TITUS
Text Collection: Avest. 
Avesta Corpus


On the basis of the editions by
K.F. Geldner,
Avesta.
The Sacred Books of the Parsis,
Stuttgart 1889-96;
N.L. Westergaard,
Zendavesta or The Religious Books of the Zoroastrians,
Copenhagen 1852-54
and others
electronically prepared by
Sonja Fritz, Berlin 1985-1988;
corrections and additions by
J. Gippert, H. Kumamoto, M. de Vaan
and others, 1989-1997;
TITUS version by Jost Gippert,
Frankfurt a/M, 15.7.1996 / 28.2.1998 / 22.6.1998 / 15.3.2000 / 1.6.2000 / 9.12.2008



This is a preliminary edition. An extended version containing variant readings etc. is under preparation. JG

Marking conventions:
   ^ "Additions and corrections" as collected in Geldner's edition;
   ՚ other corrections as against Geldner's text.




Book: Y 
Yasna


On the basis of the edition Geldner 1896.


As against Geldner's edition, lines are arranged according to metrical or syntactical structures throughout.


Chapter: 0 
Paragraph: 1 
Verse: Q1Aa    aṣ̌əm. vohū. (yak. u. si. bār.) vahištəm. astī::
Verse: Q1Ab    uštā. astī. uštā. ahmāi.
Verse: Q1Ac    hiiat̰. aṣ̌āi. vahištāi. aṣ̌əm.::

Verse: Q1Ba    aṣ̌əm. vohū. vahištəm. astī::
Verse: Q1Bb    uštā. astī. uštā. ahmāi.
Verse: Q1Bc    hiiat̰. aṣ̌āi. vahištāi. aṣ̌əm.::

Verse: Q1Ca    aṣ̌əm. vohū. vahištəm. astī::
Verse: Q1Cb    uštā. astī. uštā. ahmāi.
Verse: Q1Cc    hiiat̰. aṣ̌āi. vahištāi. aṣ̌əm.::

Verse: Q1Da    aṣ̌əm. vohū. vahištəm. astī::
Verse: Q1Db    uštā. astī. uštā. ahmāi.
Verse: Q1Dc    hiiat̰. aṣ̌āi. vahištāi. aṣ̌əm.::

Verse: a    frauuarāne.2 mazdaiiasnō. zaraϑuštriš. vīdaēuuō. ahura.t̰kaēṣ̌ō::3
Verse: b       hāuuanə̄e. aṣ̌aone. aṣ̌ahe. raϑβe.
Verse: c          yasnāica. vahmāica. xṣ̌naoϑrāica. frasastaiiaēca::
Verse: d       sāuuaŋhə̄e. vīsiiāica. aṣ̌aone. aṣ̌ahe. raϑβe.
Verse: e          yasnāica. vahmāica. xṣ̌naoϑrāica. frasastaiiaēca.4::

Paragraph: 2 
Verse: a       āϑrō. ahurahe. mazdā̊. puϑrahe.1
Verse: b          tauua. ātarš.2 puϑra. ahurahe. mazdā̊.3
Verse: c             xṣ̌naoϑra. yasnāica. vahmāica. xṣ̌naoϑrāica. frasastaiiaēca.4::

Paragraph: 3 
Verse: Q1a    yaϑā. ahū. vairiiō.
Verse: Q1b       zaotā. frā. mē. mrūtē::
Verse: Q1c    aϑā. ratuš. aṣ̌āt̰cīt̰. haca.1
Verse: Q1d       frā. aṣ̌auua. vīδuuā̊. mraotū.2::

Verse: Q2Aa    aṣ̌əm. vohū. (si. bār.) vahištəm. astī::
Verse: Q2Ab    uštā. astī. uštā. ahmāi.
Verse: Q2Ac    hiiat̰. aṣ̌āi. vahištāi. aṣ̌əm.::

Verse: Q2Ba    aṣ̌əm. vohū. vahištəm. astī::
Verse: Q2Bb    uštā. astī. uštā. ahmāi.
Verse: Q2Bc    hiiat̰. aṣ̌āi. vahištāi. aṣ̌əm.::

Verse: Q2Ca    aṣ̌əm. vohū. vahištəm. astī::
Verse: Q2Cb    uštā. astī. uštā. ahmāi.
Verse: Q2Cc    hiiat̰. aṣ̌āi. vahištāi. aṣ̌əm.::


Verse: Q3Aa    yaϑā. ahū. vairiiō. (du. bār.)   aϑā. ratuš. aṣ̌āt̰cīt̰. hacā.
Verse: Q3Ab    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q3Ac    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q3Ba    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q3Bb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q3Bc    xšaϑrəmcā. ahurāi.ā.   yim. drigubiiō. dadat̰. vāstārəm.::


Paragraph: 4 
Verse: a    1frastuiie. humatōibiiascā. hūxtōibiiascā. huuarštōibiiascā.
Verse: b       mąϑβōibiiascā. vaxəδβōibiiascā.2 varštuuōibiiascā::
Verse: c    aibigairiiā.3 daiϑē. vīspā. humatācā. hūxtācā. huuarštācā::
Verse: d    paitiriciiā.4 daiϑē. vīspā. dušmatācā. dužūxtācā.5 dužuuarštācā.::

Paragraph: 5 
Verse: a    fərā. və̄. rāhī.1 aməṣ̌ā.2 spəṇtā. yasnəmcā. vahməmcā.
Verse: b       fərā.3 manaŋhā.
Verse: c       fərā. vacaŋhā.
Verse: d       fərā. š́iiaoϑanā.4
Verse: e       fərā. aŋhuiiā.5
Verse: f       fərā. tanuuascīt̰. xvax́iiā̊. uštanəm.::

Paragraph: 6 
Verse: a    staomī.1 aṣ̌əm::

Verse: Q1Aa    aṣ̌əm. vohū. vahištəm. astī::
Verse: Q1Ab    uštā. astī. uštā. ahmāi.
Verse: Q1Ac    hiiat̰. aṣ̌āi. vahištāi. aṣ̌əm. (si. bār.) ::

Verse: Q1Ba    aṣ̌əm. vohū. vahištəm. astī::
Verse: Q1Bb    uštā. astī. uštā. ahmāi.
Verse: Q1Bc    hiiat̰. aṣ̌āi. vahištāi. aṣ̌əm.::

Verse: Q1Ca    aṣ̌əm. vohū. vahištəm. astī::
Verse: Q1Cb    uštā. astī. uštā. ahmāi.
Verse: Q1Cc    hiiat̰. aṣ̌āi. vahištāi. aṣ̌əm.::

Paragraph: 7  {~ Y. 27,12}
Verse: a    1frauuarāne. mazdaiiasnō. zaraϑuštriš. vīdaēuuō.2 ahura.t̰kaēṣ̌ō::
Verse: b       hāuuanə̄e. aṣ̌aone. aṣ̌ahe. raϑβe.
Verse: c          yasnāica. vahmāica. xṣ̌naoϑrāica. frasastaiiaēca::
Verse: d       sāuuaŋhə̄e.3 vīsiiāica. aṣ̌aone. aṣ̌ahe. raϑβe.
Verse: e          yasnāica. vahmāica. xṣ̌naoϑrāica. frasastaiiaēca::4
Verse: f       raϑβąm. aiiaranąmca. asniianąmca.
Verse: g       māhiianąmca. yāiriianąmca. sarəδanąmca.
Verse: h          yasnāica. vahmāica. xṣ̌naoϑrāica. frasastaiiaēca.::

Paragraph: 8 
Verse: a       1ahurahe. mazdā̊. raēuuatō. xvarənaŋuhatō.2
Verse: b       aməṣ̌anąm. spəṇtanąm.3
Verse: c       miϑrahe. vouru.gaoiiaotōiš.4
Verse: d       rāmanasca. xvāstrahe::

Paragraph: 9 
Verse: a       huuarəxṣ̌aētahe.1 aməṣ̌ahe. raēuuahe. auruuat̰.aspahe::
Verse: b       vaiiaoš. uparō.kairiiehe. taraδātō.2 aniiāiš. dāmąn::
Verse: c    *aētat̰. tē. vaiiō.
Verse: d          yat̰. tē. asti. spəṇtō.mainiiaom::*
Verse: e       razištaiiā̊. cistaiiā̊. mazdaδātaiiā̊.
Verse: f       aṣ̌aoniiā̊. daēnaiiā̊. vaŋhuiiā̊. māzdaiiasnōiš::

Paragraph: 10 
Verse: a       mąϑrahe. spəṇtahe. aṣ̌aonō. vərəziiaŋuhahe.1
Verse: b       dātahe. vīdaēuuahe.
Verse: c       dātahe. zaraϑuštrōiš.
Verse: d       darəγaiiā̊. upaiianaiiā̊.2
Verse: e       daēnaiiā̊. vaŋhuiiā̊. māzdaiiasnōiš.
Verse: f       zarazdātōiš.3 mąϑrahe. spəṇtahe::
Verse: g    *uṣ̌i.darəϑrəm.4 daēnaiiā̊. māzdaiiasnōiš.
Verse: h    vaēδīm. mąϑrahe. spəṇtahe::*
Verse: i       āsnahe. xraϑβō. mazdaδātahe.
Verse: j       gaoṣ̌ō.srūtahe. xraϑβō. mazdaδātahe::

Paragraph: 11 
Verse: a       āϑrō. ahurahe. mazdā̊. puϑrahe.1
Verse: b          tauua. ātarš. puϑra. ahurahe. mazdā̊. mat̰. vīspaēibiiō. ātərəbiiō::2
Verse: c       garōiš. uṣ̌i.darənahe.3 mazdaδātahe. aṣ̌axvāϑrahe::

Paragraph: 12 
Verse: a       vīspaēṣ̌ąm. yazatanąm. aṣ̌aonąm. mainiiauuanąm. gaēϑiianąm::1
Verse: b       aṣ̌āunąm.2 frauuaṣ̌inąm. uγranąm. aiβiϑūranąm.
Verse: c       paoiriiō.t̰kaēṣ̌anąm. frauuaṣ̌inąm.
Verse: d       nabānazdištanąm. frauuaṣ̌inąm.
Verse: e          xṣ̌naoϑra. yasnāica. vahmāica. xṣ̌naoϑrāica. frasastaiiaēca.::

Paragraph: 13  {~ Y. 3,25}
zōt̰.::
Verse: Q1a    yaϑā. ahū. vairiiō.
Verse: Q1b       zaotā. frā.mē. mrūtē:: rāspī
Verse: Q1c    yaϑā. ahū. vairiiō.
Verse: Q1d       yō. zaotā. frā.mē. mrūtē::2 zōt̰
Verse: Q1c    aϑā. ratuš. aṣ̌āt̰cīt̰. haca.
Verse: Q1d       frā. aṣ̌auua. vīδuuā̊. mraotū.::

Verse: Q2Aa    aṣ̌əm. vohū. (si. bār.) vahištəm. astī::
Verse: Q2Ab    uštā. astī. uštā. ahmāi.
Verse: Q2Ac    hiiat̰. aṣ̌āi. vahištāi. aṣ̌əm.::

Verse: Q2Ba    aṣ̌əm. vohū. vahištəm. astī::
Verse: Q2Bb    uštā. astī. uštā. ahmāi.
Verse: Q2Bc    hiiat̰. aṣ̌āi. vahištāi. aṣ̌əm.::

Verse: Q2Ca    aṣ̌əm. vohū. vahištəm. astī::
Verse: Q2Cb    uštā. astī. uštā. ahmāi.
Verse: Q2Cc    hiiat̰. aṣ̌āi. vahištāi. aṣ̌əm.::

Paragraph: 14 
Verse: a    1xṣ̌naoϑra. ahurahe. mazdā̊.
Verse: b       tarōidīte.2 aŋrahe. mainiiə̄uš::3
Verse: c          haiϑiiāuuarštąm.4 hiiat̰.5 vasnā. fəraṣ̌ōtəməm.6::

Verse: Q1Aa    aṣ̌əm. vohū. (si. bār.) vahištəm. astī::
Verse: Q1Ab    uštā. astī. uštā. ahmāi.
Verse: Q1Ac    hiiat̰. aṣ̌āi. vahištāi. aṣ̌əm.::

Verse: Q1Ba    aṣ̌əm. vohū. vahištəm. astī::
Verse: Q1Bb    uštā. astī. uštā. ahmāi.
Verse: Q1Bc    hiiat̰. aṣ̌āi. vahištāi. aṣ̌əm.::

Verse: Q1Ca    aṣ̌əm. vohū. vahištəm. astī::
Verse: Q1Cb    uštā. astī. uštā. ahmāi.
Verse: Q1Cc    hiiat̰. aṣ̌āi. vahištāi. aṣ̌əm.::


Paragraph: 15 
Verse: Q1Aa    1yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Ab    vaŋhə̄uš. dazdā. manaŋhō.   š́iiaoϑananąm.2 aŋhə̄uš. mazdāi.
Verse: Q1Ac    xṣ̌aϑrəmcā. ahurāi.ā.   yim.3 drigubiiō.4 dadat̰.5 vāstārəm. (čihār. bār.) ::::

Verse: Q1Ba    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Bb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Bc    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q1Ca    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Cb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Cc    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q1Da    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Db    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Dc    xšaϑrəmcā. ahurāi.ā.   yim. drigubiiō. dadat̰. vāstārəm.::



Next part


This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.