TITUS
Denkard Book 7
Part No. 2
Previous part

Chapter: 1  

Paragraph: H   nyāyišn zarduxšt ī spitāmān ahlaw frawahr

Paragraph: 0   nūn nibēsīhēd abar warz ud xwārrah ud abdīh ī dēn ī mazdēsn waxšwar, dahišnān pahlom, yašt frawahr, spitāmān zarduxšt ān ī andar gēhān paydāgīhist ud paydāgīhist ēdar dar dah pad āgāhīh ī az abastāg, wābarīgān dēn ī ohrmazd:



Paragraph: 1     u-š ān ī pēš az zāyišn ī ēdar ō xwarrahōmand az mād

Paragraph: 2     u-š ān ī az zāyišn ī ōy warzāwand frāz madan ī-š ō ohrmazd hampursagīh.

Paragraph: 3     u-š ān ī hampursagīh frāz tā wābarīgānīh ī-š abar waxšwarīh andar gēhān, padīriftan burzāwand kaywištāsp dēn.

Paragraph: 4     u-š ān ī az ān frāz tā wihēz ī ōy abēzag ruwān ō ān ī pahlom axwān.

Paragraph: 5     u-š ān ī pas pas-iz az ān andar xwadāyīh ī rāmšāh kaywištāsp.

Paragraph: 6     u-š ān ī az ān pas tā hanǰābišn ī ērān xwadāyīh.

Paragraph: 7     u-š ān ī pas-iz az ān tā hazangrōzem ī zarduxštān sar, rasišn ī ōšīdar.

Page of ed.: 362 
Paragraph: 8     u-š ān ī pas-iz az ān tā hazangrōzem ī ōšīdarān, rasišn ī ōšīdarmāh.

Paragraph: 9     u-š ān ī pas-iz az ān tā hazangrōzem ī ōšīdarmāhān sar ud rasišn ī [rasišn ī] sōšāns.

Paragraph: 10     u-š ān ī az rasišn ī sūdōmand pērōzgar abd frašagird, tan ī pasēn, ǰud ǰud nihang-ē ī aziš.



Page of ed.: 363 
Next part


This text is part of the TITUS edition of Denkard Book 7.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.