TITUS
Zadonshchina, v. I
Part No. 5
Previous part

Chapter: V   Link to zad2
Paragraph: 1  
Line: 14       V. уже бо стукъ стучить и громъ гремить рано пред зорею.
Line: 15    то ти не стукъ стучить ни громъ гремить, князь Володимеръ Он-
Line: 16    дрѣевич ведетъ вои свои, сторожевыя полкы, к быстрому Дону,
Line: 17    а ркучи такъ: "господине князь Дмитреи, не ослабляи. уже,
Line: 18    господине, поганыя Татарове на поля на наши наступають, а вои
Line: 19    наши отнимають."

Paragraph: 2  
Line: 20    тогда же князь великыи Дмитреи Иванович ступи во свое
Line: 21    златое стремя, всѣдъ на свои борзыи конь, приимая копие в правую
Line: 22    руку. солнце ему на встоцѣ, семтября 8 в среду на Рожество
Line: 23    прѣсвятыя Богородица, ясно свѣтить, путь емы повѣдаеть, Борисъ
Line: 24    и Глѣбъ молитву творять за сродники свои.

Paragraph: 3  
Line: 25    тогда соколи и кречати, Бѣлозерскыя ястреби, борзо за
Line: 26    Донъ перелетѣша, удариша ся на гуси и на лебеди. грянуша
Line: 27    копия харалужныя, мечи булатныя, топори Ляцкие, щиты
Line: 28    Московскыя, шеломы Нѣмецкие, боданы Бесерменьскыя. тогда
Line: 29    поля костьми насѣяны, кровьми полиано.

Paragraph: 4  
Line: 30    воды возпиша, вѣсть подаваша по рознымь землямь, за
Line: 31    Волгу, к Желѣзнымь вратомь, к Риму, до Черемисы, до Чяховъ,
Line: 32    до Ляховъ, до Устюга поганыхъ Татаръ за дышущеем моремь.

Paragraph: 5  
Line: 33       тогда же было лѣпо стару помолодити ся. хоробрыи Пересвѣт
Line: 34    поскакиваеть на своемь вѣщемь сивцѣ, свистомь поля перегороди,
Line: 35    а ркучи таково слово: "лучши бы есмя сами на свои мечи навергли
Page: 6   Line: 1    ся, нежели намъ от поганыхъ полоненым пасти." и рече
Line: 2    Ослебя брату своему Пересвѣту: "уже, брате, вижю раны на
Line: 3    сердци твоемь тяжки, уже твоеи главѣ пасти на сырую землю, на
Line: 4    бѣлую ковылу моему чаду Иякову."

Next part


This text is part of the TITUS edition of Zadonshchina, v. I.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.