TITUS
Sama-Veda: Gobhila-Grhyasutra
Part No. 2
Previous part

Paragraph: 2 
Verse: 1    yajñopavītam kurute sūtraṃ vastraṃ vā 'pi vā kuśarajjum eva.
Verse: 2    dakṣiṇaṃ bāhum uddʰr̥tya śiro 'vadʰāya savye 'm̐se pratiṣṭhāpayati dakṣiṇaṃ kakṣam anavavalambaṃ bʰavaty, evaṃ yajñopavītī bʰavati;
Verse: 3    savyaṃ bāhum uddʰr̥tya śiro 'vadʰāya dakṣiṇe 'm̐se pratiṣṭhāpayati savyaṃ kakṣam anvavalambaṃ bʰavaty, evaṃ prācīnāvītī bʰavati;
Verse: 4    pitr̥yajñe tv eva prācīnāvītī bʰavati.
Verse: 5    udaṅṅ agner utsr̥pya, prakṣālya pāṇī pādau co, 'paviśya trir ācāmed, dviḥ parimr̥jīta.
Verse: 6    pādāv abʰyukṣya śiro 'bʰyukṣet.
Verse: 7    indriyāṇy adbʰiḥ saṃspr̥śet:
Verse: 8    akṣiṇī nāsike karṇāv iti;
Verse: 9    yad yan mīmām̐syaṃ syāt, tat tad adbʰiḥ saṃspr̥śet.
Verse: 10    tatrai 'tad āhuḥ:
Verse: 11    no 'paspr̥śed vrajan,
Verse: 12    na tiṣṭhan,
Verse: 13    na hasan,
Verse: 14    na vilokayan,
Verse: 15    nā 'praṇataḥ,
Verse: 16    nā 'ṅgulībʰiḥ,
Verse: 17    nā 'tīrtʰena,
Verse: 18    na saśabdam,
Verse: 19    nā 'navekṣitam,
Verse: 20    na bāhyām̐saḥ,
Verse: 21    nā 'ntarīyaikadeśasya kalpayitvo 'ttarīyatām,
Verse: 22    no 'ṣṇābʰiḥ,
Verse: 23    na sapʰenābʰiḥ,
Verse: 24    na ca sopānatkaḥ kvacit,
Verse: 25    kāsaktikaḥ,
Verse: 26    gale baddʰaḥ,
Verse: 27    caraṇau na prasārya ca.
Verse: 28    antataḥ pratyupaspr̥śya śucir bʰavati.
Verse: 29    hr̥dayaspr̥śas tv evā 'pa ācāmet;
Verse: 30    uccʰiṣṭo hai 'vā 'to 'nyatʰā bʰavatī 'ti.
Verse: 31    - atʰa pratyupasparśanāni:
Verse: 32    suptvā bʰuktvā kṣutvā snātvā pītvā viparidʰāya ca ratʰyām ākramya śmaśānaṃ cā ''cāntaḥ punar ācāmet.

Next part


This text is part of the TITUS edition of Sama-Veda: Gobhila-Grhyasutra.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.