñeccu wroccu rṣāka purwaR\ wesmeṃ : śaṢKAS\ lykwarwa keklyutkusai oṅkorñai tā : ce pintwātstsa KArtstsomñenta po yātoyeŚ\ : wesi

rano ritau akāLK\ KAñiyoyTäR\ • 1 || wärpāte aṣañike bodhisatve nāndai nandābalaimeṃ oṅkorñai pinwāT\ • manT\ eṅkormeṃ weñāmeŚ\ ṣerśkana se nomiyeṣṣe bhājaṃ rerinu starme epe mā • toyÄ\
rano ritau akāLK\ KAñiyoyTäR\ • 1 || wärpāte aṣañike bodhisatve nāndai nandābalaimeṃ oṅkorñai pinwāT\ • manT\ eṅkormeṃ weñāmeŚ\ ṣerśkana se nomiyeṣṣe bhājaṃ rerinu starme epe mā • toyÄ\

weñāre aṣañika rerinu starme : oṅkorño eṣe nomyeṣṣe bhājaṃmpa tañ ka Ṣ\ ekalymi tākaṃ • tumeṃ aṣañike bodhisatve tāÜ oṅkarñai eneppre TAttārmeṃ śukene mā tetreṅkoṢ\ palskosa yke
weñāre aṣañika rerinu starme : oṅkorño eṣe nomyeṣṣe bhājaṃmpa tañ ka Ṣ\ ekalymi tākaṃ • tumeṃ aṣañike bodhisatve tāÜ oṅkarñai eneppre TAttārmeṃ śukene mā tetreṅkoṢ\ palskosa yke

posTAṃ wärpāte ārskormeṃ palskone yamaṣṣate se ñi posa postanu pRAthagjaññene pinwāT\ warpalñe tākaṃ • mā toT\ ñiŚ\ pintwāT\ warpalle nesau koS\sa wāsaṃ kleśanma mā wiKAskau • tumeṃ :
posTAṃ wärpāte ārskormeṃ palskone yamaṣṣate se ñi posa postanu pRAthagjaññene pinwāT\ warpalñe tākaṃ • mā toT\ ñiŚ\ pintwāT\ warpalle nesau koS\sa wāsaṃ kleśanma mā wiKAskau • tumeṃ :


Copyright Jost Gippert, Frankfurt a/M 1997-2007. No parts of this document may be republished in any form without prior permission by the copyright holder.