kwstyk, AMT <MN> pln{n}g krt YKOYMWNyt, LA š՚dt; bwc pšmyn', W pšmyn, <W> Line: 2 GMR՚ pšm<yn> š՚dt; W MN mwd{yn} PWN nhycyk š՚dt.
kmst p՚hn՚d TLTA ՚ngwst drwst ḴN ՚p՚yt; AMT MN kwst-I LOYŠE ՚ LOYŠE 3 ՚ngwst Line: 2 drwst, ՚p՚r̄yk AMT PSKWNt' YKOYMWNyt, š՚dt.
AMT w՚c YHSNNyt, APš kwstyk bst YKOYMWNyt, W ՚ywk-I TWḆ LAWHL ASLWNyt, W ZK Y bst Line: 2 YKOYMWNyt BRA ŠLYTWNyt, LA š՚dt.
wstlg Y dyp՚k' W stplk W plng W plnyk՚n' PWN ՚ywby՚ngh՚n'yh LA hwp; W Line: 2 pwstyn', AMT mwd ՚cš lwt YKOYMWNyt, W pšmyn <W> mwdyn W pmbkyn' W Line: 3 šnyn W ՚plyšmyn W d՚lyn' PWN špykyh š՚dt.
ALBA ՚ngwst Y špyk hnd՚c Y p՚hn՚d, MN kwst W kwst, MN gltn' OD plyk; Line: 2 W dlhn՚d, MN LOYN' W AHL, ՚nd cnd MDM bstn' š՚dt, hwp.
՚nd cnd dlhn՚d W p՚hn՚d, <W> AMT 2-twp̄' {՚ywp} <AYT> {AYT} <՚ywp> blyt YKOYMWNyt, LA š՚dt; AMT MN Line: 2 kwst-I PWN dwlm՚nk Y 2-twp̄' ptmht YKOYMWNyt, AMTc kwstyk YHSNNyt', W AMT kwstyk Line: 3 LA YHSNNyt, ADYNc wš՚tkyh {LA} YHWWNt.
AMT špyk-I Y ՚ywtwp̄ ptmht, plyk KRA 2 kwst nhwpt YKOYMWNyt, ՚š kwstyk MDM Line: 2 bst YKOYMWNyt, š՚dt.
AMT špyk 2 ptmht YKOYMWNyt, W kwstyk MDM ZK Y hcpl ASLWNȳṯ, ADYNš Line: 2 wš՚t dwb՚lšnyh l՚d wn՚s ḴN bwn.
GBRA W NYŠE, OD 15 s՚lk, ADYNš wš՚t dwb՚lšnyh LA OHDWNšn; wn՚s Y Line: 2 dl՚y՚nywdšnyh AHL MN 15 ŠNTk ḴN YHWWNt.
wn՚s Y wš՚tdwb՚lšnyh, OD 3 g՚m, KRA g՚m-I plm՚n-I; PWN ch՚lwm g՚m Line: 2 tn՚pwhl-I.
kwstyk, MNWš lyšk LOYT, š՚dt; W AMT NYŠE glyẖ ASLWNȳṯ, LA š՚dt.
՚ywmwg dwb՚lšnyh OD ALBA g՚m tn՚pwhl-I; AMT PWN HNA lwbšn', W AHL MN Line: 2 ch՚l g՚m, ՚nd cnd BRA SGYTWNyt, tn՚pwhl-I; W AMT BRA YTYBWNyt W pr՚c SGYTWNyt, Line: 3 wn՚s ZK hm, {Y} ZYš MN bwnyh; W YHWWNt MNW KRA plsng-I l՚d tn՚pwhl-I gwpt.
PWN LYLYA AMT BRA HLMWNd, špyk <W> kwstyk YHSNNšn', ME PWN tn' p՚sp՚ntl, W PWN lwb՚n' ŠPYL.
AMT LWTE špyk W kwstyk plwt HLMWN{d} <yt>, <W> LOYN' MN hwmn ašəm vohū-I BRA Line: 2 YMRRWNyt, PWN KRA wyn YATWNšn W YḆLWNšn'-I krpk Y 3 slwšwcln՚m; W HT BYN Line: 3 ZK hwmn wtyl՚n YHWWNyt, ՚š ptytykyh krt YHWWNyt.
