TITUS
Black Yajur-Veda: Hiranyakesi-Grhya-Sutra
Part No. 4
Previous part

Patala: 4 
Khanda: 13 
Sentence: 1    ānayantyasmai ratʰamaśvaṃ hastinaṃ vā \1\
Sentence: 2    ratʰaṃtaramasi vāmadevyamasi br̥hadasi \ aṅkau nyaṅkāvabʰitaḥ \ ityeṣā ayaṃ vāmaśvinā ratʰo mā duḥkʰe mā sukʰe riṣat ariṣṭaḥ svasti gaccʰatu vivigʰnannabʰidāsataḥ iha dʰr̥tiriha vidʰr̥tiriha rama iha ramatām \ iti ratʰamātiṣṭʰate yadi ratʰena praviśati \2\
Sentence: 3    aśvosi hayosi mayosi \ ityekādaśabʰiraśvanāmabʰiraśvaṃ yadyaśvena \3\
Sentence: 4    indrasya tvā vajreṇābʰyupaviśāmi vaha kālaṃ vaha śriyaṃ mābʰivaha hastyasi hastiyaśasamasi hastivarcasamasi hastiyaśasihastivarcasī bʰūyāsam \ iti hastinaṃ yadi tena \4\
Sentence: 5    tadgaccʰati yatrāsmā apacitiṃ kariṣyanto bʰavanti \5\
Sentence: 6    saṃsravantu diśo mayi samāgaccʰantu sūnr̥tāḥ \ sarve kāmā abʰiyantu naḥ priyā abʰisravantu naḥ priyāḥ \ iti diśa upatiṣṭʰate \6\
Sentence: 7    yaśosi yaśohaṃ tvayi bʰūyāsam \ iti yosyāpacitiṃ kariṣyanbʰavati tamabʰyāgaccʰansamīkṣate \7\
Sentence: 8    atʰāsmā āvasatʰaṃ kalpayitvā \ argʰaḥ \ iti prāha \8\
Sentence: 9    kuruta \ iti pratyāha \9\
Sentence: 10    kurvantyasmai trivr̥taṃ pāṅktaṃ vā \10\
Sentence: 11    dadʰi madʰu gʰr̥tamiti trivr̥t \11\
Sentence: 12    dadʰi madʰu gʰr̥tamāpaḥ saktava iti pāṅktaḥ \12\
Sentence: 13    kaṃse dadʰyānīya madʰvānayati \13\
Sentence: 14    hrasīyasyānīya karṣīyasāpidʰāyānūcīnāni pr̥tʰagādāpayati kūrcaṃ pādyamargʰyamācamanīyaṃ madʰuparka iti \14\
Sentence: 15    anvaṅṅanusaṃvr̥jinā sonupakiṃcayā vācaikaikaṃ prāha \15\
Sentence: 16    kūrcaḥ \ iti kūrcam \16\
Sentence: 17    tasminprāṅmukʰa upaviśati \ rāṣṭrabʰr̥dasyācāryāsandī mā tvadyoṣam \ iti \17\
Sentence: 18    atʰāsmai \ pādyam \ iti prāha \18\
Sentence: 19    tenāsya śūdraḥ śūdrā vā pādau prakṣālayati savyamagre brāhmaṇasya dakṣiṇamitarayoḥ \19\ \12\
Sentence: 13    virājo dohosi \ mayi dohaḥ padyāyai virājaḥ \ iti yosya pādau prakṣālayati tasya hastāvabʰimr̥śyātmānaṃ pratyabʰimr̥śati \ mayi teja indriyaṃ vīryamāyuḥ kīrtirvarco yaśo balam \ iti \1\
Sentence: 2    atʰāsmai \ argʰyam \ iti prāha \2\
Sentence: 3    tatpratigr̥hṇāti \ ā māganyaśasā saṃsr̥ja tejasā varcasā payasā ca \ taṃ mā kuru priyaṃ prajānāmadʰipatiṃ paśūnām \ iti \3\
Sentence: 4    samudraṃ vaḥ prahiṇomyakṣitāḥ svāṃ yonimapigaccʰata \ accʰidraḥ prajayā bʰūyāsaṃ mā parāseci matpayaḥ \ iti śeṣaṃ ninīyamānamanumantrayate \4\
Sentence: 5    atʰāsmai \ ācamanīyam \ iti prāha \5\
Sentence: 6    amr̥topastaraṇamasi \ ityapa ācāmati \6\
Sentence: 7    atʰāsmai \ madʰuparkaḥ \ iti prāha \7\
Sentence: 8    taṃ sāvitreṇobʰābʰyāṃ hastābʰyāṃ pratigr̥hya \ pr̥tʰivyāstvā nābʰau sādayāmīḍāyāḥ pade \ iti pr̥tʰivyāṃ pratiṣṭʰāpya \ yanmadʰuno madʰavyaṃ paramamannādyaṃ rūpam \ tenāhaṃ madʰuno madʰavyena parameṇa rūpeṇa paramo madʰavyonnādo bʰūyāsam \ ityaṅguṣṭʰenopamadʰyamayā cāṅgulyā triḥ pradakṣiṇaṃ saṃyujya \ tejase tvā śriyai yaśase balāyānnādyāya prāśnāmi \ iti triḥ prāśya yosya rātirbʰavati tasmā uccʰiṣṭaṃ prayaccʰati \8\
Sentence: 9    sarvaṃ vā prāśya \ amr̥tāpidʰānamasi \ ityapa ācāmati \9\
Sentence: 10    atʰāsmai \ gauḥ \ iti prāha \10\
Sentence: 11    tasyāḥ karmotsargo vā \11\
Sentence: 12    gaurdʰenurbʰavyā mātā rudrāṇāṃ duhitā vasūnāṃ svasaādityānāmamr̥tasya nābʰiḥ \ pra ṇu vocaṃ cikituṣe janāya mā gāmanāgāmaditiṃ vadʰiṣṭa \ pibatūdakaṃ tr̥ṇānyattu \ omutsr̥jata \ ityutsarge saṃśāsti \12\
Sentence: 13    gaurasyapahatapāpmāpa pāpmānaṃ jahi mama cāmuṣya ca hataṃ me dviṣantaṃ hato me dviṣan \ kuruta \ iti driyamāṇāyām \13\
Sentence: 14    utsargenyena māṃsenānnaṃ saṃskr̥tyātʰāsmai \ bʰūtam \ iti prāha \14\
Sentence: 15    tatsubʰūtaṃ virāḍannaṃ tanmā kṣāyi tanmeśīya tanma ūrjaṃ dʰāstatsubʰūtam \ ityuttkātʰāha \ brāhmaṇānbʰojayata \ iti \15\
Sentence: 16    teṣvasmai bʰuktavatsvanusaṃvr̥jinamannamāhārayati \16\
Sentence: 17    tatpratigr̥hṇāti \ dyauste dadātu pr̥tʰivī pratigr̥hṇātu pr̥tʰivī te dadātu prāṇaḥ pratigr̥hṇātu prāṇastvāśnātu prāṇaḥ pibatu \ iti \17\
Sentence: 18    indrāgnī me varcaḥ kr̥ṇutām \ iti yāvatkāmaṃ prāśya yosya rātirbʰavati tasmā uccʰiṣṭaṃ prayaccʰati \18\
Sentence: 19    yaṃ kāmayeta na viccʰidyeteti \ yasminbʰūtaṃ ca bʰavyaṃ ca sarve lokā iha śritāḥ \ tena tvāhaṃ pratigr̥hṇāmi tvāmahaṃ brahmaṇā tvā mahyaṃ pratigr̥hṇāmyasau \ ityācamya \19\ \\13\\

Khanda: 14 
Sentence: 1    bʰuktavato dakṣiṇaṃ hastaṃ gr̥hṇīyāt \1\
Sentence: 2    yamamātyamantevāsinaṃ preṣyaṃ vā kāmayeta dʰruvo menapāyī syāditi sa pūrvāhṇe snātaḥ prayatavastrohaḥkṣānto brāhmaṇasaṃbʰāṣo niśāyāṃ tasyāvasatʰaṃ gatvā jīvaśr̥ṅge prasrāvya triḥ pradakṣiṇamāvasatʰaṃ pariṣiñcanparikrāmet \ pari tvā gireriha pari bʰrātuḥ pari ṣvasu \ pari sarvebʰyo jñātibʰyaḥ pariṣīdaḥ kleṣyasi \ śaśvatparikupilena saṃkrāmeṇāviccʰidā \ ūlena parimīḍʰosi parimīḍʰosyūlena \ iti \2\
Sentence: 3    anigupte jīvaśr̥ṅgaṃ nidadʰāti \3\
Sentence: 4    yasmā amātyā antevāsinaḥ preṣyā voddraveyustānparikrośet \ anupauhvadanupahvayennivarto yo nyavīvr̥dʰaḥ \ aindro vaḥ parikrośaḥ parikrośatu sarvadā \ yaditi māmatimanyadʰvaṃ māyādevā avataran \ indraḥ pāśena vaḥ siktvā mahyaṃ punarudājatu \ iti \4\
Sentence: 5    sotʰa svāgāraṃ praviśya saidʰrakīṃ samidʰamādʰāya \ a vartana vartaya \ ityākarṣaṇena juhoti \5\
Sentence: 6    atʰāto dāraguptim \6\
Sentence: 7    stʰūrā dr̥ḍʰā jārī cūrṇāni kārayitvā suptāyai yonimupavapet \ indrāyayāsya śepʰamalīkamanyebʰyaḥ puruṣebʰyonyatra mat \ iti \7\
Sentence: 8    atʰātaḥ paṇyasiddʰiḥ \8\
Sentence: 9    paṇyasyāpādāya juhoti \9\ \\14\\

Khanda: 15 
Sentence: 1    yadvo devāḥ prapaṇaṃ carāma devā dʰanena dʰanamiccʰamānāḥ \ tasminsomo rucamādadʰātvagnirindro br̥haspatirīśānaśca \ svāhā \ iti \1\
Sentence: 2    atʰātaḥ krodʰavinayanam \2\
Sentence: 3    yā ta eṣā rarāṭyā tanūrmanyormr̥ddʰasya nāśinī tāṃ devā brahmacāriṇo vinayantu sumedʰasaḥ \ yatta etanmukʰe mataṃ rarāṭamudiva vidʰyasi \ ava dyāmiva dʰanvino hr̥do manyuṃ tanomi te \ ahardyauśca pr̥tʰivī ca vidʰe krodʰaṃ nayāmasi \ garbʰamaśvataryā iva \ iti kruddʰamabʰimantrayate \3\
Sentence: 4    atʰātaḥ saṃvādābʰijayanam \4\
Sentence: 5    niśāyāmantarāgāregnimupasamādʰāya vyāhr̥tiparyantaṃ kr̥tvā kaṇairājyamiśrairjuhoti \ avajihva nijihvikāva tvā haviṣā yaje \ yatʰāhamuttaro vadāmyadʰaro vadasau vadā \ svāhā \ iti \5\
Sentence: 6    atʰainaṃ saṃnidʰāvabʰijapati \ ā te vācamāsyādade manasyāṃ hr̥dayādadʰi \ aṅgādaṅgātte vācamādade yatra yatra nihitā vāktāṃ ta ādade \ rudra nīlaśikʰaṇḍa vīra karmaṇi karmaṇi \ imaṃ me pratisaṃvādinaṃ vr̥kṣamivāśaninā jahi \ adʰo vadādʰaro vadādʰastādbʰūmyā vada \ adʰopratiriva kūṭena nijasya nihito mayā \ tatsatyaṃ yadahaṃ bravīmyadʰaro matpadyasvāsau \ iti \6\
Sentence: 7    hiraṇyabāhuḥ subʰagā jitākṣyalaṃkr̥tā madʰye \ devānāmāsīnārtʰaṃ mahyamavocatsvāhā \ iti sabʰāmālabʰya japati \7\
Sentence: 8    mama pare mamāpare mameyaṃ pr̥tʰivī mahī \ mamāgniścendraśca divyamartʰamasādʰayanniva \ iti pariṣadamabʰivīkṣatebʰyeva japati \8\ \\15\\


Khanda: col. 
caturtʰaḥ paṭalaḥ



Next part


This text is part of the TITUS edition of Black Yajur-Veda: Hiranyakesi-Grhya-Sutra.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.