TITUS
Text collection: RV 
Text: KausUp 
Kauṣītaki-Upaniṣad

as edited by Mislav Ježic
in his edition
R̥gvedske upanišadi:
Aitareya, Kaušītaki, Bāškalamantra-upanišad,
Zagreb: Matica Hrvatska 1999,
p. 161-253,
electronically prepared by Mislav Ježic,
Zagreb 1999;
TITUS version by Jost Gippert,
Frankfurt a/M, 24.5.2001 / 7.12.2008




kauṣītakibrāhmaṇāraṇyakopaniṣat



Chapter: 1 
Paragraph: 1 
Verse: 1    citro ha vai gārgyāyaṇir yakṣyamāṇa āruṇiṃ vavre /
Verse: 2    sa ha putraṃ śvetaketuṃ prajigʰāya yājayeti /
Verse: 3    taṃ hāsīnaṃ papraccʰa /
Verse: 4    gautamasya putrāsti saṃvr̥taṃ loke yasmin mā dʰāsyasy anyatamo vādʰvā tasya /
Verse: 5    māloke dʰāsyasīti /
Verse: 6    sa hovāca nāham etad veda /
Verse: 7    hantācāryaṃ pr̥ccʰānīti /
Verse: 8    sa ha pitaram āsādya papraccʰetīti māprākṣīt katʰaṃ pratibravāṇīti /
Verse: 9    sa hovācāham apy etan na veda /
Verse: 10    sadasy eva vayaṃ svādʰyāyam adʰītya harāmahe yan naḥ pare dadati /
Verse: 11    ehy ubʰau gamiṣyāva iti /
Verse: 12    sa ha samitpāṇiś citraṃ gārgyāyaṇiṃ praticakrama /
Verse: 13    upāyānīti taṃ hovāca /
Verse: 14    brahmārgʰo 'si gautama yo na mānam upāgāḥ /
Verse: 15    ehi vy eva tvā jñapayiṣyāmīti //1//

Paragraph: 2 
Verse: 1    sa hovāca ye vai ke cāsmāl lokāt prayanti candramasam eva te sarve gaccʰanti /
Verse: 2    teṣāṃ prāṇaiḥ pūrvapakṣa āpyāyate /
Verse: 3    tān aparapakṣeṇa prajanayati /
Verse: 4    etad vai svargasya lokasya dvāraṃ yac candramāḥ /
Verse: 5    taṃ yaḥ pratyāha tam atisr̥jate /
Verse: 6    atʰa ya enam na pratyāha tam iha vr̥ṣṭir bʰūtvā varṣati /
Verse: 7    sa iha kīṭo vā pataṅgo vā matsyo vā śakunir vā siṃho vā varāho vā parasvān vā śārdūlo vā puruṣo vānyo vā teṣu teṣu stʰāneṣu pratyājāyate yatʰākarma yatʰāvidyam /
Verse: 8    tam āgataṃ pr̥ccʰati ko'sīti /
Verse: 9    taṃ pratibrūyād /


Verse: A    vicakṣaṇād r̥tavo reta ābʰr̥tam
Verse: B    pañcadaśāt prasūtāt pitryāvatas /
Verse: C    tan mā puṃsi kartary erayadʰvaṃ
Verse: D    puṃsā kartrā mātari māsiṣikta //
Verse: E    sa upajāya upajāyamāno
Verse: F    dvādaśena trayodaśopamāsaḥ /
Verse: G    [dvādaśatrayodaśena pitrā]
Verse: H    saṃ tad vide 'haṃ prati tad vide 'haṃ
Verse: I    tan ma r̥tavo 'mr̥tyava ābʰaradʰvam //
Verse: J    tena satyena tena tapasa r̥tur
Verse: K    asmy ārtavo 'smi ko 'smi tvam asmi /


Verse: 10    iti tam atisr̥jate //2//

Paragraph: 3_(3a) 
Verse: 1    sa etaṃ devayānaṃ pantʰānam āpadyāgnilokam āgaccʰati /
Verse: 2    sa vāyulokam /
Verse: 3    sa ādityalokam /
Verse: 4    sa varuṇalokam /
Verse: 5    sa indralokam /
Verse: 6    sa prajāpatilokam /
Verse: 7    sa brahmalokam /
Verse: 8    tasya ha vā etasya lokasyāro hradaḥ /
Verse: 9    muhūrtā yaṣṭihāḥ /
Verse: 10    vijarā nadī /
Verse: 11    ilyo vr̥kṣaḥ /
Verse: 12    sālajyaṃ saṃstʰānam /
Verse: 13    aparājitam āyatanam /
Verse: 14    indraprajāpatī dvāragopau /
Verse: 15    vibʰu pramitam /
Verse: 16    vicakṣaṇāsandī /
Verse: 17    amitaujāḥ paryaṅkaḥ /

Paragraph: 3_(3b) 
Verse: 18    priyā ca mānasī /
Verse: 19    pratirūpā ca cākṣuṣī /
Verse: 20    puṣpāṇy ādāyāvayato vai ca jagāni /
Verse: 21    ambāścāmbāyavīścāpsarasaḥ /
Verse: 22    āmbayā nadyaḥ //3//

Paragraph: 4_(4b) 
Verse: 1    (4b) sa āgaccʰaty āraṃ hradam /
Verse: 2    taṃ manasātyeti /
Verse: 3    tam r̥tvāsamprativido majjanti /
Verse: 4    sa āgaccʰati muhūrtān yaṣṭihān /
Verse: 5    te'smād apadravanti /
Verse: 6    sa āgaccʰati vijarāṃ nadīm /
Verse: 7    tāṃ manasaivātyeti /
Verse: 8    tat sukr̥taduṣkr̥te dʰunute /
Verse: 9    tasya priyā jñātayaḥ sukr̥tam upayanti /
Verse: 10    apriyā duṣkr̥tam /
Verse: 11    tad yatʰā ratʰena dʰāvayan ratʰacakre paryavekṣetaivam ahorātre paryavekṣata evaṃ sukr̥taduṣkr̥te sarvāṇi ca dvandvāni /
Verse: 12    sa eṣa visukr̥to viduṣkr̥to brahma vidvān brahmaivābʰipraiti /

Paragraph: 4_(3b) 
Verse: 13    tam ittʰaṃvid āgaccʰati /
Verse: 14    taṃ brahmāha abʰidʰāvata mama yaśasā /
Verse: 15    vijarāṃ vā ayaṃ nadīṃ prāpat /
Verse: 16    na vā ayaṃ jarayiṣyatīti /

Paragraph: 4_(4a) 
Verse: 17    taṃ pañcaśatāny apsarasāṃ pratiyanti śataṃ mālyahastāḥ śatam āñjanahastāḥ śataṃ cūrṇahastāḥ śataṃ vāsohastāḥ śataṃ pʰalahastāḥ /
Verse: 18    taṃ brahmālaṅkāreṇālaṅkurvanti /
Verse: 19    sa brahmālaṅkāreṇālaṅkr̥to vidvān brahmābʰipraiti //4//

Paragraph: 5 
Verse: 1    sa āgaccʰatīlyaṃ vr̥kṣam /
Verse: 2    taṃ brahmagandʰaḥ praviśati /
Verse: 3    sa āgaccʰati sālajyaṃ saṃstʰānam /
Verse: 4    taṃ brahmarasaḥ praviśati /
Verse: 5    sa āgaccʰaty aparājitam āyatanam /
Verse: 6    taṃ brahmatejaḥ praviśati /
Verse: 7    sa āgaccʰatīndraprajāpatī dvāragopau /
Verse: 8    tāv asmād apadravataḥ /
Verse: 9    sa āgaccʰati vibʰu pramitam /
Verse: 10    taṃ brahmayaśaḥ praviśati /
Verse: 11    sā āgaccʰati vicakṣaṇām āsandīm /
Verse: 12    br̥hadratʰantare sāmanī purvau pādau /
Verse: 13    śyaitanaudʰase cāparau pādau /
Verse: 14    vairūpavairāje anūcye /
Verse: 15    śākvararaivate tiraścī /
Verse: 16    sā prajñā /
Verse: 17    prajñayā hi vipaśyati /
Verse: 18    sa āgaccʰaty amitaujasaṃ paryaṅkam /
Verse: 19    sa prāṇaḥ /
Verse: 20    tasya bʰūtañ ca bʰaviṣyac ca pūrvau pādau /
Verse: 21    śrīś cerā cāparau /
Verse: 22    [br̥hadratʰantare anūcye /] bʰadrayajñāyajñīye śīrṣaṇye /
Verse: 23    r̥caś ca sāmāni ca prācīnātānāni /
Verse: 24    yajūṃṣi tiraścīnāni /
Verse: 25    somāṃśava upastaraṇam /
Verse: 26    udgītʰo 'paśrayaḥ /
Verse: 27    śrīr upabarhaṇam /
Verse: 28    tasmin brahmāste /
Verse: 29    tam ittʰaṃvit pādenaivāgra ārohati /
Verse: 30    taṃ brahmāha ko 'sīti /
Verse: 31    taṃ pratibrūyāt //5//

Paragraph: 6 
Verse: 1    r̥tur asmi /
Verse: 2    ārtavo 'smi /
Verse: 3    ākāśād yoneḥ sambʰūto bʰāyai retaḥ /
Verse: 4    saṃvatsarasya tejo bʰūtasya bʰūtasyātmā /
Verse: 5    bʰūtasya bʰūtasya tvam ātmāsi /
Verse: 6    yas tvam asi so 'ham asmīti /
Verse: 7    tam āha ko 'ham asmīti /
Verse: 8    satyam iti brūyāt /
Verse: 9    kiṃ tad yat satyam iti /
Verse: 10    yad anyad devebʰyaś ca prāṇebʰyaś ca tat sat /
Verse: 11    atʰa yad devāś ca prāṇāś ca tat tyaṃ /
Verse: 12    tad ekayā vācābʰivyāhriyate sattyam iti /
Verse: 13    etāvad idaṃ sarvam /
Verse: 14    idaṃ sarvam asi /
Verse: 15    ity evainaṃ tad āha /
Verse: 16    [tad etad r̥kślokenābʰyuktam //6//


Paragraph: 7 
Verse: A    yajūdaraḥ sāmaśirā asāv r̥ṅmūrtir avyayaḥ /
Verse: B    sa brahmeti sa vijñeya r̥ṣir brahmamayo mahān //


Verse: 1    iti]

Verse: 2    tam āha /
Verse: 3    kena me pauṃsnāni nāmāny āpnoṣīti /
Verse: 4    prāṇeneti brūyat /
Verse: 5    kena napuṃsakānīti /
Verse: 6    manaseti /
Verse: 7    kena strīnāmānīti /
Verse: 8    vāceti /
Verse: 9    kena gandʰān iti /
Verse: 10    gʰrāṇeneti /
Verse: 11    kena rūpāṇīti /
Verse: 12    cakṣuṣeti /
Verse: 13    kena śabdān iti /
Verse: 14    śrotreṇeti /
Verse: 15    kenānnarasān iti /
Verse: 16    jihvayeti /
Verse: 17    kena karmāṇīti /
Verse: 18    hastābʰyām iti /
Verse: 19    kena sukʰaduḥkʰe iti /
Verse: 20    śarīreṇeti /
Verse: 21    kenānandaṃ ratiṃ prajātim ity /
Verse: 22    upastʰeneti /
Verse: 23    kenetyā iti /
Verse: 24    pādābʰyām iti /
Verse: 25    kena dʰiyo vijñātavyaṃ kāmān iti /
Verse: 26    prajñayaiveti brūyāt /
Verse: 27    tam āha āpo vai kʰalu me lokam /
Verse: 28    ayaṃ te 'sāv iti /
Verse: 29    sā yā brahmaṇo jitir yā vyaṣṭis tāṃ jitiṃ jayati tāṃ vyaṣṭiṃ vyaśnute ya evaṃ veda ya evaṃ veda //7//


Verse: col. 
ity r̥gvedāntargatakauṣītakibrāhmaṇāraṇyakopaniṣadi pratʰamo 'dʰyāyaḥ //



Next part


This text is part of the TITUS edition of Rg-Veda: Kausitaki-Upanisad.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.