TITUS
Black Yajur-Veda: Maitrayani-Samhita
Part No. 3
Previous part

Prapathaka: 3  
Anuvaka: 1  
Line : 12  Pada: a     havíṣmatīr imā́ ā́po havíṣmān devó adʰvaráḥ /

Line : 13  Pada: b     havíṣmaṃ ā́vivāsati havíṣmaṃ astu sū́ryaḥ //

Page: 29  
Line : 1  Pada: c     agnér vó 'pannagr̥hasya sádasi sādayāmi

Pada: d     devā́nāṃ bʰāgadʰéyīḥ stʰa \

Pada: e     indrāgnyór bʰāgadʰéyīḥ stʰa

Line : 2  Pada: f     mitrā́váruṇayor bʰāgadʰéyīḥ stʰa

Pada: g     víśveṣāṃ * devā́nāṃ bʰāgadʰéyīḥ stʰa
      FN Correcturen und Conjecturen zu dem ganzen Werk.

Line : 3  Pada: h     súmnāyuvaḥ sumnyā̀ya * sumnáṃ dʰatta //
      FN Correcturen und Conjecturen zu dem ganzen Werk.

Line : 4  Pada: i     hr̥dé tvā

Pada: j     mánase tvā

Pada: k     divé tvā

Pada: l     sū́ryāya tvā /

Line : 5  Pada: m     ūrdʰvám imám adʰvaráṃ diví devéṣu hótrā yacʰa //

Line : 6  Pada: n     śr̥ṇótv agníḥ samídʰā hávaṃ me śr̥ṇvántv ā́po dʰiṣáṇāś ca devī́ḥ * /
      FN cf. 4.5.2:64.11: dʰiṣáṇā ca devī́ti

Line : 7  Pada: o     śr̥ṇóta grāvāṇo vidúṣo nú yajñám̐ śr̥ṇótu deváḥ savitā́ hávaṃ me //

Line : 8  Pada: p     dévīr āpo apāṃ nāpād yá ūrmír haviṣyà indriyā́vān madíntamas táṃ devébʰyaḥ śukrapébʰyo dāta yéṣāṃ bʰāgáḥ stʰa svā́hā

Line : 9  Pada: q     kā́rṣy asi

Pada: r     samudrásya vó 'kṣityā únnaye

Line : 10  Pada: s     vásūnām̐ rudrā́ṇām ādityā́nāṃ pannéjanīḥ stʰa

Pada: t     vásavo rúdrā ā́dityā etā vaḥ pannéjanīḥ

Line : 11  Pada: u     samudráṃ gandʰarveṣṭʰā́m anvā́tiṣṭʰata vā́tasya pátmaneḍitā́

Line : 12  Pada: v     vāmī́ te saṃdŕ̥śi víśvam̐ réto dʰeṣīya táva vāmī́r ánu saṃdŕ̥śi //

Page: 30  
Line : 1  Pada: w     yám agne pr̥tsú mártyam ávā vā́jeṣu yáṃ junā́ḥ /

Line : 2  Pada: x     sá yántā śáśvatīr íṣaḥ //

Line : 3  Pada: y     júṣṭo vācó bʰūyā́sam \

Pada: z     júṣṭo vācáspátis \

Pada: aa     yád vācó mádʰumat tásmai svā́hā

Line : 4  Pada: ab     svā́hā sárasvatyai //


Anuvaka: 2  
Line : 5  Pada: a     nigrābʰyā̀ḥ stʰa devaśrútas

Pada: b     tarpáyata mā \

Pada: c     ā́yur me tarpayata

Pada: d     tarpáyata mā

Line : 6  Pada: e     prāṃáṃ me tarpayata

Pada: f     tarpáyata mā \

Pada: g     apānáṃ me tarpayata

Pada: h     tarpáyata mā

Pada: i     vyānáṃ me tarpayata

Line : 7  Pada: j     tarpáyata mā

Pada: k     cákṣur me tarpayata

Pada: l     tarpáyata mā

Pada: m     śrótraṃ me tarpayata

Line : 8  Pada: n     tarpáyata mā

Pada: o     máno me tarpayata

Pada: p     tarpáyata mā

Pada: q     vā́cam me tarpayata

Line : 9  Pada: r     tarpáyata mā \

Pada: s     ātmā́naṃ me tarpayata

Pada: t     tarpáyata mā

Pada: u     prajā́ṃ me tarpayata

Pada: v     tarpáyata mā

Line : 10  Pada: w     gr̥hā́n me tarpayata

Pada: x     tarpáyata mā

Pada: y     paśū́n me tarpayata

Pada: z     tarpáyata mā

Pada: aa     gaṇaír mā mā́ vítītr̥ṣata

Line : 11  Pada: ab     tarpáyata mā //


Anuvaka: 3  
Line : 12  Pada: a     devásya tvā savitúḥ prasavè 'śvínor bāhúbʰyāṃ pūṣṇó hástābʰyām ā́dade

Line : 13  Pada: b     grā́vāsy adʰvarakŕ̥d devébʰyas \

Pada: c     gabʰīrám imám adʰvaráṃ kr̥dʰi //

Line : 14  Pada: d     índrāya tvā suṣúttamaṃ mádʰumantaṃ páyasvantam /

Line : 15  Pada: e     índrāya tvābʰimātigʰné \

Pada: f     índrāya tvā vásumate rudrávate \

Pada: g     índrāya tvādityávate //

Line : 17  Pada: h     agnáye tvā rāyaspoṣadé

Pada: i     víṣṇave tvā

Pada: j     śyenā́ya tvā somabʰŕ̥te

Pada: k     víṣṇave tvā //

Page: 31  
Line : 1  Pada: l     śvātrā́ḥ stʰa vr̥tratúro rā́dʰvaṃ gūrtā amŕ̥tasya pátnīḥ /

Line : 2  Pada: m     tā́ devīr devatrémám̐ yajñáṃ dʰattópahūtāḥ sómasya pibata //

Line : 3  Pada: n     yát te soma diví jyótir yát pr̥tʰivyā́m̐ yád urā́ antárikṣe

Pada: o     ténāsmaí yajñápataya urú rāyé kr̥dʰi \

Line : 4  Pada: p     ádʰi dʰātré vocas \

Pada: q     mā́ bʰais \

Pada: r     mā́ sam̐viktʰās \

Pada: s     ū́rjaṃ dʰatsva \

Pada: t     ū́rjam asmā́su dʰehi

Line : 5  Pada: u     dʰíṣaṇe īḍité īḍetʰām

Pada: v     ū́rjaṃ dadʰātʰām

Pada: w     ū́rjam asmā́su dʰattam \

Pada: x     mā́ vām̐ him̐siṣam \

Line : 6  Pada: y     mā́smān yuvám̐ him̐siṣṭam //


Anuvaka: 4  
Line : 7  Pada: a     vācáspátaye pavasva vŕ̥ṣṇo am̐śúbʰyāṃ gábʰastipūtaḥ //

Pada: b     devó devā́nāṃ pavítram asi yéṣāṃ bʰāgò 'si //

Line : 8  Pada: c     mádʰumatīr nā íṣas kr̥dʰi

Pada: d     svā́ṃkr̥to 'si \

Line : 9  Pada: e     urv àntárikṣam̐ vī̀hi

Pada: f     víśvebʰya indriyébʰyo divyébʰyaḥ pā́rtʰivebʰyas \

Line : 10  Pada: g     mánas tvāṣṭu *
      FN Oertel, Zur Kapiṣṭʰala-Kaṭʰa-Saṃhitā, p. 114

Pada: h     svā́hā tvā subʰava sū́ryāya

Pada: i     devébʰyas tvā marīcipébʰyaḥ

Line : 11  Pada: j     prāṇā́ya tvā

Pada: k     yát te somā́dābʰyaṃ nā́ma jā́gr̥vi tásmai te soma sómāya svā́hā

Page: 32  
Line : 1  Pada: l     prā́g ápāg adʰarā́g údag etā́s tvā díśā ā́dʰāvantu \

Pada: m     ámba nísmara

Pada: n     sám arír vidām //


Anuvaka: 5  
Line : 3  Pada: a     upayāmágr̥hīto 'si //

Line : 4  Pada: b     antár yacʰa magʰavan pāhí sómam uruṣyá rā́yaḥ sám íṣo yajasva //

Line : 5  Pada: c     antás te dyā́vāpr̥tʰivī́ dadʰāmy antár dadʰāmy urv àntárikṣam /

Line : 6  Pada: d     sajóṣā devaír ávaraiḥ páraiś cāntaryāmé magʰavan mādayasva //

Line : 7  Pada: e     vā́k tvāṣṭu

Pada: f     svā́hā tvā subʰava sū́ryāya

Pada: g     devébʰyas tvā marīcipébʰyas \

Pada: h     apānā́ya tvā //



Anuvaka: 6  
Line : 9  Pada: a     ā́ vāyo bʰūṣa śucipā úpa naḥ sahásraṃ te niyúto viśvavāra /

Line : 10  Pada: b     úpo te ándʰo mádyam ayāmi yásya deva dadʰiṣé pūrvapéyam //

Line : 11  Pada: c     upayāmágr̥hīto 'si

Pada: d     vāyáve tvā //

Line : 12  Pada: e     índravāyū imé sutā́ úpa práyobʰir ā́gatam /

Line : 13  Pada: f     índavo vām uśánti hí //

Line : 14  Pada: g     upayāmágr̥hīto 'si

Pada: h     vāyáva indravāyúbʰyāṃ tvā \

Pada: i     eṣá te yóniḥ

Pada: j     sajóṣobʰyāṃ tvā //


Anuvaka: 7  
Line : 16  Pada: a     ayám̐ vāṃ mitrāvaruṇā sutáḥ sóma r̥tāvr̥dʰā /

Line : 17  Pada: b     máméd ihá śrutam̐ hávam //

Page: 33  
Line : 1  Pada: c     upayāmágr̥hīto asi

Pada: d     mitrā́váruṇābʰyāṃ tvā \

Pada: e     eṣá te yónir

Pada: f     r̥tāyúbʰyāṃ tvā //


Anuvaka: 8  
Line : 2  Pada: a     yā́ vāṃ káśā mádʰumaty aśvinā sūnŕ̥tāvatī /

Line : 3  Pada: b     táyā yajñáṃ mimikṣatam //

Line : 4  Pada: c     upayāmágr̥hīto 'si \

Pada: d     aśvíbʰyāṃ tvā \

Pada: e     eṣá te yónis \

Pada: f     mā́dʰvībʰyāṃ tvā //


Anuvaka: 9  
Line : 5  Pada: a     upayāmágr̥hito 'si

Pada: b     devébʰyas tvā \

Pada: c     upayāmágr̥hīto 'si

Pada: d     viśvádevebʰyas tvā \

Line : 6  Pada: e     upayāmágr̥hīto 'si

Pada: f     víśvebʰyas tvā devébʰyaḥ //

Line : 7  Pada: g     díteḥ putrā́ṇām áditer akāriṣam urúśarmaṇāṃ br̥hatā́m̐ varūtʰínām /

Line : 8  Pada: h     yéṣāṃ nā́māni víhitāni dʰāmaśáś cittaír yajanti bʰúvanāya jīváse //

Line : 9  Pada: i     upayāmágr̥hīto 'si

Pada: j     víṣṇos tvorukramé gr̥hṇāmi

Pada: k     víṣṇa urukramaiṣá te sómas

Line : 10  Pada: l     tám̐ rakṣasva

Pada: m     mā́ tvā dabʰan

Pada: n     duścákṣās te mā́vakśat \

Pada: o     ayám̐ vásuḥ puróvasur vākpā́ vā́caṃ me pātu \

Line : 11  Pada: p     ayám̐ vásur vidádvasuś cakṣuṣpā́ś cákṣur me pātu \

Pada: q     ayám̐ vásuḥ sam̐yádvasuḥ śrotrapā́ḥ śrótraṃ me pātu //


Anuvaka: 10  
Page: 34  
Line : 1  Pada: a     ayám̐ venáś codayat pŕ̥śnigarbʰā jyótirjarāyū rájaso vimā́ne /

Line : 2  Pada: b     imám apā́m̐ saṃgamé sū́ryasya śiśuṃ ná víprā matíbʰī rihanti //

Line : 3  Pada: c     upayāmágr̥hīto 'si

Pada: d     śáṇḍāya tvā \

Pada: e     eṣá te yónis \

Pada: f     vīrátāyai tvā //


Anuvaka: 11  
Line : 4  Pada: a     táṃ pratnátʰā pūrvátʰā viśvátʰemátʰā jyeṣṭʰarā́jaṃ barhiṣádam̐ svardŕ̥śam /

Line : 5  Pada: b     pratīcīnám̐ vr̥jánaṃ dohase girā́śúṃ jáyantam ánu yā́su várdʰase //

Line : 6  Pada: c     upayāmágr̥hīto 'si

Pada: d     márkāya tvā \

Pada: e     eṣá te yóniḥ

Pada: f     prajā́bʰyas tvā //


Anuvaka: 12  
Line : 7  Pada: a     ápanuttau śáṇḍāmárkau sahá téna yáṃ dviṣmás \

Pada: b     ácʰinnasya te deva soma dákṣasya rāyáspóṣasya suvī́ryasyābʰirahītā́raḥ syāma //

Line : 8  Pada: c     tutʰò 'si jánadʰāyās \

Line : 9  Pada: d     devā́s tvā śukrapā́ḥ práṇayantu

Pada: e     tutʰò 'si jánadʰāyās \

Line : 10  Pada: f     devā́s tvā mantʰipā́ḥ práṇayantu \

Pada: g     ánādʰr̥ṣṭāsi

Pada: h     suvī́rāḥ prajā́ḥ prajanáyan párīhi

Line : 11  Pada: i     suprajā́ḥ prajā́ḥ prajanáyann abʰipárīhi //

Line : 12  Pada: j     índreṇa manyúnā yujā́vabādʰe pr̥tanyatáḥ /

Line : 13  Pada: k     gʰnatā́ vr̥trā́ny apratí //

Line : 14  Pada: l     saṃjagmānaú divā́ pr̥tʰivyā́ śukraú śukráśociṣau taú devau śukrāmantʰinā ā́yur yajñé dʰattam ā́yur yajñápatau

Line : 15  Pada: m     púmām̐saṃ gárbʰam ā́dʰattaṃ gavīṇyóḥ

Page: 35  
Line : 1  Pada: n     prāṇā́n paśúṣu yacʰatam \

Pada: o     śukrásyādʰiṣṭʰā́nam asi

Pada: p     mantʰíno 'dʰiṣṭʰā́nam asi

Line : 2  Pada: q     nírastaḥ śáṇḍas \

Pada: r     nírasto márkaḥ sahá téna yáṃ dviṣmáḥ //

Line : 3  Pada: s     yā́ pratʰamā́ sám̐skr̥tir yajñé asmín yáḥ paramó bŕ̥haspátiś cikitvā́n /

Line : 5  Pada: t     yó madʰyamó váruṇo mitró agnís tásmā índrāya sutám ā́juhota tásmai sū́ryāya sutám ā́juhota //


Anuvaka: 13  
Line : 7  Pada: a     yé devā divy ékādaśa stʰá pr̥tʰivyā́m ádʰy ékādaśa stʰá /

Line : 8  Pada: b     apsukṣíto mahinaíkādaśa stʰá té devāso * yajñám imáṃ juṣadʰvam //
      FN emended. Ed.: davāso.

Line : 9  Pada: c     upayāmágr̥hīto 'si \

Pada: d     āgrāyāṇò 'si svā̀grāyaṇas \

Pada: e     jínva yajñám \

Pada: f     jínva yajñápatim

Line : 10  Pada: g     abʰí sávanāni pāhi \

Pada: h     atás tvā víṣṇuḥ pātu

Pada: i     víśaṃ tváṃ pāhīndriyéṇa \

Line : 11  Pada: j     eṣá te yónis \

Pada: k     víśvebʰyas tvā devébʰyaḥ //



Anuvaka: 14  
Line : 12  Pada: a     upayāmágr̥hīto 'si //

Line : 13  Pada: b     índrāya tvā br̥hádvate váyasvata uktʰāyúvam /

Line : 14  Pada: c     yát ta indra br̥hád váyas tásmai tvā víṣṇave tvā //

Line : 15  Pada: d     eṣá te yónis \

Pada: e     índrāya tvā \

Pada: f     upayāmágr̥hīto 'si

Pada: g     devébʰyas tvā devāyúvaṃ gr̥hṇāmi

Page: 36  
Line : 1  Pada: h     púnarhavir asi

Pada: i     devébʰyas tvā devāyúvaṃ pr̥ṇacmi yajñásyā́yuṣe //


Anuvaka: 15  
Line : 2  Pada: a     mūrdʰā́naṃ divó aratíṃ pr̥tʰivyā́ vaiśvānarám r̥tá ā́ jātám agním /

Line : 3  Pada: b     kavím̐ samrā́jam átitʰiṃ jánānām āsánn ā́ pā́traṃ janayanta devā́ḥ //

Line : 4  Pada: c     upayāmágr̥hīto 'si

Pada: d     vaiśvānarā́ya tvā //

Pada: e     dʰruvò 'si dʰruvákṣitir dʰruvā́ṇāṃ dʰruvátamó 'cyutānām acyutakṣíttamas \

Line : 5  Pada: f     eṣá te yónis \

Pada: g     vaiśvānarā́ya tvā //

Line : 6  Pada: h     dʰruváṃ dʰruvéṇa havíṣā vaḥ sómaṃ nayāmasi /

Line : 7  Pada: i     yátʰā naḥ sárvā íj jánaḥ saṃgamé sumánā ásat //

Line : 8  Pada: j     diví divyā́n dŕ̥m̐hāntárikṣe antarikṣyā̀n pr̥tʰivyā́ṃ pā́rtʰivān //


Anuvaka: 16  
Line : 9  Pada: a     upayāmágr̥hīto 'si

Pada: b     mádʰave tvā

Pada: c     mā́dʰavāya tvā

Pada: d     śukrā́ya tvā

Pada: e     śúcaye tvā

Line : 10  Pada: f     nábʰase tvā

Pada: g     nabʰasyā̀ya tvā \

Pada: h     iṣā́ya tvā \

Pada: i     ūrjā́ya tvā

Pada: j     sáhase tvā

Pada: k     sahasyā̀ya tvā

Line : 11  Pada: l     tápase tvā

Pada: m     tapasyā̀ya tvā //


Anuvaka: 17  
Line : 12  Pada: a     índrāgnī ā́gatam̐ sutáṃ gīrbʰír nábʰo váreṇyam /

Line : 13  Pada: b     asyá pātaṃ dʰiyéṣitā́ //

Line : 14  Pada: c     upayāmágr̥hīto 'si \

Pada: d     indrāgníbʰyāṃ tvā \

Pada: e     eṣá te yónis \

Pada: f     indrāgníbʰyāṃ tvā //


Anuvaka: 18  
Page: 37  
Line : 1  Pada: a     ómāsaś carṣaṇīdʰr̥to víśve devāsā ā́gata /

Line : 2  Pada: b     dāśvā́m̐so dāśúṣaḥ sutám //

Line : 3  Pada: c     upayāmágr̥hīto 'si

Pada: d     víśvebʰyas tvā devébʰyas \

Pada: e     eṣá te yónis \

Pada: f     víśvebʰyas tvā devébʰyaḥ //


Anuvaka: 19  
Line : 5  Pada: a     índra marutva ihá pāhi sómam̐ yátʰā śāryāte ápibaḥ sutásya /

Line : 6  Pada: b     táva práṇītī táva śūra śármann ā́vivāsanti kaváyaḥ suyajñā́ḥ //

Line : 7  Pada: c     upayāmágr̥hīto 'si \

Pada: d     índrāya tvā marutvate \

Pada: e     eṣá te yónis \

Pada: f     índrāya tvā marútvate //


Anuvaka: 20  
Line : 9  Pada: a     jániṣṭʰā ugráḥ sáhase turā́ya mandrá ójiṣṭʰo bahulā́bʰimānaḥ /

Line : 10  Pada: b     ávardʰann índraṃ marútaś cid átra mātā́ yád vīráṃ jajánaj jániṣṭʰam //

Line : 11  Pada: c     upayāmágr̥hīto 'si \

Pada: d     índrāya tvā marútvate \

Pada: e     eṣá te yónis \

Pada: f     índrāya tvā marútvate //


Anuvaka: 21  
Line : 13  Pada: a     marútvantam̐ vr̥ṣabʰám̐ vāvr̥dʰānám ákavāriṃ divyám̐ śāsám índram /

Line : 14  Pada: b     viśvāsā́ham ávase nū́tanāyográm̐ sahodā́m ihá tám̐ huve //

Line : 15  Pada: c     upayāmágr̥hīto 'si \

Pada: d     índrāya tvā marútvate \

Pada: e     eṣá te yónis \

Pada: f     índrāya tvā marútvate //


Anuvaka: 22  
Page: 38  
Line : 1  Pada: a     marútvaṃ indra vr̥ṣabʰó ráṇāya píbā sómam anuṣvadʰáṃ mádāya /

Line : 2  Pada: b     ā́siñcasva jaṭʰáre mádʰva ūrmíṃ tvám̐ rā́jāsi pradívaḥ sutā́nām //

Line : 3  Pada: c     upayāmágr̥hīto 'si \

Pada: d     índrāya tvā marútvate \

Pada: e     eṣá te yónis \

Pada: f     índrāya tvā marútvate //


Anuvaka: 23  
Line : 5  Pada: a     sajósā indra ságaṇo marúdbʰiḥ sómaṃ piba vr̥trahā́ śūra vidvā́n /

Line : 6  Pada: b     jahí śátrūm̐r ápa mŕ̥dʰo nudasvā́tʰā́bʰayaṃ kr̥ṇuhi viśváto naḥ //

Line : 7  Pada: c     upayāmágr̥hīto 'si \

Pada: d     índrāya tvā marútvate \

Pada: e     eṣá te yónis \

Pada: f     índrāya tvā marútvate //


Anuvaka: 24  
Line : 9  Pada: a     maháṃ índro yá ójasā parjányo vr̥ṣṭimáṃ iva /

Line : 10  Pada: b     stómair vatsásya vāvr̥dʰe //

Line : 11  Pada: c     upayāmágr̥hīto 'si

Pada: d     mahendrā́ya tvā \

Pada: e     eṣá te yónis \

Pada: f     mahendrā́ya tvā //


Anuvaka: 25  
Line : 12  Pada: a     maháṃ índro nr̥vád ā́ carṣaṇiprā́ utá dvibárhā amináḥ sáhobʰiḥ /

Line : 13  Pada: b     asmadryàg vāvr̥dʰe vīryā̀yoruḥ pr̥tʰúḥ súkr̥taḥ kartŕ̥bʰir bʰūt //

Line : 14  Pada: c     upayāmágr̥hīto 'si

Pada: d     mahendrā́ya tvā \

Pada: e     eṣá te yónis \

Pada: f     mahendrā́ya tvā //


Anuvaka: 26  
Page: 39  
Line : 1  Pada: a     kadā́ caná stárīr asi néndra saścasi dāśúṣe /

Line : 2  Pada: b     úpopén nú magʰavan bʰū́yā ín nú te dā́naṃ devásya pr̥cyate //

Line : 3  Pada: c     upayāmágr̥hīto 'si \

Pada: d     ādityébʰyas tvā //

Line : 4  Pada: e     kadā́ caná práyucʰasy ubʰé nípāsi jánmanī /

Line : 5  Pada: f     túrīyāditya sávanaṃ ta indriyám ā́tastʰā amŕ̥taṃ diví //

Line : 6  Pada: g     upayāmágr̥hīto 'si \

Pada: h     ādityébʰyas tvā //

Line : 7  Pada: i     yajñó devā́nāṃ prátyetu sumnám ā́dityāso bʰávatā mr̥ḍayántaḥ /

Line : 8  Pada: j     ā́ vo 'rvā́cī sumatír vavr̥tyād am̐hóś cid yā́ varivovíttarā́sat //

Line : 9  Pada: k     aháṃ parástād ahám avástād ahám̐ víśvasya bʰúvanasya rā́jā /

Line : 10  Pada: l     ahám̐ sū́ryam ubʰayáto dadarśa yád antárikṣaṃ tád u naḥ pitā́bʰūt //

Line : 11  Pada: m     únnambʰaya pr̥tʰivī́ṃ bʰindʰy àdó divyáṃ nábʰaḥ /

Line : 12  Pada: n     udnó divyásya no dʰātar ī́śāno víṣyā dŕ̥tim //


Anuvaka: 27  
Line : 13  Pada: a     ádabdʰebʰiḥ savitaḥ pāyúbʰiṣ ṭvám̐ śivébʰir adyá páripāhi no vr̥dʰé /

Line : 14  Pada: b     híraṇyajihvaḥ suvitā́ya návyase rákṣā mā́kir no agʰáśam̐sa īśata //

Line : 16  Pada: c     upayāmágr̥hīto 'si

Pada: d     sāvitrò 'si jánadʰāyās \

Pada: e     jínva yajñám \

Pada: f     jínva yajñápatim

Line : 17  Pada: g     abʰí sávanāni pāhi \

Pada: h     átas tvā víṣṇuḥ pātu

Pada: i     víśaṃ tváṃ pāhīndriyéṇa //


Anuvaka: 28  
Page: 40  
Line : 1  Pada: a     upayāmágr̥hīto 'si //

Pada: b     suśármāsi supratiṣṭʰānás \

Pada: c     br̥hadúkṣe námaḥ //

Line : 2  Pada: d     eṣá te yónis \

Pada: e     víśvebʰyas tvā devébʰyaḥ //


Anuvaka: 29  
Line : 3  Pada: a     upayāmágr̥hīto 'si

Pada: b     bŕ̥haspátisutasya ta inda indriyā́vataḥ //

Line : 4  Pada: c     pátnīvantaṃ gráham̐ rādʰyāsam //

Pada: d     ágnā́3i pátnīvā́3nt sajū́s tváṣṭrā sómaṃ piba //


Anuvaka: 30  
Line : 6  Pada: a     upayāmágr̥hīto 'si

Pada: b     hárir asi hāriyojanó hárivān háryoḥ stʰātā́

Line : 7  Pada: c     stutástomasya te deva soma śastóktʰasyeṣṭáyajuṣaḥ //

Pada: d     hárivato hāriyojanásya hárivantaṃ gráham̐ rādʰyāsam //

Line : 8  Pada: e     háryor dʰānā́ hárivatīḥ sahásomā índrāya

Pada: f     rayyaí tvā

Pada: g     póṣāya tvā //


Anuvaka: 31  
Page: 41  
Line : 1  Pada: a     ágnā ā́yūm̐ṣi pavasā ā́suvórjam íṣaṃ ca naḥ /

Line : 2  Pada: b     āré bādʰasva ducʰúnām //

Line : 3  Pada: c     upayāmágr̥hīto 'si

Pada: d     agnáye tvā́yuṣmate \

Pada: e     eṣá te yónis \

Pada: f     agnáye tvā́yuṣmate //


Anuvaka: 32  
Line : 4  Pada: a     ójas tád asya titviṣa ubʰé yát samávartayat /

Line : 5  Pada: b     índraś cármeva ródasī //

Line : 6  Pada: c     upayāmágr̥hīto 'si \

Pada: d     índrāya tvaújasvate \

Pada: e     eṣá te yónis \

Pada: f     índrāya tvaújasvate //


Anuvaka: 33  
Line : 7  Pada: a     ádr̥śrann asya ketávo ví raśmáyo jánaṃ ánu /

Line : 8  Pada: b     bʰrā́janto agnáyo yatʰā //

Line : 9  Pada: c     upayāmágr̥hīto 'si

Pada: d     sū́ryāya tvā bʰrā́jasvate \

Pada: e     eṣá te yóniḥ

Pada: f     sū́ryāya tvā bʰrā́jasvate //


Anuvaka: 34  
Line : 11  Pada: a     índram íd dʰárī vaható 'pratidʰr̥ṣṭaśavasam /

Line : 12  Pada: b     ŕ̥ṣīṇāṃ ca stutī́r úpa yajñáṃ ca mā́nuṣāṇām //

Line : 13  Pada: c     upayāmágr̥hīto 'si \

Pada: d     índrāya tvā hárivate \

Pada: e     eṣá te yónis \

Pada: f     índrāya tvā hárivate //


Anuvaka: 35  
Line : 15  Pada: a     upayāmágr̥hīto 'si

Pada: b     prajā́pataye tvā jyótiṣmate jyótiṣmantaṃ gr̥hṇāmi

Line : 16  Pada: c     rātáṃ devébʰyas \

Pada: d     dákṣāya dakṣavŕ̥dʰam

Pada: e     agnihvarébʰyas tvā r̥tā́yubʰyā índrajyeṣṭʰebʰyo váruṇarājabʰyo vā́tāpibʰyaḥ parjányātmabʰyaḥ

Page: 42  
Line : 1  Pada: f     pr̥tʰivyaí tvā \

Pada: g     antárikṣāya tvā

Line : 2  Pada: h     divé tvā \

Pada: i     adbʰyás tvā \

Pada: j     óṣadʰībʰyo vánaspátibʰyas tvā

Pada: k     prāṇā́ya tvā \

Pada: l     apānā́ya tvā

Line : 3  Pada: m     vyānā́ya tvā

Pada: n     saté tvā \

Pada: o     ásate tvā

Pada: p     bʰūtā́ya tvā

Pada: q     bʰávyāya tvā

Line : 4  Pada: r     yéna prajā́ ácʰidrā ájāyanta tásmai tvā prajā́pataye viśvákarmaṇe viśvávyacase vibʰūdā́vne vibʰúṃ bʰāgáṃ juhomi svā́hā //

Line : 6  Pada: s     tisró jihvásya samídʰaḥ párijmano 'gnér akr̥ṇvann uśíjo ámr̥tyave /

Line : 7  Pada: t     tā́sām ékām adadʰur mártye bʰújaṃ lokám u dvé úpa jāmī́ īyatuḥ //


Anuvaka: 36  
Line : 8  Pada: a     agníḥ prātáḥ sávanāt pātv asmā́n vaiśvānaró viśvaśrī́r viśváśaṃbʰūḥ /

Line : 9  Pada: b     sá naḥ pāvakó dráviṇaṃ dadʰātv ā́yuṣmantaḥ sahábʰakṣāḥ syāma //

Line : 10  Pada: c     agnáye tvā právr̥hāmi gāyatréṇa cʰándasā \

Pada: d     índrāya tvā právr̥hāmi traíṣṭubʰena cʰándasā \

Line : 11  Pada: e     ādityébʰyas tvā právr̥hāmi jā́gatena cʰándasā

Pada: f     réśīnāṃ tvā pátmann ā́dʰūnomi

Line : 12  Pada: g     mā́ndānāṃ tvā pátmann ā́dʰūnomi

Pada: h     bʰandánānāṃ tvā pátmann ā́dʰūnomi

Line : 13  Pada: i     pūtánānāṃ tvā pátmann ā́dʰūnomi

Pada: j     pastyā̀nāṃ tvā pátmann ā́dʰūnomi

Pada: k     mā́dʰvīnāṃ tvā pátmann ā́dʰūnomi

Line : 14  Pada: l     madúgʰānāṃ tvā pátmann ā́dʰūnomi

Pada: m     devayā́nīnāṃ tvā pátmann ā́dʰūnomi \

Line : 15  Pada: n     upayāmágr̥hīto 'si

Pada: o     śukráṃ tvā śukra śukrā́ya gr̥hṇāmy áhno rūpe sū́ryasya raśmíṣu //

Line : 17  Pada: p     ā́ samudrā́ acucyavur divó dʰā́rā asaścata //

Page: 43  
Line : 1  Pada: q     kakubʰám̐ rūpám̐ vr̥ṣabʰásya rocate br̥hát \

Pada: r     vásūnām ā́dʰītau rudrā́ṇāṃ kármann ādityā́nāṃ cétasi \

Line : 2  Pada: s     índrāya tvā vibʰū́vase juhomi \

Pada: t     úśik tváṃ deva soma gāyatréṇa cʰándasāgnér dʰā́mópehi

Line : 3  Pada: u     vaśī́ tváṃ deva soma traíṣṭubʰena cʰándaséndrasya dʰā́mópehi \

Line : 4  Pada: v     asmátsakʰā deva soma jā́gatena cʰándasā víśveṣāṃ devā́nāṃ priyáṃ pā́tʰā úpehi //


Anuvaka: 37  
Line : 6  Pada: a     úd u tyáṃ jātávedasaṃ devám̐ vahanti ketávaḥ /

Line : 7  Pada: b     dr̥śé víśvāya sū́ryam //

Line : 8  Pada: c     citráṃ devā́nām údagād ánīkaṃ cákṣur mitrásya váruṇasyāgnéḥ /

Line : 9  Pada: d     ā́prā dyā́vāpr̥tʰivī́ antárikṣam̐ sū́rya ātmā́ jágatas tastʰúṣaś ca //

Line : 11  Pada: e     dyā́ṃ gacʰa

Pada: f     svàr gacʰa

Pada: g     rūpám̐ vo rūpéṇābʰyèmi váyasā váyas

Pada: h     tutʰó vo viśvávedā víbʰajatu várṣiṣṭʰe ádʰi nā́ke pr̥tʰivyā́ḥ //

Line : 13  Pada: i     etát te agne rā́dʰa eti sómacyutam \

Pada: j     tán mitrásya patʰā́ naya //

Line : 14  Pada: k     ayáṃ no agnír várivas kr̥ṇotv ayáṃ mŕ̥dʰaḥ purá etu prabʰindán /

Line : 15  Pada: l     ayám̐ śatrū́n jayatu járhr̥ṣāṇo 'yám̐ vā́jaṃ jayatu vā́jasātau //

Line : 16  Pada: m     r̥tásya patʰā́ préta candrádakṣiṇās \

Pada: n     brāhmaṇám adyá r̥dʰyāsaṃ pitr̥mántaṃ paitr̥matyám ŕ̥ṣim ārṣeyám̐ sudʰā́tudakṣiṇam //

Line : 17  Pada: o     ví svàḥ paśya vyàntarikṣam \

Page: 44  
Line : 1  Pada: p     yátasva sadasyaìs \

Pada: q     asmádrātā mádʰumatīr devatrā́ gacʰata

Pada: r     pradātā́ram ā́viśata \

Line : 2  Pada: s     ánavahāyāsmā́n devagā́nena patʰā́ sukŕ̥tāṃ loké sīdata

Pada: t     tán naḥ sam̐skr̥tám //


Anuvaka: 38  
Line : 4  Pada: a     dʰātā́ rātíḥ savitédáṃ juṣantāṃ prajā́patir váruṇo mitró agníḥ /

Line : 5  Pada: b     víṣṇus tváṣṭā prajáyā sam̐rarāṇó yájamānāya dráviṇaṃ dadʰātu //

Line : 6  Pada: c     sám indra no mánasā neṣi góbʰiḥ sám̐ sūríbʰir harivaḥ sám̐ svastyā́ /

Line : 7  Pada: d     sáṃ bráhmaṇā devákr̥tam̐ yád ásti sáṃ devā́nām̐ sumataú yajñíyānām //

Line : 8  Pada: e     sám̐ várcasā páyasā sáṃ tanū́bʰir áganmahi mánasā sám̐ śivéna /

Line : 9  Pada: f     tváṣṭā sudátro vídadʰātu rā́yó 'nu no mārṣṭu tanvò yád víriṣṭam //

Line : 10  Pada: g     sugā́ vo devāḥ sádanā kr̥ṇomi yá ājagmédám̐ sávanaṃ juṣāṇā́ḥ /

Line : 11  Pada: h     jakṣivā́m̐saḥ papivā́m̐saś ca víśve 'smé dʰatta vasavo vásūni //

Line : 12  Pada: i     yā́n ā́vaha uśató deva devā́m̐s tā́n préraya své agne sadʰástʰe /

Line : 13  Pada: j     váhamānā bʰáramāṇā havī́m̐ṣy ásuṃ gʰarmáṃ dívam ā́tiṣṭʰatā́nu //

Line : 14  Pada: k     yád adyá tvā prayatí yajñé asmínn ágne hótāram ávr̥ṇīmahīhá /

Line : 15  Pada: l     ŕ̥dʰag ayāḍ ŕ̥dʰag utā́śamiṣṭa vidvā́n prajānánn úpayāhi yajñám //

Line : 16  Pada: m     yájña yajñáṃ gacʰa

Pada: n     yajñápatiṃ gacʰa

Pada: o     svám̐ yóniṃ gacʰa svā́hā \

Pada: p     eṣá te yajñó yajñapate sahásūktavākaḥ suvī́ras

Line : 17  Pada: q     téna sáṃbʰava

Pada: r     bʰrā́jaṃ gacʰa

Pada: s     dévā gātuvido gātúm̐ vittvā́ gātúm ita

Page: 45  
Line : 1  Pada: t     mánasaspate sudʰā́tv imám̐ yajñáṃ diví devéṣu vā́te dʰāḥ svā́hā //


Anuvaka: 39  
Line : 3  Pada: a     urúm̐ hí rā́jā váruṇaś cakā́ra sū́ryāya pántʰām ánvetavā́ u /

Line : 4  Pada: b     apáde pā́dā prátidʰātave 'kar utā́pavaktā́ hr̥dayāvídʰaś cit //

Line : 5  Pada: c     śatáṃ te rājan bʰiṣájaḥ sahásram urvī́ gabʰīrā́ sumatíṣ ṭe astu //

Line : 6  Pada: d     āré bādʰasva nírr̥tiṃ parācaíḥ kr̥táṃ cid énaḥ prámumugdʰy asmát //

Line : 7  Pada: e     agnér ánīkam apá ā́viveśāpā́ṃ nápāt pratirákṣad asuryā̀n //

Line : 8  Pada: f     dámedame samídʰam̐ yákṣy agne práti te jihvā́ gʰr̥tám úccaraṇyat //

Line : 9  Pada: g     samudré te hŕ̥dayam apsv àntáḥ sáṃ tvā viśantv óṣadʰīr utā́paḥ /

Line : 10  Pada: h     yajñásya te yajñapate sūktóktau namovāké vidʰema // svā́hā \

Line : 11  Pada: i     ávabʰr̥tʰa nícuṅkuṇa

Pada: j     nicerúr asi nicuṅkuṇás \

Pada: k     gr̥háṃ gr̥hás \

Pada: l     áva no devaír devákr̥tam éno yákṣi \

Line : 12  Pada: m     áva mártyair mártyakr̥taṃ cikitvā́n

Pada: n     urór ā́ no deva riṣás pāhi \

Page: 46  
Line : 1  Pada: o     apsú dʰautásya te deva soma nŕ̥bʰiḥ ṣṭutásya yás te gosánir bʰakṣó yó aśvasánis tásya tā úpahūtā úpahūtasya bʰakṣayāmi

Line : 2  Pada: p     vícr̥tto váruṇasya pā́śaḥ

Line : 3  Pada: q     prátyasto váruṇasya pā́śas \

Pada: r     námo váruṇasya pā́śāya \

Line : 4  Pada: s     únnetar vásīyo nā únnayābʰí //

Line : 5  Pada: t     údut te mádʰumattamā gíraḥ stómāsa īrate /

Line : 6  Pada: u     satrājíto dʰanasā́ ákṣitotayo vājayánto rátʰā iva //

Line : 7  Pada: v     káṇvā iva bʰŕ̥gavaḥ sū́ryā iva víśvam íd dʰitam ānaśuḥ /

Line : 8  Pada: w     udéta prajā́m utá várco dádʰānā yuṣmā́n rā́ya utá yajñā́ asaścata //

Line : 10  Pada: x     gāyatráṃ cʰándo ánu sám̐rabʰadʰvam átʰā syāta surabʰáyo gr̥héṣu /

Line : 11  Pada: y     édʰo 'sy edʰiṣīmáhi

Pada: z     samíd asi sámedʰiṣīmahi //

Line : 12  Pada: aa     apó adyā́nvacāriṣam̐ rásena sámasr̥kṣmahi /

Line : 13  Pada: ab     páyasvān agnā ā́gamaṃ táṃ mā sám̐sr̥ja várcasā //


Next part


This text is part of the TITUS edition of Black Yajur-Veda: Maitrayani-Samhita.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.