TITUS
Book: Hand.Oshn.Dan. 
Handarz ī Ōšnar ī dānāg


On the basis of the edition by
Ervad Bamanji Nasarvanj Dhabar,
Andarj-i Aōshnar-i Dānāk,
Bombay, 1930

transliterated and transcribed by Thomas Jügel,
Frankfurt 2008;
TITUS version by Jost Gippert,
Frankfurt, 6.8.2010



{...} = zu tilgen (bei Korrekturen wird die vermutlich fehlerhafte Originalschreibung in geschwungenen Klammern angeführt und danach durch ein + gekennzeichnet korrigiert aufgeführt);
<...> = hinzugefügt;
[ Zahl ] = Lücke mit der Anzahl der Auslassungspunkte von Dhabar;
[!] = bestätigt eine irreguläre Schreibung, die nicht emendiert wurde.

[Enumeration of paragraphs of Dhabarʼs edition added. J.G.]




Page: 1 
hndlc Y ՚wšnl Y d՚n՚k
handarz ī Ōšnar ī dānāg


Paragraph: [1]  
Sentence: 1  
   pwrsyt hš՚krt ՚wšnl Y d՚n՚k AYK ՚ywk OD 1000 KRA m՚lȳḵ HNE l՚y s՚n-1 PWN pl՚hng BRA YMRRWN.:.
   pursīd hasāgird Ōšnar ī dānāg kū: ēk tā hazār harw mārīg, ēd rāy sān-ē pad frahang be gōw .:.

Sentence: 2  
   ՚wšnl gwpt pltwm hwnl PWN ANŠWTA՚n xlt ŠPYL.:.
   Ōšnar guft: fradom hunar pad mardōmān xrad weh .:.

Sentence: 3  
   ՚ywk PWN krtn' KRA k՚l MNW pšym՚n LA YHWWNyt krpk
   ēk pad kardan harw kār, kē pašēmān nē bawēd, kirbag .:.

Sentence: 4  
   ՚ywk PWN krtn' KRA k՚l {m՚twlyh՚twm} +m՚tkwlyh՚twm MNDOM twxš՚kyh.:.
   ēk pad kardan harw kār mādagwarīhā-dom tis tuxšāgīh .:.

Sentence: 5  
   W ՚ywk PWN mltwm՚n plhwyh՚twm MNDOM d՚nšn W dhyšn.:.
   ud ēk pad mardōmān farroxīhādom tis dānišn ud dahišn .:.

Sentence: 6  
   W ՚ywk MNDOM Y ՚n՚kyh MNW MN KRA ՚n՚kyh-1 dwšhw՚ltwm nhwptn' LA š՚yt dlgwšyh.:.
   ud ēk tis ī anāgīh, kē az harw anāgīh-ē dušxwārdom nihuftan nē šāyēd, driyōšīh.:.

Sentence: 7  
   W ՚ywk MNDOM <MNš> YHWWNtn' LA š՚yt kwnšn Y NPŠE
   ud ēk tis, <az-iš> būdan nē šāyēd, kunišn ī xwēš.:.

Sentence: 8  
   W ՚ywk LWTE KRA MNDOM gwmyht Y̱ḴOYMWNyt pls՚wndyh.:.
   ud ēk abāg harw tis gumēxt ēstēd: frasāwandīh.:.

Sentence: 9  
   W ՚ywk MN KRA tycyh-1 tyctwm k՚mk Y hyšm.:.
   ud ēk az harw tēzīh-ē tēzdom: kāmag ī xēšm.:.

Sentence: 10  
   W ՚ywk MNDOM Y MN KRA t՚lȳḵyh t՚lȳḵtl dwš՚k՚syh.:.
   ud ēk tis, ī az harw tārīgīh tārīgdar, dušāgāhīh.:.

Sentence: 11  
   W ՚ywk bnd-1 Y MN KRA bnd-1 s՚httl wln'.:.
   ud ēk band-ē, ī az harw band-ē saxttar, waran.:.

Sentence: 12  
   W ՚ywk ՚s՚nȳḵ-1 MN KRA ՚s՚nyh-1 ՚s՚ntwm hwnsn'dyh.:.
   ud ēk āsānīg-ē az harw āsānīh-ē āsāndom: hunsandīh.:.

Sentence: 13  
   W ՚ywk r՚s Y OL whšt OZLWNtn' wylwyšn [!] Y r՚st kwnšn Y nywk.:.
   ud ēk rāh, ī ō wahišt šudan, wirrōyišn ī rāst kunišn ī nēk.:.

Next part


This text is part of the TITUS edition of Handarz-i Oshnar-i Danag.

Copyright TITUS Project, Frankfurt a/M, 7.8.2010. No parts of this document may be republished in any form without prior permission by the copyright holder.