TITUS
Karnamag-i Ardashir-i Pabagan
Part No. 3
Previous part

Chapter: ii 
Sentence: 1    ud ǰahišn ud abāyēd-būdan rāy andar zamān ān kanīzag ābestan būd ud ardaxšīr aziš zād.
Sentence: 2    
pābag ka-š tan-bahr ud čābukīh ī ardašīr be dīd dānist ān xwamn ī-m dīd rāst būd,
Sentence: 3    
u-š ardaxšīr pad frazandīh padīrift ud grāmīg dāšt ud parward.
Sentence: 4    
ud ka ō dād ud hangām ī frahang rasīd pad dibīrīh ud aswārīh ud abārīg frahang ēdōn frahixt andar pārs nāmīg būd.
Sentence: 5    
ka ardaxšīr ō dād ī pānzdah-sālag rasīd āgāhīh ō ardawān mad pābag rāy pus-ēw ast ī pad frahang ud aswārīh frahixtag ud abāyišnīg,
Sentence: 6    
u-š nāmag ō pābag kard amā ēdōn ašnūd ašmā rāy pus-ēw ast ī abāyišnīg ud pad frahang ud aswārīh abēr frahixtag,
Sentence: 7    
u-mān kāmag ōy ō dar ī amā frēstēh ud nazdīk ī amā āyēd abāg frazandān ud wāspuhragān bawēd u-š pad frahang ī-š ast bar ud pādāšn framāyēm.
Sentence: 8    
pābag az ān čiyōn ardawān meh ud kāmgārdar būd ǰuttar kardan ud ān framān spōxtan šāyist,
Sentence: 9    
u-š andar zamān ardaxšīr ārāstag abāg dah bandag ud was tis ī abd-sahist ud sazāgwār ō pēš ardawān frēstīd.
Sentence: 10    
ud ardawān ka-š ardaxšīr dīd šād būd ud grāmīg kard,
Sentence: 11    
ud framūd harw rōz abāg frazandān ud wāspuhragān ī xwēš ō naxčīr ud čawgān šawēd, ud ardaxšīr hamgōnag kard.
Sentence: 12    
pad yazadān ayārīh pad čawgān ud aswārīh, čatrang ud nēw-ardaxšīr ud abārīg frahang az awēšān hāmōyēn čēr ud nibardag būd.
Sentence: 13    
rōz-ēw ardawān abāg aswārān ud ardaxšīr ō naxčīr šud ēstād.
Sentence: 14    
gōr-ēw andar dašt widard ud ardaxšīr ud pus ī meh ī ardawān az pas ī ān gōr taxt ud ardaxšīr andar rasīd ud tigr-ēw ēdōn ō gōr zad tigr parr pad aškamb andar šud ud dudīgar sōg widard ud gōr abar gyāg murd.
Sentence: 15    
ardawān ud aswār frāz rasīd hēnd ud ka-šān zanišn ī pad ān ēwēnag abd-sahist dīd, pursīd ēn zanišn kard?
Sentence: 16    
ardaxšīr guft man kard.
Sentence: 17    
pus ī ardawān guft , čē man kard.
Sentence: 18    
ardaxšīr xēšm grift u-š ō pus ī ardawān guft hunar ud mardānagīh pad stambagīh ud duššarmīh ud drō adādestānīhā ō xwēš kardan tuwān. ēn dašt nēk ud gōr ēdar was. man ud ēdar dudīgar uzmāyišn kunēm ud nēkīh ud badīh ud čābukīh pad dīd āwarēm.
Sentence: 19    
ardawān ān dušxwār sahist ud pas az ān ardaxšīr hišt ō asp nišastan,
Sentence: 20    
u-š ardaxšīr ō āxwarr ī stōrān frēstīd,
Sentence: 21    
ud framūd niger rōz ud šab az nazdīkīh ī stōrān ud ō naxčīr ud čawgān ud frahangestān šawēh.
Sentence: 22    
ardaxšīr dānist ardawān duščašmīh ud wad-kāmagīh rāy gōwēd,
Sentence: 23    
u-š andar zamān dādestān čiyōn būd nāmag ō pābag nibišt.
Sentence: 24    
pābag ka-š nāmag dīd andōhgēn būd,
Sentence: 25    
u-š pad passox ō ardaxšīr kard nibišt nē-dānāgīhā kard ka-t pad tis-ēw zyān aziš šāyist būdan abāg wuzurgān stēzag burd ud saxwan društēwāzīhā awiš guft.
Sentence: 26    
ud nūn-iz bōzišn pad petītīg mānag.
Sentence: 27    
hangār čē dānāgān guft ēstēd dušman pad dušman ān tuwān kardan čē adān mard az kunišn ī xwēš awiš rasēd.
Sentence: 28    
ēn-iz guft ēstēd az ān kas must-abarmānd *bāš ǰud az ōy wizīrēd.
Sentence: 29    
ud xwad dānēh ardawān abar man ud ud wasān mardōm ī andar gēhān pad tan ud gyān ud xīr ud xwāstag kāmgārdar pādixšā ast.
Sentence: 30    
ud nūn-iz handarz ī man ō ēn saxttar ēkānagīh ud framānburdārīh kunēh. xwēš tan warz ō wanybūdīh ma abespār.

Next part



This text is part of the TITUS edition of Karnamag-i Ardashir-i Pabagan.

Copyright TITUS Project, Frankfurt a/M, 1.11.2010. No parts of this document may be republished in any form without prior permission by the copyright holder.