TITUS
Sama-Veda: Gobhila-Grhyasutra
Part No. 3
Previous part

Paragraph: 3 
Verse: 1    agnim upasamādʰāya parisamuhya dakṣiṇajānvakto dakṣiṇenā 'gnim adite 'numanyasve 'ty udakāñjaliṃ prasiñcet,
Verse: 2    anumate 'numanyasve 'ti paścāt,
Verse: 3    sarasvaty anumanyasve 'ty uttarataḥ.
Verse: 4    deva savitaḥ prasuve 'ti pradakṣiṇam agniṃ paryukṣet sakr̥d vā trir vā,
Verse: 5    paryukṣaṇāntān vyatiharann abʰiparyukṣan homīyam.
Verse: 6    atʰa haviṣyasyā 'nnasyā 'gnau juhuyāt kr̥tasya vā 'kr̥tasya vā;
Verse: 7    akr̥taṃ cet, prakṣālya juhuyāt prodakaṃ kr̥tvā;
Verse: 8    atʰa yadi dadʰi payo yavāgūṃ vā, kam̐sena vā carustʰālyā vā sruveṇa vai 'va.
Verse: 9    agnaye svāhe 'ti pūrvāṃ, tūṣṇīm uttarāṃ madʰye cā 'parājitāyāṃ ca diśī 'ti sāyam;
Verse: 10    atʰa prātaḥ sūryāya svāhe 'ti pūrvāṃ, tūṣṇīm evo 'ttarāṃ madʰye cai 'vā 'parājitāyāṃ cai 'va diśi.
Verse: 11    samidʰam ādʰāyā 'nuparyukṣya, tatʰai 'vo 'dakāñjalīn prasiñced, anv amam̐stʰa iti mantraviśeṣaḥ.
Verse: 12    pradakṣiṇam agniṃ parikramyā 'pāṃ śeṣaṃ ninīya, pūrayitvā camasaṃ pratiṣṭhāpya, yatʰārtʰam.
Verse: 13    - evam ata ūrdʰvaṃ gr̥hye 'gnau juhuyād vā hāvayed vā ''jīvitāvabʰr̥tʰāt.
Verse: 14    atʰā 'py udāharanti.
Verse: 15    kāmaṃ gr̥hye 'gnau patnī juhuyāt sāyaṃprātarhomau, gr̥hāḥ patnī, gr̥hya eṣo 'gnir bʰavatī 'ti.
Verse: 16    - niṣṭhite sāyamāśaprātarāśe bʰūtam iti pravācayet,
Verse: 17    r̥te bʰagayā vācā śucir bʰūtvā
Verse: 18    pratijapaty om ity uccais, tasmai namas tan mā ''kʰyā ity upām̐śu.

Next part


This text is part of the TITUS edition of Sama-Veda: Gobhila-Grhyasutra.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.