TITUS
Codex Marianus
Part No. 3
Previous part

Chapter: 7 

Verse: 1  Link to gnt Link to asseman Link to zograph Link to savvina Link to rnt
   Не осѫждаите да не осѫждени бѫдете ·
   
Ⱀⰵ ⱁⱄⱘⰶⰴⰰⰻⱅⰵ ⰴⰰ ⱀⰵ ⱁⱄⱘⰶⰴⰵⱀⰻ ⰱⱘⰴⰵⱅⰵ ·


Verse: 2  Link to gnt Link to asseman Link to zograph Link to savvina Link to rnt
   
ꙇмъже бо сѫдомъ сѫдите сѫдѧтъ вамъ ·ꙇ въ нѭже {мѣрѫ} мѣрѫ мѣрите вьзмѣритъ сѧ вамъ ·
   
ⰺⰿⱏⰶⰵ ⰱⱁ ⱄⱘⰴⱁⰿⱏ ⱄⱘⰴⰻⱅⰵ ⱄⱘⰴⱔⱅⱏ ⰲⰰⰿⱏ ·ⰺ ⰲⱏ ⱀⱙⰶⰵ {ⰿⱑⱃⱘ} ⰿⱑⱃⱘ ⰿⱑⱃⰻⱅⰵ ⰲⱐⰸⰿⱑⱃⰻⱅⱏ ⱄⱔ ⰲⰰⰿⱏ ·


Verse: 3  Link to gnt Link to asseman Link to zograph Link to savvina Link to rnt
   
Что же видиши сѫчецъ въ оцѣ братра твоего · а бръвъна еже естъвъ оцѣ твоемь не чюеши · ли како речеши братроу твоемоу ·остави и изъмѫ сѫчецъ из очесе твоего · се бръвъно въ оцѣ твоемь ·
   
Ⱍⱅⱁ ⰶⰵ ⰲⰻⰴⰻⱎⰻ ⱄⱘⱍⰵⱌⱏ ⰲⱏ ⱁⱌⱑ ⰱⱃⰰⱅⱃⰰ ⱅⰲⱁⰵⰳⱁ · ⰰ ⰱⱃⱏⰲⱏⱀⰰ ⰵⰶⰵ ⰵⱄⱅⱏⰲⱏ ⱁⱌⱑ ⱅⰲⱁⰵⰿⱐ ⱀⰵ ⱍⱓⰵⱎⰻ · ⰾⰻ ⰽⰰⰽⱁ ⱃⰵⱍⰵⱎⰻ ⰱⱃⰰⱅⱃⱆ ⱅⰲⱁⰵⰿⱆ ·ⱁⱄⱅⰰⰲⰻ ⰻ ⰻⰸⱏⰿⱘ ⱄⱘⱍⰵⱌⱏ ⰻⰸ ⱁⱍⰵⱄⰵ ⱅⰲⱁⰵⰳⱁ · ⰺ ⱄⰵ ⰱⱃⱏⰲⱏⱀⱁ ⰲⱏ ⱁⱌⱑ ⱅⰲⱁⰵⰿⱐ ·


Verse: 5  Link to gnt Link to asseman Link to zograph Link to savvina Link to rnt
   
лицемѣре · ῾ꙇзьми пръвѣе бръвъно из очесе твоего · ῾ꙇ тогда оузьриши изѧти сѫчецъ из очесе братра твоего ·
   
ⰾⰻⱌⰵⰿⱑⱃⰵ · ῾ⰺⰸⱐⰿⰻ ⱂⱃⱏⰲⱑⰵ ⰱⱃⱏⰲⱏⱀⱁ ⰻⰸ ⱁⱍⰵⱄⰵ ⱅⰲⱁⰵⰳⱁ · ῾ⰺ ⱅⱁⰳⰴⰰ ⱆⰸⱐⱃⰻⱎⰻ ⰻⰸⱔⱅⰻ ⱄⱘⱍⰵⱌⱏ ⰻⰸ ⱁⱍⰵⱄⰵ ⰱⱃⰰⱅⱃⰰ ⱅⰲⱁⰵⰳⱁ ·


Verse: 6  Link to gnt Link to asseman Link to zograph Link to savvina Link to rnt
   
Не дадите с҃таго псомъ · ни помѣтаите бисьръ вашихъпрѣдъ свиньѣми · да не поперѫтъ ихъ ногами своими ·῾ꙇ вращьше сѧ растръгнѫтъ вы · ··
   
Ⱀⰵ ⰴⰰⰴⰻⱅⰵ ⱄ҃ⱅⰰⰳⱁ ⱂⱄⱁⰿⱏ · ⱀⰻ ⱂⱁⰿⱑⱅⰰⰻⱅⰵ ⰱⰻⱄⱐⱃⱏ ⰲⰰⱎⰻⱈⱏⱂⱃⱑⰴⱏ ⱄⰲⰻⱀⱐⱑⰿⰻ · ⰴⰰ ⱀⰵ ⱂⱁⱂⰵⱃⱘⱅⱏ ⰻⱈⱏ ⱀⱁⰳⰰⰿⰻ ⱄⰲⱁⰻⰿⰻ ·῾ⰺ ⰲⱃⰰⱎⱅⱐⱎⰵ ⱄⱔ ⱃⰰⱄⱅⱃⱏⰳⱀⱘⱅⱏ ⰲⱏⰹ · ··


Verse: 7  Link to gnt Link to asseman Link to zograph Link to savvina Link to rnt
   
Просите и дастъ сѧ вамъ · ῾ꙇщѣте и обрѧщете · тлъцѣте и отвръзетъ сѧ вамъ ·
   
Ⱂⱃⱁⱄⰻⱅⰵ ⰻ ⰴⰰⱄⱅⱏ ⱄⱔ ⰲⰰⰿⱏ · ῾ⰺⱎⱅⱑⱅⰵ ⰻ ⱁⰱⱃⱔⱎⱅⰵⱅⰵ · ⱅⰾⱏⱌⱑⱅⰵ ⰻ ⱁⱅⰲⱃⱏⰸⰵⱅⱏ ⱄⱔ ⰲⰰⰿⱏ ·


Verse: 8  Link to gnt Link to asseman Link to zograph Link to savvina Link to rnt
   
вьсѣкъ бо просѧи приемлетъ · ищѧи обрѣтаатъ · тлъкѫщюмоу отвръзаатъ сѧ ··
   
ⰲⱐⱄⱑⰽⱏ ⰱⱁ ⱂⱃⱁⱄⱔⰻ ⱂⱃⰻⰵⰿⰾⰵⱅⱏ · ⰺ ⰻⱎⱅⱔⰻ ⱁⰱⱃⱑⱅⰰⰰⱅⱏ · ⰺ ⱅⰾⱏⰽⱘⱎⱅⱓⰿⱆ ⱁⱅⰲⱃⱏⰸⰰⰰⱅⱏ ⱄⱔ ··


Verse: 9  Link to gnt Link to asseman Link to zograph Link to savvina Link to rnt
   
ли кто естъ отъ васъ чл҃вкъ · егоже аще проситъ сн҃ъ свои хлѣба ·еда камень подастъ емоу
   
ⰾⰻ ⰽⱅⱁ ⰵⱄⱅⱏ ⱁⱅⱏ ⰲⰰⱄⱏ ⱍⰾ҃ⰲⰽⱏ · ⰵⰳⱁⰶⰵ ⰰⱎⱅⰵ ⱂⱃⱁⱄⰻⱅⱏ ⱄⱀ҃ⱏ ⱄⰲⱁⰻ ⱈⰾⱑⰱⰰ ·ⰵⰴⰰ ⰽⰰⰿⰵⱀⱐ ⱂⱁⰴⰰⱄⱅⱏ ⰵⰿⱆ


Verse: 10  Link to gnt Link to asseman Link to zograph Link to savvina Link to rnt
   
ли аще рыбы проситъ · еда змь῾ѭ подастъ емоу ·
   
ⰾⰻ ⰰⱎⱅⰵ ⱃⱏⰹⰱⱏⰹ ⱂⱃⱁⱄⰻⱅⱏ · ⰵⰴⰰ ⰸⰿⱐ῾ⱙ ⱂⱁⰴⰰⱄⱅⱏ ⰵⰿⱆ ·


Verse: 11  Link to gnt Link to asseman Link to zograph Link to savvina Link to rnt
   
аще оубо вы лѫкавьни сѫште · оумѣете дааниѣ блага даѣти чѧдомъ вашимъ · кольми паче от҃цъ вашъ иже естъ н҃нбсехъ · дастъ благаа ̑просѧщиимъ его ·
   
ⰰⱎⱅⰵ ⱆⰱⱁ ⰲⱏⰹ ⰾⱘⰽⰰⰲⱐⱀⰻ ⱄⱘⱎⱅⰵ · ⱆⰿⱑⰵⱅⰵ ⰴⰰⰰⱀⰻⱑ ⰱⰾⰰⰳⰰ ⰴⰰⱑⱅⰻ ⱍⱔⰴⱁⰿⱏ ⰲⰰⱎⰻⰿⱏ · ⰽⱁⰾⱐⰿⰻ ⱂⰰⱍⰵ ⱁⱅ҃ⱌⱏ ⰲⰰⱎⱏ ⰻⰶⰵ ⰵⱄⱅⱏ ⱀ҃ⱀⰱⱄⰵⱈⱏ · ⰴⰰⱄⱅⱏ ⰱⰾⰰⰳⰰⰰ ̑ⱂⱃⱁⱄⱔⱎⱅⰻⰻⰿⱏ ⰵⰳⱁ ·


Verse: 12  Link to gnt Link to asseman Link to zograph Link to savvina Link to rnt
   
Вьсѣ оубо елико аще хощете да творѧтъ вамъ чл҃вци ·тако и вы творите имъ · се бо естъ законъ и пророци ·
   
Ⰲⱐⱄⱑ ⱆⰱⱁ ⰵⰾⰻⰽⱁ ⰰⱎⱅⰵ ⱈⱁⱎⱅⰵⱅⰵ ⰴⰰ ⱅⰲⱁⱃⱔⱅⱏ ⰲⰰⰿⱏ ⱍⰾ҃ⰲⱌⰻ ·ⱅⰰⰽⱁ ⰻ ⰲⱏⰹ ⱅⰲⱁⱃⰻⱅⰵ ⰻⰿⱏ · ⱄⰵ ⰱⱁ ⰵⱄⱅⱏ ⰸⰰⰽⱁⱀⱏ ⰻ ⱂⱃⱁⱃⱁⱌⰻ ·


Verse: 13  Link to gnt Link to asseman Link to zograph Link to savvina Link to rnt
   
вьнидѣте ѫзъкыми враты · ѣко пространа врата и широкъ пѫть ·въводѧи въ пагоубѫ · мъноѕи сѫтъ въходѧщи имъ ·
   
ⰲⱐⱀⰻⰴⱑⱅⰵ ⱘⰸⱏⰽⱏⰹⰿⰻ ⰲⱃⰰⱅⱏⰹ · ⱑⰽⱁ ⱂⱃⱁⱄⱅⱃⰰⱀⰰ ⰲⱃⰰⱅⰰ ⰻ ⱎⰻⱃⱁⰽⱏ ⱂⱘⱅⱐ ·ⰲⱏⰲⱁⰴⱔⰻ ⰲⱏ ⱂⰰⰳⱆⰱⱘ · ⰺ ⰿⱏⱀⱁⰷⰻ ⱄⱘⱅⱏ ⰲⱏⱈⱁⰴⱔⱎⱅⰻ ⰻⰿⱏ ·


Verse: 14  Link to gnt Link to asseman Link to zograph Link to savvina Link to rnt
   
коль ѫзъка врата и тѣснъ пѫть въводѧи въ животъ ·ꙇ мало ихъ естъ иже и обрѣтаѭтъ ·
   
ⰽⱁⰾⱐ ⱘⰸⱏⰽⰰ ⰲⱃⰰⱅⰰ ⰻ ⱅⱑⱄⱀⱏ ⱂⱘⱅⱐ ⰲⱏⰲⱁⰴⱔⰻ ⰲⱏ ⰶⰻⰲⱁⱅⱏ ·ⰺ ⰿⰰⰾⱁ ⰻⱈⱏ ⰵⱄⱅⱏ ⰻⰶⰵ ⰻ ⱁⰱⱃⱑⱅⰰⱙⱅⱏ ·


Verse: 15  Link to gnt Link to asseman Link to zograph Link to savvina Link to rnt
   
Вънемлѣте отъ лъжихъ пророкъ ·ꙇже приходѧтъ къ вамъ · въ одеждахъ овьчахъ ·вьнѫтрь же сѫтъ влъци хыштьници ·
   
Ⰲⱏⱀⰵⰿⰾⱑⱅⰵ ⱁⱅⱏ ⰾⱏⰶⰻⱈⱏ ⱂⱃⱁⱃⱁⰽⱏ ·ⰺⰶⰵ ⱂⱃⰻⱈⱁⰴⱔⱅⱏ ⰽⱏ ⰲⰰⰿⱏ · ⰲⱏ ⱁⰴⰵⰶⰴⰰⱈⱏ ⱁⰲⱐⱍⰰⱈⱏ ·ⰲⱐⱀⱘⱅⱃⱐ ⰶⰵ ⱄⱘⱅⱏ ⰲⰾⱏⱌⰻ ⱈⱏⰹⱎⱅⱐⱀⰻⱌⰻ ·


Verse: 16  Link to gnt Link to asseman Link to zograph Link to savvina Link to rnt
   
отъ плодъ ихъ познаите ѩ · еда обемлѭтъ отъ тръниѣ грозны ·ли отъ рѣпиѣ смокъви ·
   
ⱁⱅⱏ ⱂⰾⱁⰴⱏ ⰻⱈⱏ ⱂⱁⰸⱀⰰⰻⱅⰵ ⱗ · ⰵⰴⰰ ⱁⰱⰵⰿⰾⱙⱅⱏ ⱁⱅⱏ ⱅⱃⱏⱀⰻⱑ ⰳⱃⱁⰸⱀⱏⰹ ·ⰾⰻ ⱁⱅⱏ ⱃⱑⱂⰻⱑ ⱄⰿⱁⰽⱏⰲⰻ ·


Verse: 17  Link to gnt Link to asseman Link to zograph Link to savvina Link to rnt
   
тако вьсѣко дрѣво добро · плоды добры творитъ ·а зъло дрѣво плоды зълы творитъ ·
   
ⱅⰰⰽⱁ ⰲⱐⱄⱑⰽⱁ ⰴⱃⱑⰲⱁ ⰴⱁⰱⱃⱁ · ⱂⰾⱁⰴⱏⰹ ⰴⱁⰱⱃⱏⰹ ⱅⰲⱁⱃⰻⱅⱏ ·ⰰ ⰸⱏⰾⱁ ⰴⱃⱑⰲⱁ ⱂⰾⱁⰴⱏⰹ ⰸⱏⰾⱏⰹ ⱅⰲⱁⱃⰻⱅⱏ ·


Verse: 18  Link to gnt Link to asseman Link to zograph Link to savvina Link to rnt
   
не можетъ дрѣво добро плодъ золъ творити · ни дрѣво зъло плодъдобръ творити ·
   
ⱀⰵ ⰿⱁⰶⰵⱅⱏ ⰴⱃⱑⰲⱁ ⰴⱁⰱⱃⱁ ⱂⰾⱁⰴⱏ ⰸⱁⰾⱏ ⱅⰲⱁⱃⰻⱅⰻ · ⱀⰻ ⰴⱃⱑⰲⱁ ⰸⱏⰾⱁ ⱂⰾⱁⰴⱏⰴⱁⰱⱃⱏ ⱅⰲⱁⱃⰻⱅⰻ ·


Verse: 19  Link to gnt Link to asseman Link to zograph Link to savvina Link to rnt
   
вьсѣко дрѣво еже не творитъ плода{да} добра ·посѣкаѭтъ и въ огнь вьмѣтаѭтъ ·
   
ⰲⱐⱄⱑⰽⱁ ⰴⱃⱑⰲⱁ ⰵⰶⰵ ⱀⰵ ⱅⰲⱁⱃⰻⱅⱏ ⱂⰾⱁⰴⰰ{ⰴⰰ} ⰴⱁⰱⱃⰰ ·ⱂⱁⱄⱑⰽⰰⱙⱅⱏ ⰻ ⰲⱏ ⱁⰳⱀⱐ ⰲⱐⰿⱑⱅⰰⱙⱅⱏ ·


Verse: 20  Link to gnt Link to asseman Link to zograph Link to savvina Link to rnt
   
тѣмь же оубо отъ {пло}плодъ ихъ познаете ѩ ··
   
ⱅⱑⰿⱐ ⰶⰵ ⱆⰱⱁ ⱁⱅⱏ {ⱂⰾⱁ}ⱂⰾⱁⰴⱏ ⰻⱈⱏ ⱂⱁⰸⱀⰰⰵⱅⰵ ⱗ ··


Verse: 21  Link to gnt Link to asseman Link to zograph Link to savvina Link to rnt
   
Не вьсѣкъ гл҃ѧи мьнѣ · г҃и г҃и вьнидетъ въ цср҃ствие н҃ебское ·нъ творѧи волѭ от҃ца моего иже естъ н҃нбхъ ·
   
Ⱀⰵ ⰲⱐⱄⱑⰽⱏ ⰳⰾ҃ⱔⰻ ⰿⱐⱀⱑ · ⰳ҃ⰻ ⰳ҃ⰻ ⰲⱐⱀⰻⰴⰵⱅⱏ ⰲⱏ ⱌⱄⱃ҃ⱄⱅⰲⰻⰵ ⱀ҃ⰵⰱⱄⰽⱁⰵ ·ⱀⱏ ⱅⰲⱁⱃⱔⰻ ⰲⱁⰾⱙ ⱁⱅ҃ⱌⰰ ⰿⱁⰵⰳⱁ ⰻⰶⰵ ⰵⱄⱅⱏ ⱀ҃ⱀⰱⱈⱏ ·


Verse: 22  Link to gnt Link to asseman Link to zograph Link to savvina Link to rnt
   
мъноѕи бо рекѫтъ мьнѣ вь тъ день · г҃и г҃и · не въ твое ли имѧ п҃рчствовахомъ · и твоимь именемь бѣсы изгонихомъ · и твоимь именемь силы мъногы сътворихомъ ·
   
ⰿⱏⱀⱁⰷⰻ ⰱⱁ ⱃⰵⰽⱘⱅⱏ ⰿⱐⱀⱑ ⰲⱐ ⱅⱏ ⰴⰵⱀⱐ · ⰳ҃ⰻ ⰳ҃ⰻ · ⱀⰵ ⰲⱏ ⱅⰲⱁⰵ ⰾⰻ ⰻⰿⱔ ⱂ҃ⱃⱍⱄⱅⰲⱁⰲⰰⱈⱁⰿⱏ · ⰻ ⱅⰲⱁⰻⰿⱐ ⰻⰿⰵⱀⰵⰿⱐ ⰱⱑⱄⱏⰹ ⰻⰸⰳⱁⱀⰻⱈⱁⰿⱏ · ⰻ ⱅⰲⱁⰻⰿⱐ ⰻⰿⰵⱀⰵⰿⱐ ⱄⰻⰾⱏⰹ ⰿⱏⱀⱁⰳⱏⰹ ⱄⱏⱅⰲⱁⱃⰻⱈⱁⰿⱏ ·


Verse: 23  Link to gnt Link to asseman Link to zograph Link to savvina Link to rnt
   
и тогда исповѣмь имъ · ѣко николиже знахъ васъ · отидѣте отъмене дѣлаѭщ̑еи безаконие ··
   
ⰻ ⱅⱁⰳⰴⰰ ⰻⱄⱂⱁⰲⱑⰿⱐ ⰻⰿⱏ · ⱑⰽⱁ ⱀⰻⰽⱁⰾⰻⰶⰵ ⰸⱀⰰⱈⱏ ⰲⰰⱄⱏ · ⱁⱅⰻⰴⱑⱅⰵ ⱁⱅⱏⰿⰵⱀⰵ ⰴⱑⰾⰰⱙⱎⱅ̑ⰵⰻ ⰱⰵⰸⰰⰽⱁⱀⰻⰵ ··


Verse: 24  Link to gnt Link to asseman Link to zograph Link to savvina Link to rnt
   
Вьсѣкъ оубо изе слышитъ словеса моѣ си и творитъ ѣ ·оуподоблѭ и мѫжѭ мѫдроу · иже созъда храминѫ своѭ ̑на камене ·
   
Ⰲⱐⱄⱑⰽⱏ ⱆⰱⱁ ⰻⰸⰵ ⱄⰾⱏⰹⱎⰻⱅⱏ ⱄⰾⱁⰲⰵⱄⰰ ⰿⱁⱑ ⱄⰻ ⰻ ⱅⰲⱁⱃⰻⱅⱏ ⱑ ·ⱆⱂⱁⰴⱁⰱⰾⱙ ⰻ ⰿⱘⰶⱙ ⰿⱘⰴⱃⱆ · ⰻⰶⰵ ⱄⱁⰸⱏⰴⰰ ⱈⱃⰰⰿⰻⱀⱘ ⱄⰲⱁⱙ ̑ⱀⰰ ⰽⰰⰿⰵⱀⰵ ·


Verse: 25  Link to gnt Link to asseman Link to zograph Link to savvina Link to rnt
   
῾ꙇ съниде дождъ и придѫ рѣкы ·и вьзвѣашѧ в{р}ѣтри · ῾ꙇ нападѫ на хпаминѫ тѫ ·и не паде сѧ основана бо бѣ на камене ·
   
῾ⰺ ⱄⱏⱀⰻⰴⰵ ⰴⱁⰶⰴⱏ ⰻ ⱂⱃⰻⰴⱘ ⱃⱑⰽⱏⰹ ·ⰻ ⰲⱐⰸⰲⱑⰰⱎⱔ ⰲ{ⱃ}ⱑⱅⱃⰻ · ῾ⰺ ⱀⰰⱂⰰⰴⱘ ⱀⰰ ⱈⱂⰰⰿⰻⱀⱘ ⱅⱘ ·ⰻ ⱀⰵ ⱂⰰⰴⰵ ⱄⱔ ⱁⱄⱀⱁⰲⰰⱀⰰ ⰱⱁ ⰱⱑ ⱀⰰ ⰽⰰⰿⰵⱀⰵ ·


Verse: 26  Link to gnt Link to asseman Link to zograph Link to savvina Link to rnt
   
и вьсѣкъ слышѧи словеса моѣ си и не творѧи ихъ ·оуподобитъ сѧ мѫжѫ боуѭ ̑· ꙇже созъда своѭ храминѫ на пѣсъцѣ ·
   
ⰻ ⰲⱐⱄⱑⰽⱏ ⱄⰾⱏⰹⱎⱔⰻ ⱄⰾⱁⰲⰵⱄⰰ ⰿⱁⱑ ⱄⰻ ⰻ ⱀⰵ ⱅⰲⱁⱃⱔⰻ ⰻⱈⱏ ·ⱆⱂⱁⰴⱁⰱⰻⱅⱏ ⱄⱔ ⰿⱘⰶⱘ ⰱⱆⱙ ̑· ⰺⰶⰵ ⱄⱁⰸⱏⰴⰰ ⱄⰲⱁⱙ ⱈⱃⰰⰿⰻⱀⱘ ⱀⰰ ⱂⱑⱄⱏⱌⱑ ·


Verse: 27  Link to gnt Link to asseman Link to zograph Link to savvina Link to rnt
   
съниде дождъ и придѫ рѣкы и вьзвѣашѧ вѣтри и опьрѣшѧ сѧхраминѣ тои · паде сѧ · бѣ разроушение еѩ велие ѕѣло ·
   
ⰺ ⱄⱏⱀⰻⰴⰵ ⰴⱁⰶⰴⱏ ⰻ ⱂⱃⰻⰴⱘ ⱃⱑⰽⱏⰹ ⰻ ⰲⱐⰸⰲⱑⰰⱎⱔ ⰲⱑⱅⱃⰻ ⰻ ⱁⱂⱐⱃⱑⱎⱔ ⱄⱔⱈⱃⰰⰿⰻⱀⱑ ⱅⱁⰻ · ⰺ ⱂⰰⰴⰵ ⱄⱔ · ⰺ ⰱⱑ ⱃⰰⰸⱃⱆⱎⰵⱀⰻⰵ ⰵⱗ ⰲⰵⰾⰻⰵ ⰷⱑⰾⱁ ·


Verse: 28  Link to gnt Link to asseman Link to zograph Link to savvina Link to rnt
   
῾ꙇ быс̑ егда съконьча ис҃ъ вьсѣ словеса си ·дивлѣхѫ сѧ народи о оучении его ·
   
῾ⰺ ⰱⱏⰹⱄ̑ ⰵⰳⰴⰰ ⱄⱏⰽⱁⱀⱐⱍⰰ ⰻⱄ҃ⱏ ⰲⱐⱄⱑ ⱄⰾⱁⰲⰵⱄⰰ ⱄⰻ ·ⰴⰻⰲⰾⱑⱈⱘ ⱄⱔ ⱀⰰⱃⱁⰴⰻ ⱁ ⱆⱍⰵⱀⰻⰻ ⰵⰳⱁ ·


Verse: 29  Link to gnt Link to asseman Link to zograph Link to savvina Link to rnt
   
бѣ бо оучѧ ѣко власть ймы · не ѣко кънижъници ихъ и фарисѣи ·
   
ⰱⱑ ⰱⱁ ⱆⱍⱔ ⱑⰽⱁ ⰲⰾⰰⱄⱅⱐ ⰻ̆ⰿⱏⰹ · ⰺ ⱀⰵ ⱑⰽⱁ ⰽⱏⱀⰻⰶⱏⱀⰻⱌⰻ ⰻⱈⱏ ⰻ ⱇⰰⱃⰻⱄⱑⰻ ·

Next part



This text is part of the TITUS edition of Codex Marianus.

Copyright TITUS Project, Frankfurt a/M, 1.6.2018. No parts of this document may be republished in any form without prior permission by the copyright holder.