TITUS
Text collection: YVB 
Black Yajur-Veda
Text: HirGS 
Hiraṇyakeśi-Grhya-Sūtra


On the basis of the edition by
J. Kirste,
The Gr̥ihyasūtra of Hiraṇyakeśin
with extracts from the commentary of Mātr̥idatta,
Vienna: Alfred Hoelder 1889
prepared by an anonymous group of students,
Fairfield, Iowa, 2001;
TITUS version by Jost Gippert,
Frankfurt a.M., 30.12.2001 / 7.12.2008



[This is a preliminary edition only. J.G.]



atʰa hiraṇyakeśigr̥hyasūtram


Prasna: 1 
Patala: 1 
Khanda: 1 
Sentence: 1    upanayanaṃ vyākʰyāsyāmaḥ \1\
Sentence: 2    saptavarṣaṃ brāhmaṇamupanayīta \2\
Sentence: 3    ekādaśavarṣaṃ rājanyaṃ dvādaśavarṣaṃ vaiśyam \3\
Sentence: 4    vasanto brāhmaṇaṃ grīṣme rājanyaṃ śaradi vaiśyam \4\
Sentence: 5    āpūryamāṇapakṣe puṇye nakṣatre viśeṣeṇa puṃnāmadʰeye \5\
Sentence: 6    yugmānbrāhmaṇānannena pariviṣya puṇyāhaṃ svastyayanamr̥ddʰimiti vācayitvā \6\
Sentence: 7    āśitasya kumārasya keśānvāpayitvā snātamalaṃkr̥tam \7\
Sentence: 8    ahataṃ vāsaḥ paridʰāya \8\
Sentence: 9    prācīnapravaṇa udīcīnapravaṇe prāgudakpravaṇe same vā deśa uddʰatyāvokṣya \9\
Sentence: 10    agniṃ matʰitvā laukikaṃ vāhr̥tya nyupyopasamādadʰāti 90 prāgagrairdarbʰairagniṃ paristr̥ṇāti \11\
Sentence: 12    api vodagagrāḥ paścātpurastācca bʰavanti \12\
Sentence: 13    dakṣiṇānuttarānkarotyuttarānadʰarānyadi prāgudagagrāḥ \13\
Sentence: 14    dakṣiṇenāgniṃ brahmāyatane darbʰānsaṃstīrya \14\
Sentence: 15    mayi gr̥hṇāmi \ yo no agniḥ \ iti dvābʰyāmātmannagniṃ gr̥hītvā \15\
Sentence: 16    uttareṇāgniṃ darbʰānsaṃstīrya yatʰārtʰaṃ dravyāṇi prayunakti \16\
Sentence: 17    aśmānamahataṃ vāsojinaṃ mauñjīṃ mekʰalāṃ trivr̥tāṃ brāhmaṇasya jyāṃ rājanyasyāvīsūtraṃ vaiśyasya bailvaṃ pālāśaṃ vā daṇḍaṃ brāhmaṇasya naiyyagrodʰaṃ rājanyasyaudumbaraṃ vaiśyasya \17\
Sentence: 18    ekaviṃśatidārumidʰmaṃ saṃnahyatyāhutiparimāṇaṃ vā \18\
Sentence: 19    tasmiñcʰamyāḥ paridʰīnidʰma upasaṃnahyati \19\
Sentence: 20    darvīṃ kūrcamāṃjyastʰālīṃ praṇītāpraṇayanaṃ yena cārtʰaḥ \20\
Sentence: 21    sakr̥deva sarvāṇi yatʰopapadaṃ vā \21\
Sentence: 22    etasminkāle brahmā yajñopavītaṃ kr̥tvāpa ācamyāpareṇāgniṃ dakṣiṇātikramya brahmasadanāttr̥ṇaṃ nirasyāpa upaspr̥śyāgnimabʰimukʰa upaviśati \22\
Sentence: 23    samāvapraccʰinnāgrau darbʰau prādeśamātrau pavitre kr̥tvānyena nakʰāccʰittvādbʰiranumr̥jya pavitrāntarhite pātrepa ānīyopabilaṃ pūrayitvodagagrābʰyāṃ pavitrābʰyāṃ trirutpūyottareṇāgniṃ darbʰeṣu sādayitvā darbʰairapidadʰāti \23\
Sentence: 24    tiraḥpavitraṃ prokṣaṇīḥ saṃskr̥tya yatʰā purastādbilavantyuttānāni kr̥tvā viṣāyedʰmaṃ triḥ sarvābʰiḥ prokṣati \24\
Sentence: 25    darvīṃ niṣṭapya saṃmr̥jya punarniṣṭapya nidadʰāti \25\
Sentence: 26    saṃmārgānabʰyukṣyāgnāvādadʰāti \26\
Sentence: 27    ājyaṃ vilāpya pavitrāntarhitāyāmājyastʰālyāmājyaṃ nirūpyodīcoṅgārānnirūhya teṣvadʰiśrityāvadyotya darbʰataruṇābʰyāṃ pratyasya triḥ paryagni kr̥tvodagudvāsyāṅgārānpratyūhyodagagrābʰyāṃ pavitrābʰyāṃ punarāhāramājyaṃ trirutpūya pavitregnāvādʰāya \27\ \\1\\

Khanda: 2 
Sentence: 1    śamyābʰiḥ paridadʰāti \1\
Sentence: 2    apareṇāgnimudīcīnakumbāṃ madʰyamāṃ nidadʰāti \2\
Sentence: 3    dakṣiṇenāgniṃ saṃspr̥ṣṭāṃ madʰyamayā prācīnakumbām \3\
Sentence: 4    uttareṇāgniṃ saṃspr̥ṣṭāṃ madʰyamayā prācīnakumbām \4\
Sentence: 5    apareṇāgniṃ prāṅmukʰa upaviśati \5\
Sentence: 6    dakṣiṇato yajñopavītyācāntaḥ kumāra upaviśyānvārabʰate \6\
Sentence: 7    atʰa pariṣiñcati \7\
Sentence: 8    aditenumanyasva \ iti dakṣiṇataḥ prācīnam \8\
Sentence: 9    anumatenumanyasva \ iti paścādudīcīnam \ sarasvatenumanyasva \ ityuttarataḥ prācīnam \9\
Sentence: 10    deva savitaḥ prasuva \ iti sarvataḥ pradakṣiṇam \10\
Sentence: 11    pariṣicyedʰmamaṅktvābʰyādadʰāti \ ayaṃ ta idʰma ātmā jātavedastenedʰyasva vardʰasva cenddʰi \ vardʰaya cāsmānprajayā paśubʰirbrahmavarcasenānnādyena samedʰaya \ svāhā \ iti \11\
Sentence: 12    atʰa darvyā juhoti \12\
Sentence: 13    uttaraṃ paridʰisaṃdʰimanvavahr̥tya darvīm \ prajāpataye manave svāhā \ iti manasā dʰyāyandakṣiṇāprāñcamr̥juṃ dīrgʰaṃ saṃtataṃ juhoti \13\
Sentence: 14    dakṣiṇaṃ paridʰisaṃdʰimanvavahr̥tya \ indrāya svāhā \ iti prāñcamudañcamr̥jum \14\
Sentence: 15    āgʰārāvāgʰāryājyabʰāgau juhoti \15\
Sentence: 16    agnaye svāhā \ ityuttarārdʰapūrvārdʰe \ somāya svāhā \ iti dakṣiṇārdʰapūrvārdʰe \16\
Sentence: 17    tāvantareṇetarā juhoti \17\
Sentence: 18    yukto vaha jātavedaḥ purastādagne viddʰi karma kriyamāṇaṃ yatʰedam \ tvaṃ bʰiṣagbʰeṣajasyāsi kartā tvayā gā aśvānpuruṣānsanema \ svāhā \ yā tiraścī nipadyasehaṃ vidʰaraṇī iti \ tāṃ tvā gʰr̥tasya dʰārayāgnau saṃrādʰanīṃ yaje \ svāhā \ saṃrādʰanyai devyai svāhā \ prasādʰanyai devyai svāhā \ iti \18\ \\2\\

Khanda: 3 
Sentence: 1    sarvadarvihomāṇāmeṣa kalpaḥ \1\
Sentence: 2    mantrānte nityaḥ svāhākāraḥ \2\
Sentence: 3    amantrāsu \ amuṣmai svāhā \ iti yatʰādevatam \3\
Sentence: 4    bʰūḥ \ bʰuvaḥ \ suvaḥ \ iti vyāhr̥tibʰirjuhotyekaikaśaḥ samastābʰiśca \4\
Sentence: 5    āyurdā agne \ ityeṣā \ āyurdā deva jarasaṃ gr̥ṇāno gʰr̥tapratīko gʰr̥tapr̥ṣṭʰo agne \ gʰr̥taṃ pibannamr̥taṃ cāru gavyaṃ piteva putraṃ jarase nayemam \ svāhā \5\
Sentence: 6    imaṃ me varuṇa \ tattvā yāmi \ tvaṃ no agne \ sa tvaṃ no agne \ tvamagne ayāsyayā sanmanasā hitaḥ \ ayā sanhavyamūhiṣeyā no dʰehi bʰeṣajam \ svāhā \ prajāpate \ ityeṣā \6\
Sentence: 7    yadasya karmaṇītyarīricaṃ yadvā nyūnamihākaram \ agniṣṭatsviṣṭakr̥dvidvānsarvaṃ sviṣṭaṃ suhutaṃ karotu me \ agnaye sviṣṭakr̥te suhutahute sarvahuta āhutīnāṃ kāmānāṃ sa mardʰayitre svāhā \ ityuttarārdʰapūrvārdʰesaṃsaktāmitarābʰirāhutībʰirjuhoti \7\
Sentence: 8    atraike jayābʰyātānānrāṣṭrabʰr̥ta ityupajuhvati purastātsviṣṭakr̥taḥ \8\
Sentence: 9    cittaṃ ca svāhā \ cittiśca svāhā \ iti jayāñjuhoti \ cittāya svāhā \ cittaye svāhā \ iti vā \9\
Sentence: 10    agnirbʰūtānāmadʰipatiḥ sa māvatu \ ityabʰyātānān \10\
Sentence: 11    asminbrahmannasminkṣatre \ ityabʰyātāneṣvanuṣajati \11\
Sentence: 12    pitaraḥ pitāmahāḥ \ iti prācīnāvītī juhotyupatiṣṭʰate vā \12\
Sentence: 13    r̥tāṣāḍr̥tadʰāmā \ iti rāṣṭrabʰr̥taḥ \ paryāyamanudrutya \ tasmai svāhā \ iti pūrvāmāhutiṃ juhoti \ tābʰyaḥ svāhā \ ityuttarām \13\
Sentence: 14    agreṇottaraṃ paridʰisaṃdʰimaśmānaṃ nidʰāya dakṣiṇena pādena \14\ \\3\\

Khanda: 4 
Sentence: 1    kumāramāstʰāpayati \ ātiṣṭʰemamaśmānamaśmeva tvaṃ stʰiro bʰava \ pramr̥ṇīhi durasyūnsahasva pr̥tanāyataḥ \ iti \1\
Sentence: 2    atʰainamahataṃ vāsaḥ paridʰāpayati pūrvaṃ nidʰāya \ yā akr̥ntannavayanyā atanvata yāśca devīrantānabʰitodadanta \ tāstvā devīrjarasā saṃvyayantvāyuṣmānidaṃ paridʰatsva vāsaḥ \ paridʰatta dʰatta vāsasainaṃ śatāyuṣaṃ kr̥ṇuta dīrgʰamāyuḥ \ br̥haspatiḥ prāyaccʰadvāsa etatsomāya rājñe paridātavā u \ jarāṃ gaccʰāsi paridʰatsva vāso bʰavā kr̥ṣṭīnāmabʰiśastipāvā \ śataṃ ca jīva śaradaḥ suvarcā rāyaśca poṣamupasaṃvyayasva \ iti \2\
Sentence: 3    paridʰāpyābʰimantrayate \ parīdaṃ vāso adʰidʰāḥ svastayebʰūrāpīṇāmabʰiśastipāvā \ śataṃ ca jīva śaradaḥ purūcīrvasūni cāyyo vibʰajā sa jīvan \ iti \3\
Sentence: 4    atʰainaṃ mekʰalayā nābʰideśe triḥ pradakṣiṇaṃ parivyayati \ dvirityeke \ yā duritā paribādʰamānā śarmavarūtʰe punatī na āgāt \ prāṇāpānābʰyāṃ balamāvahantī svasā devānāṃ subʰagā mekʰaleyam \ iti \4\
Sentence: 5    uttarato nābʰestrivr̥taṃ grantʰiṃ kr̥tvā dakṣiṇato nābʰeḥ parikarṣati \5\
Sentence: 6    atʰāsmā ajinamuttarīyaṃ karoti \ mitrasya cakṣurdʰaruṇaṃ dʰarīyastejoyaśasvi stʰaviraṃ samiddʰam \ anāhanasyaṃ vasanaṃ jariṣṇu parīdaṃ vājyajinaṃ dʰatsvāsau \ aditiste kakṣāṃ badʰnātu vedasyānuvaktavai medʰāyai śraddʰāyā anūktasyānirākaraṇāya brahmaṇe brahmavarcasāya \ iti \6\
Sentence: 7    kr̥ṣṇājinaṃ brāhmaṇasya raauravaṃ rājanyasya bastājinaṃ vaiśyasya \7\
Sentence: 8    atʰainaṃ paridadāti \ parīmamindra brahmaṇe mahe śrotrāya dadʰmasi \ atʰainaṃ jarimā ṇayejjyokśrotre adʰijāgarat \ iti brāhmaṇam \ parīmamindra brahmaṇe mahe rāṣṭrāya dadʰmasi \ atʰainaṃ jarimā ṇayejjyogrāṣṭre adʰijāgarat \ iti rājanyam \ parīmamindra brahmaṇe mahe poṣāya dadʰmasi \ atʰainaṃ jarimā ṇayejjyokpoṣe adʰijāgarat \ iti vaiśyam \8\
Sentence: 9    tamapareṇāgnimudañcamupaveśya hutoccʰeṣaṇaṃ prāśayati \ tvayi medʰāṃ tvayi prajām \ ityetaiḥ saṃnataiḥ \9\
Sentence: 10    pr̥ṣadājyameke prāśayanti \10\
Sentence: 11    yoge yoge tavastaram \ imamagna āyuṣe varcase kr̥dʰi \ iti dvābʰyāṃ prāśnantaṃ samīkṣate \11\
Sentence: 12    prāśayantyeke \12\
Sentence: 13    ācāntamupasparśayitvābʰimantrayate \ śataminnu śarado anti devā yatrā naścakrā jarasaṃ tanūnām \ putrāso yatra pitaro bʰavanti mā no madʰyā rīriṣatāyurgantoḥ \ iti \13\ \\4\\


Khanda: col. 
pratʰamaḥ paṭalaḥ



Next part


This text is part of the TITUS edition of Black Yajur-Veda: Hiranyakesi-Grhya-Sutra.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.