TITUS
White Yajur-Veda: Paraskara-Grhya-Sutra
Part No. 3
Previous part

Khanda: 3 
Sentence: 1    ṣaḍargʰyā bʰavantyācārya r̥tvigvaivāhyo rājā priyaḥ snātaka iti \1\
Sentence: 2    pratisaṃvatsarānarhayeyuḥ \2\
Sentence: 3    yakṣyamāṇāstvr̥tvijaḥ \3\
Sentence: 4    āsanamāhāryāha sādʰu bʰavānāstāmarcayiṣyāmo bʰavantamiti \4\
Sentence: 5    āharanti viṣṭaraṃ padyaṃ pādārtʰamudakamargʰamācamanīyaṃ madʰuparkaṃ dadʰimadʰugʰr̥tamapihitaṃ kāṃsye kāṃsyena \5\
Sentence: 6    anyastristriḥ prāha viṣṭarādīni \6\
Sentence: 7    viṣṭaraṃ pratigr̥hṇāti \7\
Sentence: 8    varṣmo 'smi samānānāmudyatāmiva sūryaḥ \ imaṃ tamabʰitiṣṭʰāmi yo mā kaścābʰidāsatītyenamabʰyupaviśati \8\
Sentence: 9    pādayoranyaṃ viṣṭara āsīnāya \9\
Sentence: 10    savyaṃ pādaṃ prakṣālya dakṣiṇaṃ prakṣālayati \10\
Sentence: 11    brāhmaṇaśceddakṣiṇaṃ pratʰamam \11\
Sentence: 12    virājo doho 'si virājo dohamaśīya mayi pādyāyai virājo doha iti \12\
Sentence: 13    argʰaṃ pratigr̥hṇātyāpaḥ stʰa yuṣmābʰiḥ sarvānkāmānavāpnavānīti \13\
Sentence: 14    ninayannabʰimantrayate samudraṃ vaḥ prahiṇomi svāṃ yonimabʰigaccʰata \ ariṣṭā asmākaṃ vīrā mā parāsecimatpaya iti \14\
Sentence: 15    ācāmatyāmāganyaśasā saṃsr̥ja varcasā \ taṃ mā kuru priyaṃ prajānāmadʰipatiṃ paśūnāmariṣṭiṃ tanūnāmiti \15\
Sentence: 16    mitrasya tveti madʰuparkaṃ pratīkṣate \16\
Sentence: 17    devasya tveti pratigr̥hṇāti \17\
Sentence: 18    savye pāṇau kr̥tvā dakṣiṇasyānāmikayā triḥ prayauti namaḥ śyāvāsyāyānnaśane yatta āviddʰaṃ tatte niṣkr̥ntāmīti \18\
Sentence: 19    anāmikāṅguṣṭʰena ca trirnirukṣayati \19\
Sentence: 20    tasya triḥ prāśnāti yanmadʰuno madʰavyaṃ paramaṃ rūpamannādyam \ tenāhaṃ madʰuno madʰavyena parameṇa rūpeṇānnādyena paramo madʰavyo 'nnādo 'sānīti \20\
Sentence: 21    madʰumatībʰirvā pratyr̥cam \21\
Sentence: 22    putrāyāntevāsine vottarata āsīnāyoccʰiṣṭaṃ dadyāt \22\
Sentence: 23    sarvaṃ vā prāśnīyāt \23\
Sentence: 24    prāgvā 'sañcare ninayet \24\
Sentence: 25    ācamya prāṇāntsaṃmr̥śati vāṅma āsye nasoḥ prāṇo 'kṣṇoścakṣuḥ karṇayoḥ śrotraṃ bāhvorbalamūrvorojo 'riṣṭāni me 'ṅgāni tanūstanvā me saheti \25\
Sentence: 26    ācāntodakāya śāsamādāya gauriti triḥ prāha \26\
Sentence: 27    pratyāha \ mātā rudrāṇāṃ duhitā vasūnāṃ svasādityānāmamr̥tasya nābʰiḥ \ pranuvocañcikituṣe janāya māgāmanāgāmaditiṃ vadʰiṣṭa \ mama cāmuṣya ca pāpmānaṃ hanomīti yadyālabʰeta \27\
Sentence: 28    atʰa yadyutsisr̥kṣenmama cāmuṣya ca pāpmā hata omutsr̥jata tr̥ṇānyattviti brūyāt \28\
Sentence: 29    na tvevāmāṃso 'rgʰaḥ syāt \29\
Sentence: 30    adʰiyajñamadʰivivāhaṃ kurutetyeva brūyāt \30\
Sentence: 31    yadyapyasakr̥tsaṃvatsarasya somena yajeta kr̥tārgʰyā evainaṃ yājayeyurnākr̥tārgʰyā iti śruteḥ \31\ \\3\\

Next part


This text is part of the TITUS edition of White Yajur-Veda: Paraskara-Grhya-Sutra.

Copyright TITUS Project, Frankfurt a/M, 22.4.2012. No parts of this document may be republished in any form without prior permission by the copyright holder.