TITUS
Handarz-i Oshnar-i Danag
Part No. 2
Previous part

Paragraph: [2]  
Sentence: 14  
   2 pyl՚yk PWN ANŠWTA՚n ẔNE ŠPYL dhyšn W Page: 2  d՚nšn {Y}.:.
   dō payrāyag pad mardōmān ēn weh: dahišn ud Page: 2  dānišn.:.

Sentence: 15  
   2 HWEd MNW NPŠE tn' {lct} +LCDr LA OḆYDWNd ՚ywk MNW drwšt ՚p̄՚cyh՚ MRYA OL AYŠ՚n LA YMRRWNyt' W dtȳḵl MNW MN SLYtl՚n MNDOM LA BOYHWNyt.:.
   dō hēnd, kē xwēš tan tar nē kunēnd: ēk, kē društ āwāzīhā saxwan ō kasān nē gōwēd, ud dudīgar, kē az wattarān tis nē xwāhēd.:.

Sentence: 16  
   2 HWEd MNW hmw՚l z՚hl PWN LBBME LMYTWNt Y̱ḴOYMWNyt ՚ywk dlgwš MNW KRA MNDOM PWN nyd՚c BOYHWNyt W dtȳḵl p՚thš՚ Y tnd n՚cwk
   dō hēnd, kē hamwār zahr pad dil abgand ēstēd: ēk driyōš, kē harw tis pad niyāz xwāhēd, ud dudīgar pādixšā ī tund nāzuk.:.

Sentence: 17  
   2 MNDOM gl՚nmȳḵtl YHSNNšn' ՚ywk dlgwš-1 r՚st dtȳḵl p՚thš՚-1 {nyh՚n'-1} +nyh՚nȳḵ bwlt.:.
   dō tis garānmīgdar dārišn: ēk driyōš-ē rāst, dudīgar pādišxā-ē nihānīg burd.:.

Sentence: 18  
   MN ẔNE 2 MNDOM wyš scyt hndyšytn' ՚ywk MN wn՚s W dtȳḵl MN SLYtl՚n.:.
   az ēn dō tis wēš sazēd handēšīdan: ēk az wināh ud dudīgar az wattarān

Sentence: 19  
   MN ẔNE 2 MNDOM šlm LA ՚p̄՚yt krtn' ՚ywk MN wym՚lyh W dtȳḵl MN hwyš՚wnd Y dlgwš.:.
   az ēn dō tis šarm nē abāyēd kardan: ēk az wēmārīh ud dudīgar az xwēšāwand ī driyōš.:.

Sentence: 20  
   2 HWEd MNW ḆY̱N {՚wb՚m-1} +՚wb՚m Y SLYA ՚s՚nyh ՚ywk dyl Y d՚n՚k MNW d՚n՚kyh W plc՚nkyh l՚d MNDOM PWN MNDOMc MNDOM LA YHSNNyt W lnck LA YHWWNyt ՚ywk dwš՚k՚s MNW dwš՚k՚syh l՚d MNDOM PWN MNDOMyc MNDOM LA YHSNNyt <W> lnck Page: 3  LA YHWWNyt.:.
   dō hēnd, kē andar āwām ī wad āsānīh: ēk dil ī dānāg, kē dānāgīh ud frazānagīh rāy tis pad tis-iz tis nē dārēd ud ranjag nē bawēd.:. ēk dušāgāh, kē dušāgāhīh rāy tis pad tis-iz tis nē dārēd <ud> ranjag Page: 3  nē bawēd.:.

Sentence: 21  
   2 HWEd MNW hmyšk' tnd ՚ywk twhš՚k GBRA W ՚ywk MNW MN MNDOM Y ՚p̄synt l՚mšn.:.
   dō hēnd, kē hamēšag tund: ēk tuxšāg mard ud ēk, kē az tis ī apassend rāmišn

Sentence: 22  
   2 HWEd MNW dwšmn wyš AYK ZḴ Y scyt YHWWNt ՚ywk mynyt՚l GBRA MNW NPŠE tn' ՚cpl p՚dk Y NPŠE mynyt W d՚lyt W ՚ywk ptkwptk' GBRA MNW PWN KRA MNDOM ptkwpyt.:.
   dō hēnd, kē dušman wēš kū ān, ī sazēd būd: ēk menīdār mard, kē xwēš tan azabar pāyag ī xwēš menēd ud dārēd, ud ēk pahikōftag mard, kē pad harw tis pahikōbēd.:.

Sentence: 23  
   2 MNDOM l՚d MN NPŠE tn' dwl LA ՚p̄՚yt d՚štn' ՚ywk hym Y nywk W dtȳḵl hlt.:.
   dō tis rāy az xwēš tan dūr nē abāyēd dāštan: ēk xēm ī nēk ud dudīgar xrad

Next part


This text is part of the TITUS edition of Handarz-i Oshnar-i Danag.

Copyright TITUS Project, Frankfurt a/M, 7.8.2010. No parts of this document may be republished in any form without prior permission by the copyright holder.